💖💖 സ്വയംവരം 02 💖💖

swayamvaram 02| Author : അപ്പൂസ്

Previous Part

♥️♥️♥️♥️♥️♥️♥️♥️

ഒരു യുഗം മുൻപ്.. ഒരു യുഗം എന്ന് വച്ചാ മൊബൈൽ യുഗത്തിന് മുൻപ്..

നന്ദിക്കര സ്കൂൾ…..

ഞാൻ അഞ്ചാം ക്ലാസ്സിൽ പഠിക്കുന്നു.. മൊബൈൽ ഇല്ലാത്ത പോലെ ഇന്നത്തെപോലെ മുക്കിലും മൂലയിലും ഉള്ളത് പ്രൈവറ്റ് സ്കൂളുകളും അന്ന് വളരെ കുറവ്..

ഒന്നുകിൽ മാസം തോറും ഫീസ് കൊടുക്കാൻ കാശില്ല.. അല്ലെങ്കിൽ ഇത്ര ദൂരം പഠിപ്പിക്കാൻ വിടാൻ വയ്യ. ഇനി അതുമല്ലേൽ കുറെ വികൃതി പിള്ളേർ അവിടെ ഭയങ്കര സ്ട്രിക്റ്റാ എന്നും പറഞ്ഞു പഠിക്കാൻ പോകില്ല..

എന്തിനേറെ പറയണം…. കണ്ണിൽ കാണുന്ന കാക്കക്കും പൂച്ചക്കും വരെ അന്ന് ആശ്രയം ഉള്ളത് ഗവണ്മെന്റിന്റെ സ്കൂൾ ആണ്.

സ്വന്തമായി ബിസിനസ് നടത്തുന്ന അച്ഛന്റെയും വില്ലേജ് ഓഫീസറായ അമ്മയുടെയും മകനായ എന്നെയും അഞ്ചാം ക്ലാസ്സിൽ അവിടെ തന്നെ ചേർത്തു. ഏട്ടൻ നീരവ് അപ്പോളേക്കും ഡിസ്റ്റിങ്ഷൻ വാങ്ങി പാസായി പോയതിന്റെ പേരിലേക്കും പ്രശസ്തിയിലേക്കും ആണ് ഞാൻ ചെന്നു കയറുന്നത്..

അതിലും നന്നായി പഠിച്ചു അനിഷേധ്യനായ ഒന്നാം സ്ഥാനക്കാരനായി മെഡൽ തുടർച്ചയായി വാങ്ങി അഞ്ചാം ക്ലാസ്സിലും ആറാം ക്ലാസ്സിലെ ഓണപരീക്ഷ വരെയും തുടരുമ്പോളാണ് പുതിയ അഡ്മിഷൻ ആയി ഒരു പെൺകുട്ടി വരുന്നത്..

ഇന്ദുലേഖ!!!!