?കരിനാഗം 14?[ചാണക്യൻ] 314

ശരണ്യയുടെ അച്ഛൻ അപ്പൊ തന്നെ ഇരുട്ട് സാബുവിനെ ഫോണിൽ വിളിച്ചു.

ഒപ്പം ഇത്രയും കൂടി പറഞ്ഞു.

എനിക്ക് വേണം അവനെ….. ജീവനോടെ.

അതും പറഞ്ഞുകൊണ്ടാണ് അദ്ദേഹം ഫോൺ കട്ട്‌ ചെയ്ത്.

പോലീസിന്റെ പ്രാഥമിക അന്വേഷണത്തിൽ ശരണ്യയുടെ കാർ ആക്സിഡന്റ് ആകാൻ കാരണം വീഡിയോ footagil കണ്ട ജീപ്പ് ആണെന്ന് സ്ഥിരീകരിച്ചു.

അപ്പൊ ശരണ്യയെ ആക്രമിച്ച ശേഷം ഹോസ്പിറ്റലിൽ കൊണ്ടു തള്ളിയതാകാമെന്നാണ് പോലീസ് കണക്ക് കൂട്ടിയത്.

——————————————————–

വീട്ടിൽ എത്തിയതും രുദ്രരൂപ കുളിയൊക്കെ കഴിഞ്ഞു ഈറനോടെ ഒരു ദാവണിയൊക്കെ ഉടുത്തു വീടിന് പിന്നാമ്പുറത്തുള്ള പാടത്തേക്ക് നടന്നു.

അവൾ ഓർക്കുകയായിരുന്നു.

മനുഷ്യരൂപം സ്വീകരിച്ചു കഴിഞ്ഞാൽ എന്തൊക്കെ കഷ്ട്ടപാടാണ്.

സമയാസമയത്ത് കുളിക്കണം…… ഭക്ഷണം കഴിക്കണം….. ടോയ്‌ലെറ്റിൽ പോയി പ്രാഥമിക കർമങ്ങൾ ചെയ്യണം.

ഓർത്തപ്പോൾ തന്നെ രുദ്രരൂപക്ക് ചിരി പൊട്ടി.

അവൾക്ക് സ്വയം അതിശയം തോന്നി.

താൻ പുഞ്ചിരിക്കുന്നു.

അതും ഈ 500 വർഷക്കാലത്തിൽ ഇതാദ്യമായി.

തന്നിൽ ഉണ്ടാവുന്ന മാറ്റങ്ങൾ രുദ്രരൂപ അതിശയത്തോടെ അനുഭവിച്ചറിയുകയായിരുന്നു.

അവൾ ആ പാടത്തിന് അപ്പുറമുള്ള സർപ്പകാവിലേക്ക് നടന്നു.

അവിടെ ചിത്രകൂടത്തിന് മുന്നിൽ എത്തിയതും രുദ്രരൂപ അവിടെ പതിയെ ചമ്രം പടിഞ്ഞിരുന്നു.

ചിത്രകൂടത്തിൽ തന്നെ അവളുടെ നേർത്ത മിഴികൾ തറഞ്ഞു നിന്നു.

അതിനു ശേഷം തന്റെ ഇഷ്ട ദൈവമായ വാസുകിയെ പ്രീതിപ്പെടുത്തുവാനായി കണ്ണുകളടച്ചു കൊണ്ട് വാസുകി ഗായത്രി മന്ത്രജപം തുടങ്ങി.

ഓം സർപ്പ രാജായ വിദ്മഹേ

പദ്മ ഹസ്തായ ധീമഹി

തന്വോ വാസുകി പ്രചോദയാത്.

നിറഞ്ഞ മനസോടെ, ഭയ -ഭക്തി ബഹുമാനങ്ങളോടെ അവൾ ഒരു തവണ മാത്രം ആ മന്ത്രം ഉരുവിട്ടു.

അപ്പോഴേക്കും സർപ്പരാജാവായ വാസുകി അവൾക്ക് മുന്നിൽ പ്രത്യക്ഷനായി.

അതും മാനവ രൂപത്തിൽ.

ദേവൻ മാനവ രൂപത്തിൽ വന്നു തന്നെ പരീക്ഷിക്കുകയാണെന്ന് അവൾക്ക് തോന്നി.

ഇതെന്താ ദേവാ ഈ രൂപത്തിൽ ദർശനം നൽകിയത്? അങ്ങയുടെ സർപ്പ രൂപം ആണ് നാം ദർശനത്തിനായി ഒരുവേള ആഗ്രഹിച്ചിരുന്നത്