🔺🔻ജോക്കർ 9️⃣ [𝓢𝓪𝓲 𝓥 𝓐𝓼𝓱𝓪𝓷] 3451

മിഥുൻ ചെയറിൽ നിന്നു എഴുന്നേറ്റ് ലാപ്ടോപിന് അടുത്തേക്ക് നീങ്ങി… തിരിച്ചു വരുമ്പോൾ കുറച്ചധികം പേപ്പർസ് കയ്യിൽ ഉണ്ടായിരുന്നു….

“നമ്മുടെ മുന്നിൽ രണ്ടു ചോദ്യങ്ങൾ ആണ് ഉള്ളത്…. ജോക്കർ ആര്, എന്തിനു വേണ്ടി?
ഇതിൽ ഒരു ചോദ്യത്തിനുള്ള ഉത്തരം കിട്ടിയാൽ തന്നെ ഈ കേസ് സോൾവ്ഡ് ആണ്…..”

“സർ അതെങ്ങനെ…???”

“കഴിഞ്ഞ നാല് ഇൻസിഡന്റിലും മോഡസ് ഓപ്പറാന്റി വ്യത്യസ്തം ആണെങ്കിലും ഒരു കാര്യം വ്യക്തമാണ്… പ്രതികാരം ആണ് ലക്‌ഷ്യം…. ഇവർ മൂലം മരണം സംഭവിച്ച ഒരു പെൺകുട്ടിക്ക് അത്രയും വേണ്ടപ്പെട്ട ആരോ ആണ് ജോക്കർ, ബ്രദർ ആകാം, ചിലപ്പോ അച്ഛൻ അല്ലെങ്കിൽ ഭർത്താവ് കാമുകൻ…”

“മനസ്സിലായി സർ…..”

“ഈ കേസിൽ ജോക്കർ ആര് എന്ന ചോദ്യത്തിന് പുറകെ പോയാൽ നമ്മൾ ലക്ഷ്യത്തിൽ എത്തണം എന്നില്ല… 4 ഇൻസിഡന്റ് കഴിഞ്ഞു…. 3 പേരുടെ ജീവൻ നഷ്ടമായി എന്നിട്ടും ഒരു ചെറിയ ഹിന്റ് പോലും നമുക്ക് ലഭിച്ചില്ല… That means he has done his homework well.
സോ… നമ്മൾക്ക്‌ എന്തിനു എന്ന ചോദ്യത്തിന് പുറകെ പോകാം…”

“സർ… ഒരു ഡൌട്ട്….”

“യെസ് ശൈവ…..???”

“നമ്മൾക്ക് സോളിഡ് ആയിട്ടുള്ള ഒരു ഓപ്പണിങ് ഉള്ളത് അശ്രിത ആണ്… ബട്ട് ആൾറെഡി പോലീസുകാർ ഒരു തവണ മൊഴി എടുത്ത സ്ഥിതിക്ക് നമ്മൾ ആ ഓപ്പണിങ് വഴി പോയിട്ട് കാര്യം ഉണ്ടോ????”

“You got the point….. നമ്മൾ അശ്രിതയുടെ പിന്നാലെ പോകുന്നില്ല…. പകരം Dr ബിബിന്റെയും അഡ്വ അരുന്ധത്തിയുടെയും പിന്നാലെ പോകാം… ഒരേ സ്ഥലത്തു തന്നെ ആയിരിക്കും എത്തുക എന്ന് എനിക്ക് ഉറപ്പുണ്ട്….”

“മനസ്സിലായില്ല സർ….”

“കഴിഞ്ഞ മൂന്നു കൊലപാതകങ്ങളിൽ ബിബിന്റെയും അരുന്ധത്തിയുടെയും ഇൻസ്റ്റന്റ് ഡെത്ത് ആണ്…. ഐ മീൻ മരണത്തിന് മുൻപ് ഫിസിക്കൽ ടോർചർ ഉണ്ടായിരുന്നില്ല… പക്ഷെ ഋഷിയുടെ കാര്യത്തിൽ, he was tortured like hell… സച്ചിന്റെ കാര്യത്തിൽ എന്തു സംഭവിച്ചു എന്ന് അറിയില്ല… ബട്ട് എനിക്ക് ഉറപ്പാണ്… ഏറ്റവും ബ്രൂട്ടൽ ആയിട്ടായിരിക്കും ആ മരണം എന്ന്…”