ഹൃദയരാഗം 7 [Achu Siva] 586

ഛെ ഇന്നലെ ഞാൻ എന്തൊക്കെയാ കാട്ടി കൂട്ടിയത് …നിനക്ക് നാണമില്ലേ വാസുകി ഇങ്ങനെ കുഞ്ഞു പിള്ളേരെ പോലെ ..അവള് കൈ കൊണ്ടു നെറ്റിക്ക് അടിച്ചു കൊണ്ടു റൂം വിട്ട് താഴേക്ക് പോയി ….കുളിയൊക്കെ കഴിഞ്ഞു വന്നപ്പോഴേക്കും ശാരദാമ്മയും എത്തി …
പതിവില്ലാതെ അവൾ ശാരദാമ്മയുടെ അടുത്തേക്ക്   ചെന്നു …

ഇന്ന് നല്ല കുട്ടി ആയേക്കാം ..എനിക്കും ഹെല്പിങ് മെന്റാലിറ്റി ഉണ്ടെന്നു ഇവിടെ ഉള്ളവർ അറിയട്ടെ …അവൾ  മൊബൈലും കുത്തികൊണ്ടു അവർക്ക് അടുത്തു പോയി നിന്നു …
അതേയ് ഞാൻ വെല്ലോം സഹായിക്കണോ ?…

കേൾക്കാൻ പാടില്ലാത്തതു എന്തോ കേട്ടത് പോലെ അവർ അവളെ പകപ്പോടെ നോക്കി …

അത് …വേണ്ട മോളെ ..ഒക്കെ ഞാൻ ചെയ്തോളാം …അതിനല്ലേ എന്നെ ഇവിടെ നിർത്തിയെക്കണത് …ഇങ്ങനെ ചോദിക്കാനുള്ള മനസ്സ് കാട്ടിയല്ലോ …അത് മതി …

അതൊന്നും പറഞ്ഞ പറ്റില്ല …എനിക്ക് എന്തേലും ഇപ്പോ സഹായിച്ചേ തീരു  …എന്താ ഞാൻ ചെയ്യണ്ടത് …വേഗം പറ ..

ആ അതിപ്പോ …???അങ്ങനാണേൽ  ഒരു കാര്യം ചെയ് …ദേ അവിടിരിക്കണ പാത്രത്തിൽ ഞാൻ പാല് എടുത്ത് വെച്ചിട്ടുണ്ട് …ഞാൻ കുറച്ചു തുണി ഉള്ളത് പുറത്ത് വിരിച്ചിടാൻ പോവാ …മോളു അത് ഒന്ന് തിളപ്പിച്ച്‌ വെച്ചേയ്ക്ക് …

അയ്യേ അത്രേ ഉള്ളോ …അത് വളരെ ഈസി അല്ലേ …ഞാൻ എപ്പോ ചെയ്തെന്നു ചോദിച്ച മതി …നിങ്ങള് പൊക്കോ …

ഒന്നും കൂടി ആലോചിച്ചിട്ട് പോരെ ??

ദേ വെറുതെ രാവിലെ എന്റെ മൂഡ് മാറ്റരുത് …ഞാൻ ചെയ്തോളാന്ന് പറഞ്ഞില്ലേ ??

ശെരി മോളെ . .അവർ പുറത്തേക്ക് പോയി ..

അവൾ പകുതി ശ്രദ്ധ മൊബൈലിൽ കൊടുത്തു കൊണ്ടു അവർ ചൂണ്ടി കാട്ടിയ ഭാഗത്തുള്ള ഒരു പാത്രത്തിന്റെ അടപ്പ് പകുതി തുറന്നു നോക്കി …അത് എടുത്ത് കൊണ്ടു പോയി ഗ്യാസ് ഓൺ ആക്കി അതിൽ വെച്ചു …

കുറച്ചു സമയം കഴിഞ്ഞപ്പോ വിനയ് താഴേക്ക് വന്നു …

കിച്ചണിൽ നിൽക്കുന്ന വാസുകിയെ അവൻ  കണ്ടു …

ദേവിയെ ??ലെവൾ എന്താ അവിടെ കയറി നിക്കണേ …ഇനി എനിക്ക് വെല്ല പാഷാണവും കലക്കി തരാൻ ഉള്ള പുറപ്പാട് ആണോ     …ഏതായാലും ഒന്ന് നോക്കി കളയാം ….

അയാൾ അവളുടെ അടുത്തേക്ക് ചെന്നു …

Hello ച്യാച്ചി ,എന്താണാവോ ഇങ്ങോട്ടൊക്കെ …പോളിങ്ങിനുള്ള ടൈം ആയില്ലലോ …?

ഇന്ന് മുതൽ ഞാൻ നന്നാവാൻ തീരുമാനിച്ചു ….അതിന്റെ ആദ്യ പടിയാണ് ഇത് …ഞാൻ പാല് തിളപ്പിക്കുവാ …

ഹോ ഇപ്പഴെങ്കിലും ഇങ്ങനൊക്കെ തോന്നിയാലോ …മതി ധൃതി ഇല്ല …പതുക്കെ ഓരോന്ന് പഠിച്ചാൽ മതി …

നിങ്ങള് കാണ്ടാമൃഗത്തിന്റെ പാലാണോ ഈ വീട്ടിലേക്ക് മേടിക്കണേ …എത്ര  നേരമായി ഇത് …ശേ …??