പ്രീയപ്പെട്ട കൂട്ടുകാരെ …… ,

 

മനസ്സിൽ തോന്നിയ ചെറിയ ഒരു ആശയം ഞാനിവിടെ ചെറുകഥയായി കുറിക്കുകയാണ് . വളരെ കുറച്ച് പേജുകൾ മാത്രമേ ഉള്ളൂ ….. നിങ്ങൾക്ക് ഇഷ്ടമാകും എന്ന പ്രതീക്ഷയോടെ ………… ,

 

എന്നാൽ തുടങ്ങട്ടെ ……… ,

 

 

🔥നീ…സ്വയം തീ ആവുക🔥
Nee Swayam Thee Aavuka | Author : 💞 VICHU[ ചെകുത്താനെ സ്നേഹിച്ച മാലാഖ ] 💞  

 

 

…………………………………….

ഇളം നീല മാരുതി 800 കാർ പതിയെ ഒരു വീടിന്റെ മുൻപിൽ വന്ന് നിന്നു പുറകേ ഒരു ലോറിയും അതിൽ നിറയെ വീട്ട് സാധനങ്ങളും .

 

അനന്തപുരി എന്ന ഗ്രാമത്തിലെ ഹയർസെക്കന്ററി സ്കൂളിലെ പ്രിൻസിപ്പാൾ ആയി മാറ്റം കിട്ടി വന്ന ബാലഗോപലൻ നായരും കുടുംബവും ആയിരുന്നു ആ കാറിനുള്ളിൽ . കാറിന്റെ ഡ്രൈവിംഗ് സീറ്റിൽ നിന്ന് ബാലഗോപാലൻ നായരും പിൻ സീറ്റിൽ നിന്ന് മകളും ഭാര്യയും പുറത്തേക്ക് ഇറങ്ങി . മകൾ അർച്ചന TTC കഴിഞ്ഞ് നിൽക്കുന്നു , ഭാര്യ ലക്ഷ്മി വീട്ടമ്മയാണ് …..

 

” സാറെ ഇത് ഇറക്കാൻ ആള് വരുവോ ….. ? ”

 

ലോറി ഡ്രൈവർ വിളിച്ച് ചോദിച്ചതിന് വെയിറ്റ് ചെയ്യാൻ ഗോപാലൻ നായർ ആംഗ്യം കാണിച്ചു.

 

മനോഹരമായ ഒരു ഗ്രാമപ്രദേശം വീടിന്റെ മുറ്റം കഴിഞ്ഞാൽ ഒരു മൺ റോഡും തൊട്ടടുത്ത് ഒരു വെള്ളം ഒഴുകുന്ന കനാലും അതിനപ്പുറം മുഴുവൻ നെൽപ്പാടവും ആണ് ……

 

ഗോപാലൻ നായർ ആരെയോ വിളിക്കാൻ ഫോൺ കയ്യിൽ എടുത്തതും ഒരു ചെറുപ്പക്കാരനും വേറെ മൂന്ന് നാല് പേരും അവിടേക്ക് വേഗത്തിൽ നടന്ന് വന്നു .

 

” സാറ് ഒരു പാട് നേരം ആയോ വന്നിട്ട് .”

 

ആ യുവാവ് ഗോപാലൻ നായരോട് ചോദിച്ചു.

 

” ഇല്ല ഇപ്പൊ വന്നതേ ഉള്ളൂ…. എന്താ തന്റെ പേര് ? അന്ന് പറഞ്ഞത് ഞാൻ മറന്നു ….. ”

 

ഗോപാലൻ നായർ ആ യുവാവിനോട് ചോദിച്ചു

 

” അജയ് ശങ്കർ ”

 

ആ യുവാവ് അതും പറഞ്ഞ ശേഷം വീടിന്റെ മുൻവശത്തെ കതക് കയ്യിൽ ഇരുന്ന താക്കോൽ കൂട്ടും ഉപയോഗിച്ച് തുറന്നു അതിന് ശേഷം താക്കോൽ കൂട്ടും ഗോപാലൻ നായരുടെ കയ്യിൽ കൊടുത്തു .

 

” സർ വീട് അടിച്ച് വാരി വൃത്തിയാക്കി ഇട്ടിട്ടുണ്ട് . ”

 

അതും പറഞ്ഞ് അജയ്ശങ്കറും കൂടെ ഉണ്ടായിരുന്നവരും ചേർന്ന് വീട്ടു സാധനങ്ങളും ഫർണിച്ചറും അങ്ങനെ ലോറിയിൽ ഉണ്ടായിരുന്നതെല്ലാം ഗോപാലൻ നായരുടെ നിർദ്ദേശപ്രകാരം യഥാക്രമം ഓരോ മുറികളിൽ ആക്കി …… അർച്ചനയും ലക്ഷ്മിയും ചുറ്റിനടന്ന് വീടും പരിസരവും ഒക്കെ കണ്ടു …

 

സാധനങ്ങൾ ഇറക്കിയ ശേഷം അജയ് ശങ്കറുടെ കൂടെ ഉണ്ടായിരുന്ന ലോഡിങ് തൊഴിലാളികൾ കൂലിയും മേടിച്ച് അവിടുന്ന് പോയി ….