??നീ…. സ്വയം തീ ആവുക?? [ചെകുത്താനെ സ്നേഹിച്ച മാലാഖ ] 303

 

” ജയിലിലോ …. എന്ത് തെറ്റ് ചെയ്തിട്ട് ? ”

 

ഗോപാലൻ നായർ ഉടനെ ചോദിച്ചു …

 

“ഞാൻ ഇത് പറയാതിരുന്നാലും നിങ്ങൾ അറിയും അതുകൊണ്ട് ഞാൻ തന്നെ പറയാം …. അവൻ മൂന്ന് പേരെ കൊന്നു …. ആ കുറ്റത്തിന് ”

 

അജയ് സങ്കടത്തോടെ പറഞ്ഞു .

 

” എന്താ…. വല്ല കൊലപാതകികളുടെ വീടിന് അടുത്താണോ നീ മറ്റുള്ളവർക്ക് വീട് ശരിയാക്കി കൊടുക്കുന്നത് …. ഞാനും കുടുബവും എന്ത് സമാധാനത്തിൽ ഇവിടെ ജീവിക്കും … ആ പൂണിനെ ഞാൻ …… ”

 

ഗോപാലൻ നായരുടെ ശബ്ദത്തിൽ ദേഷ്യം ഇരച്ചു കയറി . അയാൾ ഇരുന്ന കസേരയിൽ നിന്ന് പെട്ടെന്ന് എണിറ്റു …..

 

” സർ ഇവിടെ ഒരു കുഴപ്പവും ഇല്ല …. ”

 

അജയ് പറഞ്ഞു …

 

” എന്ത് …. എന്നാലും താൻ ഇങ്ങനെ ചെയ്യരുതായിരുന്നു , എനിക്കും ഒരു മോൾ ഉള്ളതാ ഞാൻ എന്ത് വിശ്വസിച്ച് അവരെ ഇവിടെ ആക്കിയിട്ട് പുറത്ത് പോകും …. എന്നാലും ഒരു കൊലപാതകിയുടെ…… ”

 

” സർ ഒന്ന് നിർത്ത് ”

 

ഗോപാലൻ നായരുടെ വാക്കുകൾ മുഴുവിപ്പിക്കാതെ അജയ് കസേരയിൽ നിന്ന എണീറ്റ് ഉടനെ ശബ്ദം ഉയർത്തി പറഞ്ഞു . ഇത് കേട്ട ലക്ഷ്മിയും അർച്ചനയും പെട്ടെന്ന് എണീറ്റു . ഗോപാലൻ നായർ അജയ് യുടെ മാറ്റം കണ്ട് ഒന്നു ഞെട്ടി .

 

“ശരിയാ അവൻ കൊലപാതകിയാ മൂന്ന് പേരെ കൊന്നു . സ്വന്തം അനുജത്തിയെ പിച്ചി ചീന്തി അവളെ മരണത്തിലേക്ക് തള്ളി വിട്ടവന്മാരെ പിന്നെ എന്ത് ചെയ്യണം …… ”

 

അജയ് ഉറച്ച ശബ്ദത്തിൽ പറഞ്ഞു . അവന്റെ കണ്ണുകൾ നിറഞ്ഞിരുന്നു .

 

” താൻ എന്താ പറഞ്ഞത് ….. ”

 

ഒരു ഞെട്ടലോടെ ഗോപാലൻ നായർ ചോദിച്ചു.

 

” അതെ സർ …. അവന്റെ അനുജത്തി അവനെക്കാൾ മൂന്ന് വയസ്സിന് ഇളയതാ …. പഠിക്കാൻ മിടുക്കിയായിരുന്നു …. ഡോക്ടർ ആവണം എന്നായിരുന്നു ആഗ്രഹം … എൻഡ്രൻസ് എഴുതി ഗവൺമെന്റ് സീറ്റിൽ തന്നെ അവൾ തന്റെ ആഗ്രഹം പോലെ ഡോക്ടർ ആവാൻ MBBS ന് ചേർന്നു …. പക്ഷെ അവിടെ വച്ച് ഉണ്ടായ ഒരു പ്രണയം ….. അവൾ അവനെ വിശ്വസിച്ചു … പക്ഷെ അവൻ ചതിക്കുകയായിരുന്നു … അവൻ സ്നേഹിച്ചത് അവളുടെ മനസ്സിനെ ആയിരുന്നില്ല ശരീരത്തിനെ ആയിരുന്നു….. ഒടുവിൽ അവളെ ചതിയിൽപ്പെടുത്തി അവനും അവന്റെ രണ്ട് കൂട്ടുകാരും ചേർന്ന് അവളെ കൊല്ലാക്കൊല ചെയ്തു ….. ആശുപത്രിയിൽ ജീവച്ചവമായി കിടന്ന അവൾ ജീവനോട് പറഞ്ഞത് ആ മൂന്ന് പേരുടെ പേരുകൾ ആയിരുന്നു …. അധികം വൈകാതെ വേദനകളോട് വിട പറഞ്ഞ് അവൾ ഈ ലോകം വിട്ട് പോയി ….. പോലീസ് അവന്മാരെ പിടിച്ചു … പക്ഷെ കോടതിയിൽ എത്തിയപ്പോൾ തെളിവുകൾ കാറ്റിൽ പറത്തി പണത്തിന്റെ ബലത്തിൽ കോടതി അവസാനം വിധി എഴുതി ആ മൂന്ന് പേരും നിരപരാധികൾ ആണെന്ന് . പണത്തിന്റെ മുകളിൽ ഒരു നിയമവും ഇല്ല എന്നതിന് ഒരു ഉദാഹരണവും കൂടെ ആയി … പക്ഷെ ജീവൻ വിട്ടു കൊടുത്തില്ല …

 

സാറ് കേട്ടിട്ടില്ലേ

‘ നിനക്ക് നീതി കിട്ടിയില്ല എങ്കിൽ നീ സ്വയം തീ…. ആവുക എന്ന് ‘ ….

 

അവൻ തന്നെ നേരിട്ട് ഇറങ്ങി അവർക്ക് വിധി എഴുതാൻ തന്റെ പെങ്ങൾക്ക് നീതി നൽക്കാൻ വേണ്ടി …

 

ഒരു ഹോട്ടൽ മുറിയിൽ കോടതി വെറുതേ വിട്ടതിന്റെ ആഘോഷത്തിൽ ആയിരുന്ന ആ മൂന്ന് പേരെയും അവൻ അവിടെ പോയി വെട്ടുകത്തി വച്ച് വെട്ടി തുണ്ടം തുണ്ടമാക്കി ആ മൂന്ന് പേരുടെയും രക്തം കൊണ്ട് അവൻ മുഖം കഴുകി ….. പോലീസ് വരുന്നത് വരെ അവൻ അവിടെ ഇരുന്നു പിടിയും കൊടുത്തു …… ”

 

അജയ് ശങ്കർ ഒരു വിതുമ്പലോടെ പറഞ്ഞ് നിർത്തി …