💞💞അവൾ രാജകുമാരി – 5 💞💞 [ ചെകുത്താനെ സ്നേഹിച്ച മാലഖ ] 929

” രാഹുലേ എന്താടാ , കണ്ടിട്ട് എന്ത് തോന്നുന്നു.?”

അതുൽ ചോദിച്ചു .

” കൊള്ളാം ഈ അറൈൻജ്മെൻ്റ് എനിക്ക് ഇഷ്ടപ്പെട്ടു . ”

രാഹുൽ മറുപടി പറഞ്ഞു .

” എടാ ഇവിടെ കോടികൾ വിലപിടിപ്പുള്ള ആഭരണങ്ങൾ രത്നങ്ങൾ അതുപോലുള്ള ഐറ്റംസ് വരെ ഉണ്ട് പക്ഷെ അതൊക്കെ ഹൈ സെക്യൂരിറ്റിയിൽ മറ്റൊരു സ്ഥലത്താ . ”

അതുൽ അതും പറഞ്ഞ് ഡോക്യുമെന്ററിക്ക് ആവശ്യമായത് നിരീക്ഷിക്കാൻ തുടങ്ങി .

രാഹുൽ ചുറ്റും നടന്ന് ഓരോ ഷെൽഫിലും ഫദ്രമായി സൂക്ഷിച്ചിരിക്കുന്ന ചില പ്രാചീന ഗ്രന്ഥങ്ങൾ , ചില ഫലകങ്ങൾ അങ്ങനെ ഓരോന്നിലും കണ്ണോടിച്ച് പതിയെ മുന്നോട്ട് നടന്നു .

പെട്ടെന്ന് കണ്ണിലുടക്കിയ ഒരു ലോഹ ഫലകം കണ്ട് രാഹുൽ ഞെട്ടി . അവൻ്റെ മുഖത്ത് ഭയവും അതുപോലെ ആകാംഷയും ഒരു പോലെ വന്ന് നിറഞ്ഞു . അവന് തല കറങ്ങുന്ന പോലെ തോന്നി ഹൃദയമിടിപ്പ് വല്ലാതെ വർദ്ധിച്ചു . അവൻ കണ്ണുകൾ മുറുക്കി അടച്ചു ഉടനെ അവൻ്റെ കണ്ണിലൂടെ ആ പഴയ സ്വപ്നം മിന്നിമാഞ്ഞ് പോയി.

(ഒരു മുദ്ര ചിഹ്നം . ആ ചിഹ്നത്തിൽ – കത്തിജ്വലിക്കുന്ന സൂര്യന്റെ ചിത്രം ☀️, അതിനുള്ളിൽ അഞ്ച് ചിറകുള്ള ഒരു നക്ഷത്രം⭐, അതിനുള്ളിൽ കൈ പിടിയിൽ വ്യത്യസ്തങ്ങളായ അഞ്ച് നിറത്തിലുള്ള കല്ലുകൾ പിടിപ്പിച്ചിട്ടുള്ള ഒരു വാൾ 🗡️ കുത്തനെ വച്ചിരിക്കുന്നു , ആ വാളിന്റെ കൈപിടിയുടെ അഗ്രഭാഗം സിംഹത്തിന്റെ തലയുടെ രൂപം ചെയ്ത് വച്ചിരിക്കുന്നു . സ്വർണ്ണം കൊണ്ട് നിർമ്മിച്ച കൈ പിടിയുള്ള ആ വാളിന്റെ കൈ പിടിയുടെ രണ്ടു വശത്തും രണ്ട് കല്ലുകൾ വീതം ( പച്ച – മഞ്ഞ , നീല – ഓറഞ്ച് ) കൈപിടിയുടെ പുറം ഭാഗത്ത് നടുക്കായി ഒരു ചുവന്ന കല്ല് , അങ്ങനെ മൊത്തം കൈപ്പിടിയിൽ അഞ്ച് കല്ലുകൾ അടങ്ങിയ വാൾ ( നക്ഷത്രത്തിന്റെ അഞ്ച് ചിറകുകളെയും സൂചിപ്പിക്കുന്ന അഞ്ച് കല്ലുകൾ ) . ആ വാളിന്റെ കൈപിടി ഒഴികെയുള്ള മൂർഛയുള്ള ഭാഗം ഏതോ ഒരു ലോഹം കൊണ്ട് നിർമിക്കപ്പെട്ടിരിക്കുന്നു ഇതുവരെ കണ്ടിട്ടില്ലാത്ത ഒരു തരം ലോഹം . )