” എടാ ഇത് നീ കണ്ട സ്വപ്നം അതല്ലേ ……. ?”

 

നൗഫൽ ഒരു ആകാംഷയോടെ ചോദിച്ചു.
രാഹുൽ അതിന് അതെ എന്ന രീതിയിൽ ഒന്ന് പുഞ്ചിരിച്ചു .

 

” നീ …. നീ …… ഈ ഫോട്ടോ എവിടെന്നാ എടുത്തത് . ”

 

നൗഫൽ ഉടനെ രാഹുലിനോട് ചോദിച്ചു.

 

 

” ബ്രിട്ടീഷ് മ്യൂസിയം , ലണ്ടൻ ”

 

രാഹുൽ ഒരു പുഞ്ചിരിയോടെ പറഞ്ഞു .

 

 

……………………………………………

 

 

രാഹുൽ നാട്ടിലെ കോളേജ് പഠനം പൂർത്തിയാക്കിയ ശേഷം തുടർപഠനത്തിന് പോയത് ലണ്ടനിലേക്കാണ് അവൻ്റെ ഭാവി അളിയൻ്റെ അടുത്തേക്ക് . അതുൽ അതാണ് ഗീതുവിൻ്റെ മുറച്ചെറുക്കൻ്റെ പേര് . നാല് വർഷത്തെ കോഴ്സ് ഭംഗിയായി രാഹുൽ പൂർത്തിയാക്കി . അതുലിൻ്റെ കൂടെയായിരുന്നു രാഹുലിൻ്റെ താമസം അതുലിൻ്റെ ഫ്ളാറ്റിൽ . അതുൽ അവിടുത്തെ പുരാവസ്തു വകുപ്പിലെ ലോക്കൽ അതോറിറ്റിയിൽ ഹെഡ് ആയി വർക്ക് ചെയ്യുന്നു . കോഴ്സ് കംപ്ലീറ്റ് ആയതു കൊണ്ട് ഒരാഴ്ച കൂടി കഴിഞ്ഞ് നാട്ടിലേക്ക് മടങ്ങാനുള്ള പ്ലാനിങിലായിരുന്നു രാഹുൽ .

 

 

………………………

 

 

ഒരാഴ്ചയ്ക്ക് മുൻപ് ………………….

 

ലണ്ടൻ ………………….

 

 

രാവിലെയുള്ള ഉറക്കത്തെ തല്ലിക്കെടുത്തിക്കൊണ്ട് ഫോൺ ബെല്ലടിച്ചതും രാഹുൽ പുതപ്പ് വലിച്ച് മാറ്റി തൊട്ടടുത്ത ടേബിളിൽ ഇരുന്ന ഫോൺ കയ്യിൽ എടുത്തു . ഫോർണിൻ്റെ ഡിസ്പ്ലേയിൽ

 

അതുൽ ( അളിയൻ )

 

എന്ന് എഴുതിയിരിക്കുന്നു .

 

 

” എന്താ അളിയാ ഉറങ്ങാനും സമ്മതിക്കൂലെ..?”

 

രാഹുൽ ഫോണെടുത്ത ഉടനെ ചോദിച്ചു .

 

 

” എടാ അപ്പൊ നീ ഇതുവരെ എണീറ്റില്ലേ ? സമയം 9 ആയി … ”

 

അതുൽ ഉടനെ ചോദിച്ചു.