❤️ദേവൻ ❤️part 11[Ijasahammed] 253

അച്ചുവിനെ കുറിച്ചോർത്തതും മനസ്സിലൊരു കടലിളകി..

ഇങ്ങനെ ഒക്കെ സംഭവിക്കണമെങ്കിൽ മനസ്സ് കൊണ്ട് അവളെത്ര സഹിച്ചിട്ടുണ്ടാകണം…

അനുഭവിച്ചിട്ടുണ്ടാകും ഒരുപാട്..

ഒന്നും അറിഞ്ഞില്ല..

ഞാൻ അടുത്ത് വേണമായിരുന്നു…

വീണ്ടും നോവനുഭവപ്പെട്ടു…

മുന്നിൽ തൂണിനോട് ചാരി ഇരിക്കുന്ന ഏട്ടനെ കണ്ടപ്പോൾ നോവിരട്ടിച്ചു…

ഒരുറുമ്പിനെ പോലും അറിഞ്ഞുകൊണ്ട് നോവിക്കാത്ത അവളെ കൊണ്ട്
ഒരാളെ കൊല്ലാൻ എങ്ങനെ കഴിഞ്ഞെന്ന് എത്ര ആലോചിച്ചിട്ടും മനസ്സിലായില്ല….

അത്രക്ക് സഹിച്ചില്ലേ അവള്… അച്ഛന്റെയും അമ്മയുടെയും കുറവ് അറിയാതെ വളർത്തിയ ഏട്ടന്റെ മുന്നിൽ തലതാഴ്ത്തേണ്ടി വന്നില്ലേ…

ആ മനസ്സിനെ അത്രമേൽ നോവിച്ചില്ലേ…
എല്ലാം നഷ്ട്ടമായത് അവൻ കാരണമല്ലേ…

അപ്പോൾ അവനെ ഇല്ലാണ്ടാക്കാൻ അവിടെ ധൈര്യത്തിന്റെ ആവശ്യം വേണ്ടിവരില്ല…

ആ ക്ലാസ്സ്‌ മുറിയിൽ അന്ന് അവൾ കിടന്ന് ജീവന് വേണ്ടി പോരാടിയതും…

കണ്ണിൽ വേദന മാത്രമായികൊണ്ട് ഓരോ ദിവസവും തള്ളി നീക്കിയ അവളെ കുറിച്ചാലോചിച്ചപ്പോൾ പക എന്ന വികാരം എന്നിലും ഉണരുകയാണെന്ന് ഞാനറിഞ്ഞു…

അവള് ചെയ്തതാണ് ശെരി…
ഒരായിരം തവണ മനസ്സുമന്ത്രിച്ചു..