💞💞അവൾ രാജകുമാരി – 5 💞💞 [ ചെകുത്താനെ സ്നേഹിച്ച മാലഖ ] 929

 

……………………………….

 

ബ്രിട്ടീഷ് മ്യൂസിയം ലണ്ടൻ . ലോകത്തിലെ തന്നെ ഏറ്റുവും വലിയ മ്യൂസിയങ്ങളിൽ ഒന്ന് . മനുഷ്യ ചരിത്രത്തെയും അതുപോലെ കല , സംസ്കാരം എന്നിങ്ങനെ എല്ലാ മേഖലകളിലുമുള്ള പുരാവസ്തുക്കളും മറ്റും പ്രദർശിപ്പിച്ചിരിക്കുന്ന മ്യൂസിയം . 1753 ൽ സ്ഥാപിതമായ ഈ മ്യൂസിയത്തിന് 267 വർഷത്തെ പഴക്കം ഉണ്ട് .
ഏകദേശം 80 (8 million ) ലക്ഷത്തോളം പുരാവസ്തുക്കളും അനുബന്ധ മറ്റ് വസ്തുക്കളും ഇവിടെ ഉണ്ടെന്നാണ് കണക്കുകൾ .

 

 

………………………………..

 

 

രാഹുൽ പാർക്കിങ് ഏരിയയിൽ ബൈക്ക് വച്ച ശേഷം മെയിൽ എൻഡ്രൻസ് ലക്ഷ്യമാക്കി നടന്നു . പുറത്ത് നിന്ന് തന്നെ രാഹുൽ ഫോൺ എടുത്ത് അതുലിനെ വിളിച്ച് പുറത്ത് എത്തി എന്ന് പറഞ്ഞു . അൽപം കഴിഞ്ഞതും അതുൽ പുറത്തേക്ക് വന്നു .

 

“ദാ പെൻഡ്രൈവ് . ”

 

രാഹുൽ പെൻഡ്രൈവ് അതുലിന് നേരെ നീട്ടിക്കൊണ്ട് പറഞ്ഞു .

 

 

” നീ അകത്തേക്ക് വരുന്നില്ലേ.. ? ”

 

അതുൽ ചോദിച്ചു .

 

 

” എന്തിന്…..? എനിക്കിതിനോടൊന്നും താൽപര്യം ഇല്ല . വെറുത പുരാവസ്തുക്കളും നോക്കി ഇരിക്കാൻ . ”

 

രാഹുൽ ഒരു പുഞ്ചിരിയോടെ പറഞ്ഞു .

 

 

” എടാ നീ വാ …. എൻ്റെ കൂടെ ഉള്ളയാൾ ഇന്ന് വന്നിട്ടില്ല . നിനക്ക് ഫ്ളാറ്റിൽ പോയി വെറുതെ ഇരിക്കൽ അല്ലേ പണി , ഒരാഴ്ച കഴിഞ്ഞാൽ നീ പോവുകയും ചെയ്യും .. നീ വാ ……. ”

 

അതുൽ അതും പറഞ്ഞ് രാഹുലിനെ നിർബന്ധിച്ച് അകത്തേക്ക് തള്ളിക്കയറ്റി വിട്ടു രാഹുൽ എതിർക്കാനും പോയില്ല . അതുലിനെ അവിടെ ഉള്ള സെക്യൂരിറ്റി ഓഫീസേഴ്‌സിന് അറിയാവുന്നതുകൊണ്ട് അതുലിൻ്റെ കൂടെ വന്ന രാഹുലിനെ ആരും തടഞ്ഞതും ഇല്ല .