💞💞അവൾ രാജകുമാരി – 5 💞💞 [ ചെകുത്താനെ സ്നേഹിച്ച മാലഖ ] 929

” എന്തു വേണോ പറഞ്ഞോ . സമയം കുറേ എടുക്കുമോ ….? എനിക്ക് മടുത്തു . ”

രാഹുൽ ഒരു താൽപര്യം ഇല്ലാത്ത മട്ടിൽ ചോദിച്ചു .

” എടാ ഒരു മണിക്കൂർ കൂടെ , അത് കഴിഞ്ഞ് നീ പൊയ്ക്കോ , ഞാനും ഓഫീസിലേക്ക് പോകും ”

അതുൽ രാഹുലിനോട് പറഞ്ഞു.

അവർ നോൺ ഡിസ്പ്ലേ സെക്ഷനിലേക്ക് നടന്നു. അവിടെ ഉള്ള 94 ഗ്യാലറികളിലും ഉൾപ്പെടാത്ത പല ചരിത്ര വസ്തുക്കളും സൂക്ഷിച്ചിട്ടുള്ള ഒരു വലിയ സെക്ഷൻ തന്നെയാണ് അത് .

അവർ ആ സെക്ഷൻ്റെ എൽഡ്രൻസിൻ്റെ അടുത്ത് എത്തി പുറത്തെ കൺട്രോളിങ് ആൻ്റ് സെക്യൂരിറ്റി ഓഫീസർക്ക് അതുൽ വിസിറ്റിങ് പെർമിഷനുള്ള ഒഫീഷ്യൽ ലെറ്റർ നൽകി .അയാൾ അത് വാങ്ങി വായിച്ച് നോക്കി .

” സർ നിങ്ങൾക്ക് ഉള്ളിലേക്ക് പോകാം ഒരു മണിക്കൂർ ആണ് സമയം .സാധാരണ മൊബൈൽ ഫോൺ ഉള്ളിലേക്ക് കൊണ്ട് പോകാൻ സാധ്യമല്ല പക്ഷെ നിങ്ങൾ ഓഫീസേഴ്സിന് അത് ബാധകമല്ല , പിന്നെ ബാക്കിയുള്ള സെക്യൂരിറ്റി പ്രൊസീജെഴ്സ് നിങ്ങൾക്ക് അറിയാമല്ലോ . പൊയ്ക്കോളു . ”
(ഇംഗ്ലീഷിലാണ് അയാൾ സംസാരിച്ചത്. )

ആ കൺട്രോളിങ് ഓഫീസർ അതുലിനോടും രാഹുലിനോടും പറഞ്ഞു . അവർ സെക്യൂരിറ്റി സ്കാനർ മറി കടന്ന് ഉള്ളിലേക്ക് പ്രവേശിച്ചു.

കട്ടി കൂടിയ കണ്ണാടിച്ചില്ലുകൾ കൊണ്ടുള്ള വളരെയധികം ഷെൽഫുകൾ അതിൽ ഓരോന്നിലും പലതും സൂക്ഷിച്ച് വച്ചിരിക്കുന്നു . നീളം കൂടിയ ഹാൾ പോലുള്ള ഒരു റൂം ആണ് അത് . 180 ഡിഗ്രി ആങ്കിൾ റൊട്ടേഷൻ ഉള്ള
സി സി റ്റി വി ക്യാമറകൾ പലയിടത്തായി സ്ഥാപിച്ചിരിക്കുന്നു . അതെല്ലാം കണ്ട് ഒരു അതിശയത്തോടെ നോക്കി നിൽക്കുകയാണ് രാഹുൽ .