വിവാഹം 2 [മിഥുൻ] 157

“ഹലോ ലിൻ, ഞാൻ മിഥുൻ. മിലിയൂടെ ചേട്ടൻ ആണ്. മിലി എന്നൊടെല്ലാം പറഞ്ഞു. നിനക്കെൻ്റെ അനിയത്തിയുടെ പുറകെ നടക്കണോടാ??..”

“അയ്യോ ചേട്ടാ.. ഞാൻ പുറകെ നടന്നു ശല്യപ്പെടുത്താൻ ഒന്നും ചിന്തിച്ചിട്ടില്ല. എനിക്ക് മിലിയേ ഒത്തിരി ഇഷ്ടമാണ്. പക്ഷേ അത് പറഞ്ഞു ഞാൻ ശല്യപ്പെടുത്തിയിട്ടില്ല.”

“അപ്പൊൾ നിനക്കവളെ ഇഷ്ടമാണ്. ഇനി പുറകെ നടന്നു സമയം മിനക്കെടുത്തി പഠിത്തത്തിൽ ഉഴപ്പി ജോലി ഒന്നും കിട്ടിയില്ലങ്കിൽ ഞാൻ കെട്ടിച്ചു തരില്ല.”

ആദ്യം ദേഷ്യപ്പെട്ടതാണെന്ന് കരുതിയ ലിൻസ് കുറച്ച് നേരം എടുത്താണ് ഞാൻ പറഞ്ഞ കാര്യം മനസ്സിലാക്കിയത്. അത് മനസ്സിലായപ്പോൾ അവൻ്റെ കണ്ണ് വിടർന്നു കണ്ടപ്പോൾ തന്നെ അവനു മിലിയോടുള്ള ഇഷ്ടം മനസിലായി.

അവർ തമ്മിൽ അങ്ങനെ സ്നേഹിച്ചു. 3 വർഷത്തെ പ്രണയത്തിന് ശേഷം 6മാസം മുന്നേ ആയിരുന്നു അവരുടെ കല്യാണം നടക്കേണ്ടത്. പക്ഷേ കല്യാണത്തിൻ്റെ അന്നാണ് ഞാൻ അവനെ പറ്റി ശെരിക്കും മനസ്സിലാക്കിയത്.

അവൻ മറ്റുപല സ്ത്രീകളുമായി ബന്ധം പുലർത്തിയിരുന്നു. പക്ഷേ അത് കേട്ടപ്പോൾ ഉണ്ടായ ഷോക്ക് എൻ്റെ മിലിമോൾക്ക് താങ്ങാവുന്നതിലും അപ്പുറമായിരുന്നു. മിലി അവനെ അത്രയധികം സ്നേഹിച്ചിരുന്നു. അന്ന് എൻ്റെ മോള് മയങ്ങി വീണു. 4 മാസത്തോളം വെൻ്റിലേറ്ററിൽ ബോധമില്ലാതെ കിടന്നു. ഹൃദയാഘാതം ആയിരുന്നു. അത് എൻ്റെ മോളുടെ ജീവൻ കൊണ്ട് പോയില്ല. പക്ഷേ ജീവിതം കൊണ്ട് പോയി. അവളുടെ കയ്യും കാലും തളർന്നു കിടപ്പായിരുന്നു.

4 മാസങ്ങൾക്ക് ശേഷം ഐസിയു ഇല് നിന്നും പുറത്തിറങ്ങി. ഒരു മാസം ആയത്തെ ഉള്ളൂ വീട്ടിൽ കൊണ്ട് വന്നിട്ട്. ഒരു സന്തോഷവാർത്ത ഉണ്ട്. മിലി മോൾ ഇപ്പൊൾ മരുന്നുകളും ആയി നന്നായി റസ്പോണ്ട് ചെയ്തു തുടങ്ങി. കുറച്ച് നാളുകൾക്ക് ഉള്ളിൽ എൻ്റെ മിലി മോൾ പഴയപോലെ ആകും….