നൗഫൽ രാഹുലിന്റെ കയ്യിൽ ചാവി കൊടുത്തു കാരണം നൗഫലിന് അറിയാം രാഹുലിനെ ഇനി പിന്തിരിപ്പിക്കാനാകില്ല എന്ന് ……

 

 

രാഹുൽ ജിപ്സിയിൽ കയറി വണ്ടി സ്റ്റാർട്ട് ചെയ്ത് വണ്ടിയിലെ ജി പി എസ് ഓണാക്കി ടച്ച് സ്ക്രീനിൽ റൂട്ട് മാപ് സെറ്റ് ചെയ്തു …….

 

 

………………………

 

 

ഇതേ സമയം
സൂര്യഗിരി എന്ന ഒരു ഗ്രാമം

 

 

സൂര്യഗിരി എന്ന ഗ്രാമത്തിന്റെ അതിർത്ഥി പ്രദേശത്ത് ഉള്ള ഒരു ചെറിയ ക്ഷേത്രം . അത് ഒരു വിശേഷപ്പെട്ട ക്ഷേത്രമാണ് സൂര്യ ഭഗവാനെ പൂജിക്കുന്ന ക്ഷേത്രം ആ ഗ്രാമത്തിൽ ഇനി ബാക്കിയുള്ള ഒരേ ഒരു സൂര്യഭഗവാന്റെ ക്ഷേത്രം ….

 

 

രാവിലെയുള്ള പൂജകൾ ചെയ്യാനായി പൂജാരി ക്ഷേത്രത്തിലേക്ക് വന്ന് നട തുറന്ന സമയം പെട്ടെന്ന് നല്ലപോലെ കാറ്റ് അടിക്കാൻ തുടങ്ങി അടുത്തുള്ള മരങ്ങൾ ആ കാറ്റിൽ ആടി ഉലയാൻ തുടങ്ങി . ക്ഷേത്ര പരിസരത്ത് മുഴുവൻ ആ കാറ്റിൽ ആടി ഉലയുന്ന മണികളുടെ നാദം മുഴങ്ങിക്കൊണ്ടിരുന്നു ….. പെട്ടെന്ന് ആകാശത്ത് നിന്ന് ഭൂമയിലേക്ക് ഒരു പ്രകാശം വന്ന് പതിച്ചു അത് ആ ക്ഷേത്രത്തിന്റെ മുന്നിലാണ് വന്ന് പതിച്ചത് ഉടനെ ആ പ്രകാശം ഒരു ചുഴലികാറ്റായി മാറി സ്ഥാനമാറ്റം സംഭവിക്കാതെ അവിടെ തന്നെ നിന്ന് ശക്തിയായി വീശാൻ തുടങ്ങി…. അപ്പോൾ അവിടെ ക്ഷേത്ര പൂജാരിയായ അയാൾ മാത്രമേ ഉണ്ടായിരുന്നുള്ളൂ ….അയാൾ വേഗം ക്ഷേത്രത്തിന് പുറത്തേക്ക് ഇറങ്ങി , എന്തോ ഓർമ്മ വന്ന പോലെ വേഗം തന്റെ വീട് ലക്ഷ്യമാക്കി ഓടി . ആ നഗ്നപാദങ്ങൾ മണ്ണിൽ പതിഞ്ഞപ്പോൾ അയാൾക്ക് വേദന അനുഭവപ്പെട്ടിരുന്നില്ല . അയാൾ വേഗം ഓടി ക്ഷേത്രത്തിന് അൽപം അകലെയുള്ള തന്റെ വീട്ടിൽ എത്തി വീടിന് അകത്തേക്ക് കയറി . ആ ചെറിയ വീടിന്റെ ഒരു ഒഴിഞ്ഞ മുറിക്കുള്ളിലെ തറയിലെ രഹസ്യ കതക് തുറന്ന് അയാൾ താഴെ നിലവറയിലേക്കുള്ള പടികൾ വേഗം ഇറങ്ങി . അവിടെ അഗ്നി നാളത്തിൽ പ്രകാശിക്കുന്ന ചെറിയ ഒരു വിളക്കിന്റെ അടുത്ത് ഇരിക്കുന്ന ഒരു ഇരുമ്പ് പെട്ടിയുടെ അടുത്ത് അയാൾ എത്തി . ആ പെട്ടി തൊഴുത് വണങ്ങിയ ശേഷം അയാൾ അത് തുറന്നു . അതിനുള്ളിൽ മറ്റൊരു ചെറിയ പെട്ടി . അയാൾ അത് കയ്യിൽ എടുത്ത ശേഷം തുറന്നു . അതിനുള്ളിൽ ഒരു രുദ്രാക്ഷമാല അതിൽ ഒരു സൂര്യന്റെ ആകൃതിയിലുള്ള പതക്കം (ലോക്കറ്റ്) . ആ സൂര്യന്റെ ആകൃതിയിലുള്ള പതക്കത്തിന്റെ നടുക്ക് വളരെ മൂല്യമേറിയ ഒരു ചുവന്ന സൂര്യകാന്തക്കല്ല് ( വിശേഷപ്പെട്ട രത്നം ) . ആ ചുവന്ന കല്ല് സ്വയം പ്രകാശിച്ചു കൊണ്ടിരിക്കുന്നത് അയാൾ കണ്ടു അതും ആദ്യമായി …..

 

 

അയാളുടെ മുഖത്ത് സന്തോഷം കൊണ്ടുള്ള പുഞ്ചിരി വന്ന് നിറഞ്ഞു .

 

 

” അപ്പൊ അങ്ങ് വരാറായി അല്ലേ …. എന്റെ വംശത്തിന്റെ ദൗത്യം എന്നിലൂടെ പൂർത്തിയാക്കുകയാണ് അല്ലേ …… ”

 

 

അയാൾ അതും പറഞ്ഞ് ആ ചെറിയ പെട്ടി അടച്ച് വച്ച ശേഷം ആ വലിയ പെട്ടിക്കുളിൽ നിന്നും ഭാരമേറിയ ലോഹ പാളികൾ കൊണ്ട് നിർമ്മിച്ച ഒരു പഴയ ഗ്രന്ഥം കയ്യിൽ എടുത്തു . അതിന്റെ ആദ്യ പാളിയിൽ ആ മുദ്ര വരച്ച് വച്ചിരിക്കുന്നു …… രാഹുൽ സ്വപ്നത്തിൽ കണ്ട ആ മുദ്ര ……..

 

 

തുടരും ……….

 

 

അടുത്ത പാർട്ടിന് മാക്സിമം 15 ദിവസം ആവശ്യമാണ് . ദയവായി ക്ഷമയോടെ കാത്തിരിക്കുക 🙏 . കഥ ഇഷ്ടമായെങ്കിൽ നിങ്ങളുടെ വിലപ്പെട്ട അഭിപ്രായം ഒരു വരിയിലെങ്കിലും അക്ഷരങ്ങളിലൂടെ കുറിക്കുക✍️ , ലൈക്കായി മുകളിലുളള ❤️ ഒന്ന് ചുവപ്പിക്കുക 🙏 . നന്ദി …….

 

 

സ്നേഹത്തോടെ ….,

 

 

VICHU [ ചെകുത്താനെ സ്നേഹിച്ച മാലാഖ ]