?? സ്വയംവരം 01 ?? 2104

ഏടത്തി മറുപടി പൂർത്തിയാക്കും മുൻപേ ഞാൻ ഓടി ലിവിങ് റൂമിൽ കയറി പറഞ്ഞു..”ഏടത്തി പറഞ്ഞേല് ഒരു തെറ്റൂല്യ… ഞാനല്ല കല്യാണം മൊടക്ക്യേ ന്നർഞ്ഞട്ടും ഏടത്തി എന്നോട് അവള്ടെ കയ്യിൽ മോതിരം ഇടാമ്പാറഞ്ഞതാ. അപ്പൊ അവ്ളാ വല്യ വെയിറ്റ് ഇട്ടേ.. ആരും ഏടത്തീനെ കുറ്റം പർയണ്ടാ..”

“ആ… കഴിഞ്ഞത് കഴിഞ്ഞു,… ഇനീപ്പൊ ആരും പല്ലിന്റെടെ കുത്തി നാറ്റിക്കാൻ നിക്കണ്ട.. ബാക്കി കാര്യം ന്താന്ന് ആലോചിക്കാ..”

ഒള്ളെളെ കുത്തിത്തിരുപ്പ് മാസ്റ്റർ ആയ ലക്ഷ്മി  ചിറ്റ ആണ് പറഞ്ഞത്… ആൾക്ക് പോയിട്ട് എന്തോ തിരക്കുണ്ടെന്ന് തോന്നുന്നു.

“അതിപ്പോ ന്താ അലോയിക്കാൻ.. അവ്നിപ്പോ നല്ല ജോലിണ്ട്. ഇനി വേണംചാ സൈഡീക്കോടെ അച്ഛന്റെ ബിസിനസിലും സഹായിക്കാലോ.. അധികം വൈകിക്കാതെ നല്ലൊരു കുട്ടീനെ കണ്ടു പിടിച്ചതങ്ട് നടത്താ…  അത്രന്നെ..”

വല്യമ്മാവൻ തീരുമാനം പ്രഖ്യാപിച്ചു.. എനിക്കിപ്പോ കല്യാണം വേണ്ടാന്ന് പറയാൻ നാവു പൊന്തിയെങ്കിലും ഏടത്തി എന്റെ കയ്യിൽ പിടിച്ചു നിശബ്ദനാക്കി..

ആ തീരുമാനത്തോടെ അധികനേരം കഴിയും മുൻപ് ആളുകൾ പിരിഞ്ഞു തുടങ്ങി.. ഒരുവിധം എല്ലാവരും പോയിക്കഴിഞ്ഞപ്പോൾ ഏടത്തി എന്റെ റൂമിൽ വന്നു. അപ്പോളും ഞാൻ നിതയുടെ മടിയിൽ കിടക്കായിരുന്നു..

“ഞാങ്കാരണം നിന്റെ ഇഷ്ടം മുടങ്ങുംന്ന് തോന്നണുണ്ടോടാ നിൻക്ക്..”

“പിന്നേ, എടത്തി പോയെ.. എടത്തി ഇല്ലാഞ്ഞേ ഞാൻ പെട്ടേനെ ഇന്ന്.”

“നിൻക്ക് അവ്ളേ ഇഷ്ടാന്ന് ഒര് സൂചന കിട്ടീരുന്നേ… സാരല്യ.. എന്താ വേണ്ടെന്ന് എൻക്കർയം.”

ഏടത്തി ഫോൺ എടുത്തു വിളിച്ചു ലൗഡ് സ്പീക്കറിൽ ഇട്ടു.. റിങ് തീരാറായപ്പോ അതിൽ നിന്നും എന്റെ പ്രിയപെട്ടവളുടെ ശബ്ദം ഒഴുകി എത്തി.

“ഹലോ ഏടത്തി,”

നല്ല പതർച്ച ഉണ്ടായിരുന്നു അവളുടെ ശബ്ദത്തിൽ..

“ഇന്ദു, ഞാൻ അപ്പോളത്തെ ദേഷ്യത്തിനാ ഇനി ഇവിടെ വരണ്ടാ ന്നൊക്കെ പറഞ്ഞത്.. നീ അതൊന്നും മനസ്സിൽ വച്ചേക്കല്ലേ.”

മറുവശത്തു നിന്നു ഒരു കരച്ചിൽ ആണ് മറുപടി കിട്ടിയേ..

“മാപ്പ് ഏടത്തീ, അങ്ങന്യോക്കെ പറഞ്ഞെന്.. അർയാതെ പറഞ്ഞു പോയ്താ ഞാനും.. എന്നോട് വിഷമം വിജാര്ക്കല്ലേട്ടോ.. ഇന്ദ്രേട്ടനോടൊപ്പം നേരിട്ട് വന്നു മാപ്പ് പറയാൻ ഇര്ന്നതാ ഞാൻ..”

“എന്നാ വായോ.. ഇങ്ങോട്ട്..”

“പിന്നേ വരാംടത്തി.. ഇവ്ടെ നെറച്ച് ആള്ക്കാര് ആണ്. എന്നെ എടംവലം തിരിയാൻ സമ്മയ്ക്കണില്ല.. വല്ല കടുംങ്കയ് ചെയ്യോന്ന് പേട്യാത്രെ..”