വിവാഹം 2 [മിഥുൻ] 157

“ഇല്ല സാർ”

“വാ.. നമ്മുക്ക് അവിടെ വരെ ഒന്ന് പോകാം.”

“ശെരി സാർ”

“ആദ്യം നേരെ ഫോറൻസിക് ഡിപ്പാർട്ട്മെൻ്റിൽ പോകാം. അയാളുടെ ഫോൺ കൂടെ എടുത്തോ.”

“ഓകെ സാർ”

ഫോറൻസിക് ഡിപ്പാർട്ട്മെൻ്റിൽ ഞൻ എത്തി.

“ഗുഡ് മോണിംഗ് മിഥുൻ സാറേ…”
ഫോറൻസിക് ഹെഡും എൻ്റെ പ്രിയ കൂട്ടുകാരനുമായ അലൻ അവിടെ ചെന്നപ്പോഴേ എൻ്റെ അടുത്തേക്ക് വന്നു.

“എന്തോന്ന് ഗുഡ് മോണിംഗ്… അടുപ്പിച്ച് രണ്ടു ദിവസങ്ങളിൽ രണ്ട് മരണം. ഒന്ന് തല അറത്തും മറ്റേത് നെഞ്ചത്തൂടെ പാര കേറ്റിയും…”

“ഉം ഞാനും ഉണ്ടായിരുന്നു അവിടെ. എന്നാ ചെയ്യാനാടാ… ഓരോരുത്തന്മാർ സൈകോ കില്ലർ എന്ന് പറഞ്ഞു ഇറങ്ങുന്ന കാലം അല്ലേ…”

“നീ ഈ ഫോൺ ഒന്ന് നോക്കണം. ഇന്നലെ മരിച്ച ആളുടെ ആണ്. അയാളുടെ അല്ലാതെ വേറെ ആരുടെ എങ്കിലും ഫിംഗർപ്രിൻ്റ് ഉണ്ടോ എന്ന് നോക്കണം. എന്തെങ്കിലും വിവരം ലഭിച്ചാൽ ഉടൻ തന്നെ എന്നെ വിളിക്കണം. ഞാൻ വണ്ടി കിടക്കുന്നിടത്തേക്ക് പോവുവാണ്.”

അങ്ങനെ ഞാനും കാർത്തിയും അവിടുന്ന് കാറിൻ്റെ അടുത്തേക്കിറങ്ങി. അവിടെ നിന്നും കാര്യമായ ഒന്നും കിട്ടിയില്ല.പക്ഷേ ആ കാറിൻ്റെ മുന്നിൽ നിന്നും മറ്റൊരു വണ്ടി സ്റ്റാർട്ട് ചെയ്തു വേഗത്തിൽ എടുത്ത പോലെ റോഡിൽ ടയർ കറങ്ങിയ പാട് ഉണ്ടായിരുന്നു. അവിടെ നിന്നും കുറച്ച് മാറിയാണ് ഫോൺ ഉണ്ടായിരുന്നത്.

ഞങ്ങൾ അതിനു ശേഷം പോയത് നേരെ ഹോസ്പിറ്റലിൽ ആയിരുന്നു. പോസ്റ്റ്മോർട്ടം റിപ്പോർട്ട് വാങ്ങി. അതിൽ പറയുന്നതനുസരിച്ച് പാര തുളഞ്ഞു കയറി ആണ് അയാൾ മരിച്ചിരിക്കുന്നത്. മരിച്ച ആളുടെ പേര് രാജീവ് എന്നായിരുന്നു.