❤️ദേവൻ ❤️part 11[Ijasahammed] 253

ഏട്ടൻ ഒന്ന് അമ്പരന്നു…

പതിയെ ചായ ഊതികുടിക്കുന്നതിനിടയിൽ കേട്ട ആ ചോദ്യം കുടിച്ച ചായ നെറുകിൽ കയറ്റി…

“എന്നിട്ടെപ്പോഴാ യാത്ര..?? ”

സത്യം പറഞ്ഞാൽ യാത്രയെ കുറിച്ചെന്നല്ല എന്നെ കുറിച്ച് പോലും ഇത്ര നേരമായി ചിന്തിച്ചിരുന്നില്ല….

ഇനി ഇവിടം വിട്ടു പോകാൻ വയ്യെന്ന് പറയാൻ തോന്നി…

ഉത്തരം കിട്ടാത്തതിനാലാകാം എന്നെ നോക്കിയ ഏട്ടനോടായി

“ഇനി ഒരു തിരിച്ചുപോക്ക് ഇല്ലാതിരിക്കട്ടെ.. ”

എന്ന് ഞാൻ പറയുമ്പോൾ അതിലെ അർത്ഥം മനസ്സിലായവണ്ണം പെട്ടെന്ന് മുഖത്തുനിന്നും കണ്ണെടുത്തു കൊണ്ട് താഴേക്ക് നോക്കി നിന്നു…

ആ മുഖത്തു സങ്കടം നിഴലിക്കുന്നത് ഞാനറിഞ്ഞു…

കണ്ണടക്കാതെ ഞാനാമുഖഭാവങ്ങൾ വീക്ഷിച്ചു കൊണ്ടിരുന്നു…

പെട്ടെന്ന് എന്നെ മറികടന്നു കൊണ്ട് ഉള്ളിലേക്ക് നടന്നു…

അറിയാതെ വിളിച്ചു പോയി..

“ദേവേട്ടാ…. !!”

നടത്തം നിർത്തി തലചെരിച്ചു കൊണ്ട് ഏട്ടൻ പറഞ്ഞ വാക്കുകൾ മനസ്സിനെ അത്രമേൽ വേദനിപ്പിച്ചെങ്കിലും
മിണ്ടാതെ കേട്ട് നിന്നു…