💖 മിന്നുകെട്ട് 1 💖 [The_Wolverine] 1578

…ലോഡ്ജിന്റെ റൂം റെന്റ് ഒരു ദിവസത്തേക്ക് 800 രൂപ ആകും എന്ന് കേട്ട് ഞാൻ ആദ്യം ഒന്ന് ഞെട്ടിയെങ്കിലും ഇനി ഈ രാത്രി മറ്റൊരിടത്തേക്ക് പോകാൻ പറ്റില്ലാത്തതുകൊണ്ടും എറണാകുളത്ത് വന്ന് വലിയ പരിചയം ഇല്ലാത്തതുകൊണ്ടും ഒരു നിവൃത്തിയും ഇല്ലാതെ അവിടെത്തന്നെ ഇന്ന് ഒരു രാത്രി കഴിച്ചുകൂട്ടാൻ ഞാൻ തീരുമാനിച്ചു…

…ഐഡി കാർഡും ക്യാഷും റിസപ്ഷനിൽ കൊടുത്തപ്പോൾ  റൂം ബോയ് കീയും എടുത്ത് കൊണ്ടുവന്ന് എനിക്കുള്ള റൂം കാണിച്ച് തന്നു… ലോഡ്ജിലെ ആ റൂം തുറന്ന് കണ്ടപ്പോൾ ശെരിക്കും എന്റെ കണ്ണ് മിഴിഞ്ഞുപോയി എന്നതാണ് വാസ്തവം… വാൾ മൗണ്ടെഡ് എൽ.ഇ.ഡി ടിവി മുതൽ ഡബിൾ ഡോർ ഫ്രോസ്റ്റ്ഫ്രീ റെഫ്രിജെറേറ്റർ, എയർ കണ്ടിഷണർ, പട്ടുമെത്ത വരെ എല്ലാ സൗകര്യങ്ങളും ഉള്ള ഒരു ഫൈവ്സ്റ്റാർ റൂം ആയിരുന്നു അത്… ഞാൻ പതിയെ റൂമിലേക്ക് കേറി ഡോർ ലോക്ക് ചെയ്തിട്ട് ബാഗും, പേഴ്‌സും, ഫോണും എല്ലാം ടേബിളിൽ വെച്ച ശേഷം നേരേ ആ ബെഡ്ഡിലേക്ക് ചാടിക്കയറി കിടന്നു…

…ആദ്യമായിട്ടാണ് ഇത്രയും സൗകര്യം ഒക്കെ ഉള്ള ഒരു റൂമിൽ താമസിക്കുന്നത്… ഒരു അനാഥനായ അല്ലെങ്കിൽ കേറിക്കിടക്കാൻ സ്വന്തമായി ഒരിടം പോലുമില്ലാത്ത എനിക്ക് ഇതൊക്കെത്തന്നെയല്ലേ സ്വർഗ്ഗം…