💞💞അവൾ രാജകുമാരി – 5 💞💞 [ ചെകുത്താനെ സ്നേഹിച്ച മാലഖ ] 929

” അല്ല അളിയാ ….. ഇവിടെ എന്താ അളിയന് ഡ്യൂട്ടി ? ”

രാഹുൽ സംശയത്തോടെ ചോദിച്ചു.

” എടാ നമ്മുടെ ടീം വർക്കിൻ്റെ ഭാഗമായി ഒരു ഡോക്യുമെൻ്ററി റെഡിയാക്കണം അപ്പൊ അതിൽ ഉൾപ്പെടുന്ന പല പുരാവസ്തുകളും ഇവിടെ ഡിസ്പ്ലേയിലും അല്ലാതെയും ഉണ്ട് അപ്പൊ അതൊന്ന് കണ്ട് മനസ്സിലാക്കി വച്ചാൽ എളുപ്പമായി . റിപ്പോർട്ട് റെഡിയാക്കുമ്പോൾ നേരിൽ കണ്ടത് വച്ച് നമ്മുടേതായ ശൈലിയിൽ എന്തെങ്കിലും ഒക്കെ എഴുതി പിടിപ്പിക്കാമല്ലോ ? ”

അതുൽ ഒരു പുഞ്ചിരിയോടെ പറഞ്ഞു .

അങ്ങനെ ഓരോ ഗ്യാലറിയിലായി ആവശ്യമുള്ളതു മാത്രം വ്യക്തമായി നോക്കി അതിൻ്റെ ഡീറ്റൈൽസ് അതുൽ കയ്യിലെ ചെറിയ ഒരു നോട്ടിൽ കുറിച്ചെടുത്തു . താൽപര്യം ഇല്ലെങ്കിലും രാഹുൽ അതുലിൻ്റെ കൂടെ കൂടി…. അതുൽ സെയിം ഡിപ്പാർട്ട്മെൻ്റിൽ വർക്ക് ചെയ്യുന്നതിനാൽ അവർക്ക് ക്യൂവിൽ നിൽക്കാനോ പേ ചെയത് ടിക്കറ്റ് എടുക്കാനോ ഉള്ള ആവശ്യം ഉണ്ടായില്ല.

………………….

” എടാ രാഹുലേ …… ഇനി നോൺഡിസ്പ്ലേ സെക്ഷനിലേക്കാ നമ്മൾ പോകുന്നത് . അവിടെ ഇതുപോലെ സെക്യൂരിറ്റി ഗാർഡ്സ് ഒന്നും ഉണ്ടാകില്ല ഫുൾ സി സി റ്റി വി കൺട്രോൾ ആണ് , നമ്മളെ വാച്ച് ചെയ്യുന്നത് അതുവഴിയാണ് . അവിടെ പോവാൻ സ്പെഷ്യൽ പെർമിഷൻ വേണം . ഇവിടുത്തെ ഡയറക്ടർ പെർമിഷൻ തന്നാലെ നമുക്കത് ചെന്ന് കാണാൻ പറ്റൂ . അങ്ങേരെ കാണുന്ന കാര്യമാ ഞാൻ രാവിലെ വിളിച്ചപ്പോ നിന്നോട് പറഞ്ഞത് . പെർമിഷൻ അയാൾ തന്നു എനിക്കും എൻ്റെ അസിസ്റ്റൻ്റിനും , അതിന് ശേഷമാ എൻ്റെ അസിസ്റ്റൻ്റായി വർക്ക് ചെയ്യുന്നവൻ വിളിച്ച് പറഞ്ഞത് എന്തോ സുഖമില്ല ഇന്ന് വരാൻ പറ്റില്ല എന്ന് . എന്തായാലും നീ ഉണ്ടല്ലോ …. ഞാൻ നീ എൻ്റെ അസിസ്റ്റൻ്റെന്നാ അവിടെ പറയാൻ പോകുന്നത് ഓക്കെ . ”

അതുൽ രാഹുലിനോട് പറഞ്ഞു .