💖 മിന്നുകെട്ട് 1 💖 [The_Wolverine] 1578

…ഫൈവ്സ്റ്റാർ റൂമിലെ ആ പട്ടുമെത്തയിൽ കണ്ണും അടച്ച് നീണ്ടുനിവർന്ന് കിടക്കുമ്പോഴും എന്റെ കണ്ണുകൾ എന്തിനെന്നറിയാതെ നിറഞ്ഞൊഴുകിക്കൊണ്ടിരുന്നു… ചിലപ്പോൾ ഈ ലോകത്ത് സ്നേഹിക്കാനും സ്നേഹിക്കപ്പെടാനും ആരോരും ഇല്ലാത്ത ഒരുവൻ എന്നുള്ളതിന്റെ സങ്കടം ആകാം… 😭😭😭

…ഞാൻ അർജ്ജുൻ… അർജ്ജുൻ ആദം… ഒരു വെറൈറ്റി പേര് അല്ലേ… അല്ലെങ്കിൽ തന്നെ ജാതിയോ മതമോ വർഗ്ഗമോ വർണ്ണമോ സ്വന്തം മാതാപിതാക്കൾ ആരെന്നുപോലും അറിയാത്ത എന്നെപ്പോലുള്ളവർക്ക് ഒരു പേരിൽ ഒക്കെ എന്ത് കാര്യം ഇരിക്കുന്നു…

…ചുറ്റുമുള്ളതിനെ മനുഷ്യനെന്നും മൃഗമെന്നും വേർതിരിച്ച് അറിയാനുള്ള പ്രായം ആയപ്പോൾ തൊട്ട് ഞാൻ കണ്ടുവളർന്നത് ഞാൻ ഉൾപ്പടെ ആരോരുമില്ലാത്ത ഒരു കൂട്ടം അനാഥ ജന്മങ്ങളെയും ഒത്തിരി സ്നേഹം വാരിക്കോരി തരുന്ന സിസ്റ്റർ അമ്മമാരെയും മറ്റ് അന്തേവാസികളെയും ഒക്കെയാണ്…

…അഞ്ച് വയസ്സ് മുതൽ അനാഥാലയം വക കോൺവെന്റിൽ ആണ് ഞാൻ പഠിച്ചതൊക്കെ… വഴിയാത്രാമധ്യയിൽ കൂടെ പഠിച്ച ഓരോ സൗഹൃദങ്ങളും കൊഴിഞ്ഞുപോയിക്കൊണ്ടിരുന്നെങ്കിലും തളർന്ന് പോയാൽ ഒരു കൈത്താങ്ങായി എന്റെ പിന്നിൽ ആരും ഉണ്ടാകില്ല എന്ന പൂർണബോധ്യം ഉള്ളതോണ്ട് ഓരോ ക്ലാസ്സുകളിലും പരാജയപ്പെട്ടുപോകാതെ നന്നായി തന്നെ പഠിച്ചു… കൂട്ടത്തിൽ സിസ്റ്റർ അമ്മമാരുടെ വക സ്നേഹശാസനവും ശിക്ഷണങ്ങളും ഉണ്ടായിരുന്നു…