🔺🔻ജോക്കർ 9️⃣ [𝓢𝓪𝓲 𝓥 𝓐𝓼𝓱𝓪𝓷] 3451

“See…. Mr സൂര്യ….. നിങ്ങളുടെ കമ്പനിയുടെ സെയിൽസ് ഡീറ്റൈൽസും ഓഡിറ്റ് ഡീറ്റെയിൽസും തട്ടി എടുക്കാൻ ഒരാൾ കാറിൽ ബോംബ് വെക്കുക എന്നൊക്കെ പറഞ്ഞാൽ വിശ്വസിക്കാൻ ഞങ്ങൾക്ക് കുറച്ചു ബുദ്ധിമുട്ടുണ്ട്…. മര്യാദക് ആണേൽ ഞങ്ങളും മര്യാദക്കര… അല്ലേൽ…..”

“സർ അത്…. അത്….”

“പറയാതെ തരമില്ല സൂര്യ… അതിൽ എന്താ എന്ന് അറിഞ്ഞാൽ മാത്രമേ ആരാ കൊണ്ട് പോയത് എന്ന് കണ്ടു പിടിക്കാൻ പറ്റു… സോ… പ്ളീസ് കോ ഓപ്പറേറ്റ്….”

“സർ… അതിൽ നെക്സ്റ്റ് വീക്ക് നടക്കുന്ന ഓക്ഷനിൽ കമ്പനി സബ്‌മിറ്റ് ചെയ്ത ടെൻഡർ ഡീറ്റെയിൽസ് ഉണ്ട്….”

“മ്മ്… ഓക്കെ…. ഞങ്ങൾ ഇപ്പൊ പോകുന്നു… വീണ്ടും കാണേണ്ടി വന്നാൽ കാര്യങ്ങൾ ഇത്ര ഫ്രണ്ട്‌ലി ആവാൻ ചാൻസ് ഇല്ല….”

ഉച്ചയോട് കൂടി ഡിസ്ചാർജ് ആയ സൂര്യയും ഭാര്യയും ഇരുമ്പനം പ്ലാന്റേഷന്റെ ഓഫീസിനോട് ചേർന്നുള്ള ഗസ്റ്റ് ഹൗസിലേക്ക് താമസം മാറ്റി….

രാത്രി എട്ടു മണിയോടെ ഇരുമ്പനം പ്ലാന്റേഷൻ MD വർഗീസ് കുരിക്കൻ ഗസ്റ്റ് ഹൗസിലേക്ക് വന്നു…

“അച്ചായാ…. ആ ലാപ്ടോപ്പ് അവര് കൊണ്ട് പോയി…..”

“മ്മ്….”

“ലാപ്ടോപിലെ ഡാറ്റയെ കുറിച്ച് പോലീസ് തലങ്ങും വിലങ്ങും ചോദിച്ചു…. ഒടുക്കം ഒരു വഴിയും ഇല്ലാഞ്ഞിട്ടാണ് ടെൻഡർ ന്റെ കാര്യം പറഞ്ഞത്….”

“നന്നായി സൂര്യ … അതിലുള്ള ബാക്കി ഡീറ്റെയിൽസ് അവർ അറിഞ്ഞാൽ അന്ന് തുടങ്ങും ഈ വർഗീസിന്റെ പതനം….”

“അതിപ്പോൾ ഈ ലാപ്ടോപ്പ് കൊണ്ട് പോയ ആൾ അറിഞ്ഞാലും മതിയല്ലോ അച്ചായാ…..”

“മ്മ്….. എന്നാലും നമ്മൾ രണ്ടു പേരും മാത്രം അറിയുന്ന ഈ കാര്യം മൂന്നാമതൊരാൾ എങ്ങനെ അറിഞ്ഞു എന്ന് എനിക്ക് മനസിലാവുന്നില്ല….”
വർഗീസ് സൂര്യയുടെ മുഖത്ത് നിന്നു ദൃഷ്ടി മാറ്റാതെ പറഞ്ഞു…

“അച്ചായൻ എന്നെ സംശയിക്കുകയാണോ????”

“ഏയ്യ്… അങ്ങനെ സംശയം ഒന്നും ഇല്ല… നീ അങ്ങനെ ചെയ്യില്ലെന്നു എനിക്ക് ഉറപ്പാണ്.. നിനക്കു ഇനിയും ആയുസ്സ് ജീവിച്ചു തീർക്കണമല്ലോ….”
*********************************************

Unknown location…

ജോക്കറിന്റെ മുന്നിലുള്ള ലാപ്ടോപിന്റെ സ്ക്രീനിൽ

‘15267 files recovered successfully.’

എന്ന മെസ്സേജ് തെളിഞ്ഞു വന്നു…. ജോക്കറിന്റെ മുഖത്ത് ചിരിയും….

തുടരും…..