വിവാഹം 2 [മിഥുൻ] 157

—–

“സോറി സാർ… സാറിന് വിഷമം ആയി അല്ലേ… ഞാൻ ചോദിക്കേണ്ടായിരുന്നു.”

“സാരമില്ല… എനിക്ക് എത്ര വിഷമം ഒന്നുമില്ല…”

“അത് സാറിൻ്റെ കണ്ണ് നിറഞ്ഞിരിക്കുന്നു കണ്ടാൽ അറിയാം….”

ഞാൻ ഒന്നും പറഞ്ഞില്ല. കാർത്തി പിന്നെ ഒന്നും ചോദിച്ചതുമില്ല.

ഞങ്ങൾ നേരെ ഓഫീസിൽ എത്തി. ഞങ്ങൾ ഒന്ന് സ്വസ്ഥമായതിന് ശേഷം പേഴ്സണൽ കാര്യങ്ങൽ വിട്ടു പിന്നെയും കേസ് ആലോചിക്കാൻ നോക്കി.

“കാർത്തീ… ഹോസ്പിറ്റലിൽ ആയതു കൊണ്ട് താൻ പറഞ്ഞതൊന്നും ഡീറ്റെയിൽ ആയി കേൾക്കാൻ പറ്റിയില്ല. ഇന്നലത്തെ കൊലയുടെ ഡീറ്റെയിൽസ് എന്തെങ്കിലും പ്രയോജനം ആയിട്ട് കിട്ടിയിട്ടുണ്ടോ…?”

“അത് സാർ…. ഫോൺ കിട്ടി. അത് കിട്ടിയത് അയാളുടെ വീട്ടിൽ നിന്നും അടുത്തുള്ള ഫോറസ്റ്റ് അറിയയിലേക്ക് പോകുന്ന വഴിക്ക് നിന്നാണ്. ഫോണിൽ ലാസ്റ്റ് കോൾ വന്നത് അയാളുടെ ഭാര്യയുടെ നമ്പറിൽ നിന്നാണ്. പിന്നെ അങ്ങനെ കൊല നടക്കുന്നതിന് അടുതായിട്ടെങ്ങും അൻനോൺ നമ്പറിൽ നിന്നും കോൾ വന്നിട്ടില്ല. കോൾ ലിസ്റ്റ് നോക്കിയിട്ട് കാര്യം ഇല്ല എന്ന് തോന്നുന്നു. അയാൾ ക്ലബിൽ പോകുന്നു എന്ന് പറഞ്ഞിട്ടാണ് ഇറങ്ങിയത്. പക്ഷേ വേറെ റൂട്ടിൽ ആയിരുന്നു വണ്ടി ഉള്ളത്. വണ്ടി സഫെ ആയിട്ട് റോഡിന് സൈഡിൽ ഒതുക്കി ഇട്ടിട്ടുണ്ട്. പിന്നെ ഞാൻ നേരത്തെ പറഞ്ഞത് പോലെ ക്രിമിനൽ റെക്കോർഡും ഒന്നും ഇല്ലാത്ത ആളാണ് ഈ മരിച്ച അരവിന്ദ്. ബാങ്കിൽ ജോലി ചെയ്തുകൊണ്ടിരുന്ന ആളായിരുന്നു. ബാങ്കിൽ ഒക്കെ നല്ല അഭിപ്രായം. അയാളോട് ആർക്കും ശത്രുത ഉണ്ടായിരുന്നെന്ന് ആർക്കും അറിവില്ല.”

“ആരും ഫോൺ വിളിച്ചില്ലെങ്കിൽ പിന്നെ എന്തിനാണ് അയാൾ ഫോറസ്റ്റ് ഏരിയയിൽ പോയത്?. വണ്ടിയിൽ എന്തെങ്കിലും പാടുകളോ സഡൻ ബ്രേക്ക് ചെയ്ത പാട് റോഡിലോ ഉണ്ടായിരുന്നോ?”