🔺🔻ജോക്കർ 9️⃣ [𝓢𝓪𝓲 𝓥 𝓐𝓼𝓱𝓪𝓷] 3451

“മൂന്നാമത്തെയും നാലാമത്തെയും ഇൻസിഡന്റിൽ ലഭിച്ച എവിഡൻസിലേക്കും ഇൻപുട്സിലേക്ക് നമുക്ക് അക്സസ്സ് കിട്ടിയിട്ടില്ല… പക്ഷെ ചില ഇൻസൈഡ് ടോക്ക്സ് ഉണ്ടായിരുന്നു… SP സച്ചിൻ പ്രസാദിനു ഈ കില്ലിങ്സിനു പുറകിലുള്ള കാരണം അറിയാമായിരുന്നു എന്ന്… സ്വന്തം നിലയിൽ ഉള്ള അന്വേഷണത്തിന്റെ തുടക്കത്തിലാണ് സച്ചിൻ കടത്തപ്പെട്ടത്….”

“ഇത് വരെ നമുക്ക് കിട്ടിയ വിവരങ്ങളിൽ നിന്നും ജോക്കറിനെ ഐഡന്റിഫൈ ചെയ്യാൻ ഉള്ള ഒരു വഴിയും നമുക്ക് മുന്നിൽ ഇല്ല…സോ നമ്മളും ലെവൽ സീറോയിൽ നിന്നും തന്നെ തുടങ്ങേണ്ടി വരും അല്ലെ മിഥുൻ???”

“ഞാൻ ജോക്കറിന് പുറകെ അല്ല സർ…. ഈ കൊലപാതകത്തിനു പിന്നിലുള്ള കാരണത്തിന് പുറകെ ആണ്… ജോക്കർ എന്തിനു ഈ കൊലകൾ ചെയ്യുന്നു എന്ന് കണ്ടു പിടിച്ചാൽ ജോക്കർ ആര് എന്ന് കണ്ടു പിടിക്കാൻ എളുപ്പമാണ്…”

“പക്ഷെ അതിനെ കുറിച്ചും ഒരു സൂചന ഇല്ലല്ലോ …???”

“ഉണ്ട് സർ…. ഒരു വഴി ഉണ്ട്…. ഇപ്പോൾ കൊല്ലപ്പെട്ട നാല് പേരും ഉൾപ്പെടുന്ന ഏതെങ്കിലും കേസ് ഉണ്ടോ എന്ന് അന്വേഷിക്കണം… അതിൽ നിന്നും നമുക്ക് തുടങ്ങാം…”

“ഗുഡ്….. ആ പിന്നെ കഴിഞ്ഞ ഒരു മാസം നടത്തിയ അൺഒഫീഷ്യൽ അന്വേഷണം നമ്മൾ മാത്രം അറിഞ്ഞാൽ മതി. മറ്റുള്ളവരുടെ മുന്നിൽ ലീവ് എന്ന് തന്നെ ഇരുന്നോട്ടെ….”

“ഓക്കേ സർ…”

“മ്മ്… ഇന്ന് തന്നെ കോഴിക്കോടേക്ക് തിരിചോളൂ…. മിഥുൻനെ അസ്സിസ്റ്റ് ചെയ്യാൻ ന്യൂ റിക്രൂട്ട്സിലെ രണ്ടു ഇൻസ്‌പെക്ടർസ് ഉണ്ടാകും…”

“താങ്ക് യു സർ…”

“അവരുടെ ഫസ്റ്റ് കേസ് ആണ്… So take care of them…”

“ഷുവർ സർ…”
*********************************************
ഐജി ഓഫീസ് കോഴിക്കോട്

മീര കയ്യിലുള്ള ഫാക്സ് കാർത്തിക്കിനും മറിയത്തിനും നേരെ നീട്ടി…

“പുതിയ ടീമിന് എത്രയും പെട്ടെന്ന് എല്ലാ റെക്കോർഡ്സും ഹാൻഡ്ഓവർ ചെയ്യാൻ ആണ് മുകളിൽ നിന്നുള്ള ഓർഡർ.”

“മാഡം നമ്മൾ ഇത്ര കഷ്ടപ്പെട്ടിട്ട്…”

“മ്മ്… പറഞ്ഞിട്ട് കാര്യം ഇല്ല കാർത്തിക്… നമ്മൾ ചെയ്ത വർക്കിന്‌ റിസൾട്ട് ഉണ്ടാക്കാൻ നമുക്ക് കഴിഞ്ഞില്ല എന്നാണ് പൊതുവെ ഉള്ള വിലയിരുത്തൽ….”

“പുതിയ ടീമിനും ഇതിൽ കൂടുതൽ ഒന്നും ചെയ്യാൻ കഴിയില്ല മാം….”