? മിന്നുകെട്ട് 1 ? [The_Wolverine] 1580

…ഇതുകണ്ട് കോപത്തോടെ വിശ്വനാഥൻ മുന്നോട്ട് വന്നെങ്കിലും അതിന് മുന്നേതന്നെ അനുപമ ചാടിപ്പിടഞ്ഞ് എഴുന്നേറ്റ് ആർജ്ജുന്റെ കുത്തിന് പിടിച്ച് വലിച്ച് പൊക്കി കവിളിൽ തലങ്ങും വിലങ്ങും ആഞ്ഞ് തല്ലിക്കൊണ്ടിരുന്നു… അവളുടെ ആ ദേഷ്യം കണ്ടപ്പോൾ എല്ലാരും ഒന്ന് പേടിച്ചു… വിശ്വനാഥനും ഒന്നും മിണ്ടിയില്ല… സേതുലക്ഷ്മിയും ആകെ പേടിച്ചിരുന്നു… ദേഷ്യം വന്നാൽ പിന്നെ അവളെ പിടിച്ചാൽ കിട്ടില്ല എന്ന് അവർക്ക് ആരോയാമായിരുന്നു… കൂടാതെ ഒരു ബോക്സർ കൂടെയാണ് അനുപമ… അവൾ എന്തെങ്കിലും ചെയ്ത് അവൻ ചത്തുപോകുമോ എന്ന് ഒരു പേടിയും സേതുലക്ഷ്മിക്ക് ഉണ്ടായിരുന്നു…

…തല്ലിയിട്ടും തല്ലിയിട്ടും മതിവരാതെ അവൾ വീണ്ടും വീണ്ടും അവനെ മാറി മാറി അടിച്ചു… അവന്റെ ചുണ്ടൊക്കെ പൊട്ടി ചോര ഒഴുകുന്നുണ്ടായിരുന്നു… അവൻ ഒന്നും മിണ്ടാതെ ഒന്ന് പ്രതികരിക്കുക പോലും ചെയ്യാതെ അവളുടെ ആ പ്രഹരങ്ങൾ ഏറ്റുവാങ്ങുകയായിരുന്നു…

“യൂ ബാസ്റ്റർഡ്…”

…അതും പറഞ്ഞ് അവൾ അടുത്ത് ഇരുന്ന ടേബിളിൽ നിന്ന് ഒരു ജഗ്ഗിൽ ഇരുന്ന ജ്യൂസ് എടുത്ത് ദേഷ്യത്തോടെ അവന്റെ മുഖത്തേക്ക് ഒഴിച്ചു ശേഷം അവന്റെ അടി നാഭി നോക്കി കാൽ ഉയർത്തി ചവിട്ടുകയും ചെയ്തു… അത്രയും ആയപ്പോഴേക്കും അവന്റെ ബോധം നഷ്ടപ്പെട്ടിരുന്നു… പെട്ടെന്ന് വിശ്വനാഥനും സേതുലക്ഷ്മിയും കൂടെ വന്ന് അവളെ പിടിച്ച് മാറ്റി… എന്നിട്ടും അവൾ കുതറിക്കൊണ്ടിരുന്നു… ചുറ്റും കൂടി നിന്നവർ എല്ലാം അവിശ്വസനീയതയോടെ അനുപമയെ നോക്കുകയായിരുന്നു ആർജ്ജുനെ സഹതാപത്തോടെയും…

…വിശ്വനാഥൻ ഒന്ന് കണ്ണ് കാണിച്ചപ്പോൾ പേടിച്ച് മാറി നിന്നിരുന്ന മാനേജർ വന്ന്… ആർജ്ജുനെ പിടിച്ച് ഉയർത്തിയപ്പോൾ അവൻ വാടിയ ഒരു ചെമ്പിൻ തണ്ടുപോലെ താഴേക്ക് ഊർന്ന് വീഴുകയാണ് ചെയ്തത്… അയാൾ അവന്റെ പൾസ് ചെക്ക് ചെയ്തപ്പോൾ എല്ലാം ശൂന്യമായിരുന്നു…