??നീ…. സ്വയം തീ ആവുക?? [ചെകുത്താനെ സ്നേഹിച്ച മാലാഖ ] 303

” എടോ ….. ഞാൻ അറിഞ്ഞില്ല … ദിവസവും ഇതുപോലെ എത്ര സംഭവങ്ങൾ …. ഒരാഴ്ചത്തെ ബ്രേക്കിങ് ന്യൂസ് അതു കഴിഞ്ഞാൽ പിന്നെ ആ വാർത്തയ്ക്ക് എന്ത് വില . നഷ്ടപ്പെടുന്നവർക്ക് അല്ലേ അതിന്റെ വേദന അറിയൂ …. എന്നിട്ട് അവന് എത്ര വർഷമാ കോടതി ശിക്ഷ വിധിച്ചത് . ”

ഗോപാലൻ നായർ ചോദിച്ചു …

” ഹ ….. ഹ …. ശിക്ഷ …. നിയമം …..
അന്ന് അവന്മാരെ വെറുതേ വിട്ടു എന്നറിഞ്ഞപ്പോൾ അവൻ എന്നോട് പറഞ്ഞതാ അവന്മാരെ ശിക്ഷിക്കാത്ത കോടതി എന്നെയും ശിക്ഷിക്കില്ല എന്ന് … ജീവൻ അവൻ നിയമം പഠിച്ചവനാ ….

പോലീസ് അറസ്റ്റ് ചെയ്ത് കോടതിയിൽ ഹാജരാക്കിയപ്പോൾ കോടതി വിധിച്ചു അവൻ മനോരോഗിയാണെന്ന് …. അല്ല അവൻ തന്നെ സ്വയം വിധി തിരുത്തി കുറിച്ചു ……. ഈ ആഴ്ച അവന്റെ റിലീസാ …….. സർ സാറിന് ഇഷ്ടമല്ല എങ്കിൽ വേറെ വീട് അറൈൻജ് ചെയ്ത് തരാം ഒരു രണ്ട് ദിവസം വെയിറ്റ് ചെയ്യണം ”

അജയ് പറഞ്ഞു .

” താൻ എന്നോട് ക്ഷമിക്ക് ഞാനിതൊന്നും അറിഞ്ഞതല്ലല്ലോ …… എനിക്ക് ഈ വീട് മതി ….. ”

ഗോപാലൻ നായർ പറഞ്ഞു .

” എന്നാൽ ശരി സർ ഞാൻ ഇറങ്ങുവാ …..പാടത്ത് പണിക്കാർ ഉണ്ട് അവിടെ എത്തണം . ”

അജയ് അതും പറഞ്ഞ ശേഷം വീട് വിട്ട് ഇറങ്ങി
ആ മൺറോഡിലൂടെ മുന്നോട്ട് നടന്ന് ആ ഓടിട്ട വീടിന് മുന്നിൽ എത്തിയപ്പോൾ വീടിന് മുന്നിൽ ഒരു വശത്തായി അശ്വതിയുടെ അസ്ഥിത്തറ അവൻ കണ്ടു അതിന്റെ മുൻപിൽ നിൽകുന്ന പനിനീർ റോസയിൽ ഒരു പനിനീർ പൂവ് വിരിഞ്ഞിരിക്കുന്നു ….

‘ ഞാൻ ഒരു പൂവ് നിനക്ക് തന്ന് എന്റെ ഇഷ്ടം തുറന്ന് പറഞ്ഞിരുന്നുവെങ്കിൽ ഒരു പക്ഷെ നീ ഇപ്പോഴും ജീവനോടെ എന്റെ കൂടെ ഉണ്ടാകുമായിരുന്നു അല്ലേ ….. ?’

അജയ് ആ അസ്ഥിതറ നോക്കി മനസ്സുകൊണ്ട് ചോദിച്ചു … അവന്റെ മിഴികളിൽ നിന്ന് അശ്രു കണങ്ങൾ പതിയെ നിലത്തേക്ക് പൊഴിഞ്ഞ് വീണു ഒടുവിൽ അത് മണ്ണിൽ അലിഞ്ഞ് ഇല്ലാതായി …..

അവൻ ആ മൺ പാതയിലൂടെ മനസ്സിലെ വേദനയും പേറി മുന്നോട്ട് നടന്നകന്നു…….

The End

സ്നേഹത്തോടെ ,

VICHU [ ചെകുത്താനെ സ്നേഹിച്ച മാലാഖ ]