?കഥയിലൂടെ ? 5 [കഥാനായകൻ] 464

“നി ആ മുത്തുവിനെ വിളിച്ചു നോക്കിയേ? ഇവന്മാർ കാരണം പോസ്റ്റ്‌ ആകുമോ എന്തോ?”

അതിൽ ഒരാൾ ഫോൺ എടുത്തു വിളിച്ചപ്പോഴേക്കും ഫോൺ ആ ഗോഡൗണിൽ തന്നെ ബെൽ അടിക്കുന്നത് കേൾക്കാൻ തുടങ്ങി.

“ഏഹ് മച്ചാ അവൻ ഇവിടെ തന്നെ ഉണ്ട് എന്ന് തോന്നുന്നു. മുത്തു.. ടാ മുത്തു…”

അപ്പോഴേക്കും വലിയ ശബ്ദം കേട്ടു അവർ ശബ്ദം കേട്ട സ്ഥലത്തേക്ക് പോയി. അവർ ശബ്ദം കേട്ട സ്ഥലത്ത് കണ്ടത് രക്തത്തിൽ കുളിച്ചു കിടക്കുന്ന ഒരു നാലഞ്ച് പേരെ ആണ്. അപ്പോൾ തന്നെ ഗോഡൗണിന്റെ വാതിൽ അടയുന്ന ശബ്ദം കേട്ടു അവർ അല്പം ഭയത്തോടെ ചുറ്റും നോക്കി.

അവർ പെട്ടന്ന് ഫോൺ അടി കേൾക്കുന്ന ആളുടെ എടുത്തേക്ക് എത്തി. അവർക്ക് അയാളെ തിരിച്ചറിയാൻ സാധിക്കാത്ത വിധത്തിൽ ആണ് അയാൾ ചോരയിൽ മുങ്ങി കിടക്കുന്നത്.

“ആഹ്”

പെട്ടന്ന് തന്നെ വലിയ ഒരു കല്ല് വന്നു ആ രണ്ടുപേരിൽ ഒരാളുടെ തലയിൽ തന്നെ കൊണ്ട്. ആ വേദനയിൽ അയാൾ ഇരുന്നു പോയി അതുപോലെ കല്ല് കൊണ്ട് തല പൊട്ടിയിട്ടും ഉണ്ട്.

മറ്റേ ആൾ ചുറ്റും നോക്കിയിട്ടും ആരെയും കാണുന്നില്ല അതുപോലെ ഭയം അയാളെ നല്ല പോലെ കീഴ്പെടുത്തിയിരുന്നു.

“ആരാടാ അത് ധൈര്യം ഉണ്ടെങ്കിൽ മുൻപിൽ വാടാ”

“വന്നല്ലോ അണ്ണാ, അണ്ണനെ നല്ല പോലെ കാണണം എന്നാണ് ഞങ്ങളോട് പറഞ്ഞത് അപ്പോൾ ഞങ്ങൾക്ക് അണ്ണന്റെ മുൻപിൽ വരാതെ ഇരിക്കാൻ സാധിക്കില്ലല്ലോ.”