💖 മിന്നുകെട്ട് 1 💖 [The_Wolverine] 1578

…ഏകദേശം ഒരു ഇരുപത് മിനിട്ടിൽ ഓട്ടോ ചേട്ടൻ എന്നെ ആ വലിയ ഫൈവ്സ്റ്റാർ ഹോട്ടലിന് മുന്നിലായി കൊണ്ടുവന്ന് ഇറക്കി… അവിടെയാണ് ഇന്റർവ്യൂ നടക്കുന്നത് എന്നോർത്തപ്പോൾ തന്നെ എന്റെ കൈയും കാലും വിറക്കാൻ തുടങ്ങി എന്നതാണ് വാസ്തവം… ടിവി യിലും ന്യൂസിലും ഒക്കെ ഒട്ടുമിക്കപ്പോഴും ഞാൻ കണ്ടിട്ടുള്ള ഒരു സ്ഥാപനത്തിന് മുന്നിലാണ് ഞാൻ ഇപ്പോൾ നിക്കുന്നത്… ഇതിന്റെ ഉടമസ്ഥൻ ഒരു നല്ല മനുഷ്യൻ ആണെന്നൊക്കെ ഞാൻ കേട്ടിട്ടുണ്ട്… പെട്ടന്ന് സ്വബോധത്തിലേക്ക് മടങ്ങി വന്ന ഞാൻ ഓട്ടോ ചേട്ടന് കൂലിയും കൊടുത്ത് നേരേ ആ ഫൈവ്സ്റ്റാർ ഹോട്ടലും സാകൂതം നോക്കിക്കൊണ്ട് മുമ്പോട്ട് നടന്നു…

 

“ആരാ… എന്തുവേണം…”

 

…ബാഗും തൂക്കി കിളി പോയതുപോലെയുള്ള എന്റെ വരവ് കണ്ടിട്ടോയെന്തോ സെക്യൂരിറ്റി എന്നോടായി ചോദിച്ചു…

 

“ചേട്ടാ ഞാൻ ഇവിടെ ഒരു ഇന്റർവ്യൂ ഉണ്ടെന്ന് കണ്ട് അത് അറ്റൻഡ് ചെയ്യാൻ വന്നതാ…”

 

…ഞാൻ പുള്ളിയോടായി പറഞ്ഞു…

 

“ഇന്റർവ്യൂ ഒക്കെ ഇന്നലെ തന്നെ കഴിഞ്ഞു താൻ ഇപ്പോഴാണോ അറിയുന്നത്…”

 

“അത് ചേട്ടാ സത്യത്തിൽ ഞാൻ ഇവിടുള്ളതല്ല… നാട്ടിൽ നിന്ന് ഇന്നലെ എറണാകുളത്ത് എത്തിയപ്പോൾ ഒത്തിരി വൈകിപ്പോയിരുന്നു അതോണ്ട് ഇന്നലെ ഇന്റർവ്യൂവിന് വരാൻ പറ്റിയില്ല…”

 

…ഞാൻ പറഞ്ഞു…

 

“ആഹ് ഇനി അതൊന്നും പറഞ്ഞിട്ട് കാര്യമില്ല താൻ ഇവിടെ നിന്ന് സമയം കളയാതെ വേഗം പോകാൻ നോക്ക് സാർ വരാൻ സമയം ആയി…”

 

…സെക്യൂരിറ്റി ഗൗരവത്തോടെ എന്നോടായി പറഞ്ഞു…