🔱കരിനാഗം 14🔱[ചാണക്യൻ] 314

അപ്പൊ രുദ്രയുടെ തിരുനെറ്റിയിൽ വൃത്താകൃതിയിൽ നവ രത്നങ്ങൾ തെളിഞ്ഞു വന്നു.

അതിൽ ഗോമേദകം എന്ന രത്നത്തിന്റെ അതീവ ശക്തിയിൽ നിന്നും ഒരു അംശം എടുത്തു ആ കുഞ്ഞിന്റെ നെറുകയിൽ തലോടി.

ഗോമേദകത്തിന്റെ പ്രഭാവ വലയത്താൽ രാഹുവിന്റെ അപഹാരം ആ കുട്ടിയെ വിട്ടകന്നു.

അതിനു ശേഷം ഇന്ദ്രനീലത്തിൽ കുടി കൊള്ളുന്ന അതീവ ശക്തിയുടെ സഹായത്താൽ ആ കുഞ്ഞിന്റെ ആയുസ് ദീർഘിപ്പിച്ചു.

ആ കുഞ്ഞിന്റെ നറുകയിൽ കൂടി തലോടിയ ശേഷം രുദ്ര കോളജ് ബസ്റ്റോപ്പിൽ ഇറങ്ങി.

ബസ് പോയി കഴിഞ്ഞതും രുദ്രയുടെ ചിന്ത ആ കുട്ടിയെ കുറിച്ചായിരുന്നു.

ഒരു നെടുവീർപ്പോടെ രുദ്രരൂപ നേരെ കോ ഓപ്പറേറ്റിവ്‌ കോളേജിന്റെ ക്യാമ്പസിലേക്ക് കാൽ വച്ചു.

ഒരുപാട് കുട്ടികൾ കൂട്ടത്തോടെയും ഒറ്റയ്ക്ക് ആയും കോളജിലേക്ക് വരുന്നുണ്ട്.

ചിലർ അവരവരുടെ വാഹനങ്ങളിലും ആഗതരാവുന്നുണ്ട്.

ക്യാമ്പസിലേക്ക് നടക്കവേ രുദ്രരൂപ ഓർക്കുകയായിരുന്നു.

500 വർഷങ്ങൾക്ക് മുന്നേ ആദ്യമായി ഈ സമതല പ്രദേശങ്ങളിലേക്ക് എത്തി ചേർന്നത്.

അന്ന് തന്നോടൊപ്പം മറ്റു സുഹൃത്തുക്കളുമുണ്ടായിരുന്നു.

പാതാള ലോകത്ത് നിന്നും.

അന്ന് ഇവിടുണ്ടായിരുന്ന ചുറ്റുപാടുകളിൽ നിന്നും ഇന്നത്തെയുമായി താരതമ്യം ചെയ്യുമ്പോ എണ്ണിയാലൊടുങ്ങാത്ത മാറ്റങ്ങളാണ് ഈ ഭൂമിയിൽ സംഭവിച്ചിട്ടുള്ളത്.

പണ്ട് പ്രകൃതിരമണീയമായിരുന്ന ഈ പ്രദേശങ്ങളെ നഗരവൽക്കരിക്കുന്നതിനോട് രുദ്രയ്ക്ക് വിയോജിപ്പുണ്ട്.

രേവതിയുടെ ഓർമകളിലൂടെ സഞ്ചരിച്ചു രുദ്രരൂപ ക്ലാസിൽ എത്തിചേർന്നു.

B. കോം സെക്കന്റ്‌ ഇയർ

അതായിരുന്നു അവളുടെ സെക്ഷൻ.

ക്ലാസിൽ കയറിയ രുദ്രരൂപ പിന്നിലെ ബെഞ്ചിൽ ഏകാംഗിയായിരുന്നു.

ആരോടും മിണ്ടാതെ, ഉരിയാടാതെ അവൾ ഇരുന്നു.

ബെല്ലടിച്ചു കഴിഞ്ഞതും ക്ലാസിലേക്ക് അക്കൗണ്ടൻസിയുടെ ടീച്ചർ വന്നു.

സുന്ദരിയായ ഒരു ടീച്ചർ.

അറ്റന്റൻസ് എടുത്തു കഴിഞ്ഞതും ടീച്ചർ പഠിപ്പിക്കുവാനായി തുടങ്ങി.

രുദ്രരൂപ തിരികെ തന്റെ ചിന്തകളിലും മുഴങ്ങി.

കരിനാഗ രാജകുമാരൻ തിരികെയെത്തിയെന്ന വാർത്ത കാട്ടുതീ പോലെ പടർന്നിരിക്കുകയാണ്.

ഏഴു ലോകങ്ങളിലും.

തന്റെ ശത്രുവിനെ കണ്ടെത്തി എത്രയും വേഗം വധിക്കണമെന്ന് അവൾ കണക്ക് കൂട്ടി.

രേവതി…………….