🔱കരിനാഗം 14🔱[ചാണക്യൻ] 314

രുദ്രരൂപ ചിന്തിതയായി.

ഗ്രൗണ്ടിലെ പൂമരത്തിനു പിന്നിലെ മതിലിനോട് ചേർന്നു പിള്ളേർ  പരിപാലിക്കുന്ന വലിയൊരു ഉദ്യാനം ഉണ്ടായിരുന്നു.

അപ്പോഴാണ് രുദ്ര അവിടേക്ക് ശ്രദ്ധിക്കുന്നത്.

അവിടെ പൂച്ചെടികളും ഔഷധ ചെടികളും പച്ചക്കറികളും ഒക്കെയായി സമൃദ്ധമാണ്.

അപ്പോഴാണ് അവിടെയൊരു റോസചെടി രുദ്രയുടെ മിഴികളിൽ പെടുന്നത്.

അതിൽ ധാരാളം പൂക്കളുണ്ടായിരുന്നു.

നയന മനോഹരമായ ഒരു റോസപ്പൂവിനെ കണ്ണു വച്ച രുദ്ര പയ്യെ ചെന്നു ആരും കാണാതെ അത്‌ പൊട്ടിച്ചെടുത്തുകൊണ്ടു വന്നു.

ശേഷം മഹിയുടെ ജീപ്പിന്റെ ഡോർ തുറന്ന് സീറ്റിൽ വച്ചു.

എന്നിട്ട് ആരും കാണാതെ ക്ലാസിൽ പോയിരുന്നു.

എന്തോ ഒരു സുഖാനുഭൂതിയായിരുന്നു അവളിൽ നിറഞ്ഞു നിന്നത്.

—————————————————-

-മഹാതലം-

-വിഘട സർപ്പ പ്രവിശ്യ-
.
.
.
.
.

അനന്തമായി നീണ്ടു കിടക്കുന്ന സർപ്പ ലോകത്തിന്റെ മധ്യത്തിൽ ദ്വീപ് പോലെ ഒരു ഭാഗം എല്ലാവരിൽ നിന്നും അകന്ന് സ്വതന്ത്രമായി നില നിന്നിരുന്നു.

നിബിഢമായ വന മേഘല ആയിരുന്നു അവിടം.

ഭൂമിയിൽ ഇല്ലാത്ത ധാരാളം അപൂർവ സസ്യലതാദികളും അപൂർവ ജീവി വർഗങ്ങളും അവിടെ പാർക്കുന്നുണ്ട്.

ചിറകുകളുള്ള കുതിരകളും രണ്ടു തലയുള്ള മുതലയും അങ്ങനെ ഒട്ടനേകം ജീവി വൈവിദ്ധ്യം നീല നിറത്തിൽ കുളിച്ചിരിക്കുന്ന ആ പ്രകൃതി മനോഹാരിതയിൽ ജീവിച്ചു പോരുന്നു.

അവിടെ ആ നിബിഢ വനമേഖലയുടെ മധ്യത്തിലായി വലിയൊരു കരിങ്കൽ കെട്ടിടം സ്ഥിതി ചെയ്യുന്നുണ്ട്.

ഒരു കോട്ട പോലെ.

അവിടെ ധാരാളം സർപ്പങ്ങൾ പാർക്കുന്ന വാസസ്ഥലമാണ്.

വെറും സർപ്പങ്ങൾ അല്ല.

വ്യാളി സർപ്പങ്ങൾ.

ചിറകുകൾ ഉള്ള, തീക്കട്ട പോലെ ചുവന്ന കണ്ണുകൾ

സർപ്പ ലോകത്തെ ചാവേറുകൾ.

നരിയായും മാനായും പറവയായയും മാനവനായും രൂപ മാറ്റം നടത്തുന്നവർ.