💖 മിന്നുകെട്ട് 1 💖 [The_Wolverine] 1578

…വിദ്യാഭ്യാസത്തിന്റെ അടിസ്ഥാനത്തിൽ എറണാകുളത്തെ ഒരു വലിയ വ്യവസായ സ്ഥാപനത്തിൽ ജോബ് വേക്കൻസി കണ്ടതോണ്ടാണ് ഇങ്ങോട്ടേക്കായി യാത്രതിരിച്ചത്… പക്ഷെ ഇന്റർവ്യൂ അറ്റൻഡ് ചെയ്യേണ്ട ദിവസം ഇന്ന് രാവിലെ ആയിരുന്നു… അവിടെന്ന് പുറപ്പെട്ട് എറണാകുളത്ത് ഏത്തിയപ്പോഴേക്കും ഒത്തിരി വൈകിപ്പോയിരുന്നു… അപ്രതീക്ഷിതമായി ഉണ്ടായ ശക്തമായ മഴയും അതിനെ തുടർന്ന് ഉണ്ടായ ട്രാഫിക്ക് ബ്ലോക്കും ഒക്കെയാണ് ഇവിടെ എത്തിച്ചേരാൻ വൈകിയതിന് കാരണമായത്…

…എന്തായാലും ഇവിടെവരെ വന്നതല്ലേ നാളെ രാവിലെ ഇന്റർവ്യൂ നടന്ന ആ സ്ഥലം വരെ ഒന്ന് പോയി നോക്കാമെന്ന് ഞാൻ കരുതി… ജോലി എന്തെങ്കിലും കിട്ടുവാണേൽ കിട്ടട്ടെ… അതും വിചാരിച്ചുകൊണ്ട് ഞാൻ ആ വിശപ്പിന്റെ വിളിയെയും അവഗണിച്ച് ഡ്രെസ്സും മാറി പതിയെ ആ പട്ടുമെത്തപോലുള്ള ബെഡ്ഡിൽ കയറി ചുരുണ്ടുകൂടി കിടന്നു… ഉറക്കത്തിലേക്ക്…

…രാവിലെ എഴുന്നേറ്റ ഞാൻ കുളിച്ച് ഫ്രഷായി റൂം വെക്കേറ്റ് ചെയ്ത് പുറത്തേക്ക് നടന്നു… വിജമായ ഒരിടത്ത് നിന്ന് എറണാകുളം പോലെ തിരക്ക് പിടിച്ച ഒരു നഗരത്തിലേക്ക് വന്നപ്പോൾ വാസ്തവത്തിൽ എന്റെ കിളി പോയ അവസ്ഥ ആയിരുന്നു… ഒരു കാലി ഓട്ടോ പോയപ്പോൾ ഞാൻ അതിന് മുന്നിലായി കൈ വീശി കാണിച്ചു…

“ചേട്ടാ മാളിയക്കൽ ഗ്രൂപ്പ്സ്‌ വരെ ഒന്ന് പോണം…”

…എന്റെ മുന്നിലായി ഓട്ടോ വന്ന് നിന്നപ്പോൾ ഞാൻ ഡ്രൈവറോടായി പറഞ്ഞുകൊണ്ട് സീറ്റിലേക്ക് കേറി ഇരുന്നു…