💖💖 സ്വയംവരം 02 💖💖 1998

ഞാൻ കണ്ണു തുറന്നു നോക്കി.

“ദേ ഇവിടുന്ന് മണം വരണുണ്ട്..”

ഞാൻ അവളുടെ നെഞ്ചിലേക്ക് കൈചൂണ്ടി കുനിഞ്ഞു അവളുടെ നെഞ്ചിനടുത്ത് മണപ്പിച്ചു.. അൽപനേരം അവൾ നിശബ്ദ ആയി കണ്ണുകൾ അടച്ചു കിടന്നു…..

“നിന്റെ കളി മുടങ്ങിലേ ഞാങ്കാരണം .. ചേട്ടൻ കളിക്കാമ്പോയ്ല്ലോ…”

കളിക്കാൻ പോയ അമ്മ കാല് തല്ലി ഒടിക്കും എന്ന് വെറും ഒരു പെണ്ണിനോട് പറയാൻ പറ്റില്ലാല്ലോ അത് കൊണ്ട് ഞാനൊരു നുണ പറഞ്ഞു..

“ഏയ്‌ അല്ലേലും ഭയങ്കര ചൂടാ കാല്ത്ത്…. വൈന്നേരം പോവുംലോ കള്ക്കാൻ..”

“മം, നിന്കൊക്കെ എന്തു സുഖാ…. എന്നോട് ഒര് മാസ്ത്ത്ക്ക് ഓടി കളിക്കരുത് ന്ന് പറഞ്ഞു… തല പഴ്ത്തു പുഴു വരും എന്നു പറഞ്ഞുഅച്ഛൻ. “

“ഓടാണ്ടും കളിക്കാലോ.. കല്ല് കളിക്കാം. നെരോപ്പിച്ച് കളിക്കാം..”

“അയിനു ഈ റൂമിന്ന് പുറത്തിക്ക് വിടില്ല എന്നെ..”

“എന്നാലും ഈർക്കിലികോലു കളിക്കാലോ ഇവിടിര്ന്ന്. “

“ഇക്കറിയില്ലടാ.”

“ഞാൻ പടിപ്പിക്കാട്ടാ.. “

ഞാൻ അവളുടെ അമ്മയുടെ അടുത്ത് പോയി ചൂലിൽ നിന്നും രണ്ട് ഈർക്കിൽ വാങ്ങി അഞ്ഞൂറും നൂറും അമ്പതും പത്തും ഒക്കെ മുറിച്ചു.. കയ്യിൽ തിരിച്ചു നിലത്തേക്ക് ഇട്ടു അനങ്ങാതെ എടുത്തു കളിക്കാൻ അവളെ പഠിപ്പിച്ചു രണ്ടാളും കൂടി കളി തുടങ്ങി..

പഠിപ്പിച്ച ആദ്യകളി ഞാൻ ജയിച്ചെങ്കിലും രണ്ടാം കളി തന്നെ അവൾ എന്നെ തോൽപിച്ചു.. മൂന്നാമതും ഞാൻ തോറ്റു.. വാശി കയറി ഞാൻ പറഞ്ഞു..