വിവാഹം 2 [മിഥുൻ] 157

അവള് തല ഉയർത്തി കോളജിലേക്ക് പോകുന്നത് ഞാൻ നോക്കി നിന്നു.

കുറെ ദിവസങ്ങൾ കടന്നു പോയി… ദിവസങ്ങൾ മാസങ്ങളായി.. അങ്ങനെ എനിക്ക് കല്യാണാലോചന തുടങ്ങി…

ആ ആലോചനകളുടെ അവസാനം എനിക്ക് കിട്ടിയ പെണ്ണായിരുന്നു അനു എന്ന എൻ്റെ മാത്രം അനാമിക. മിലി മോളെ എന്നെക്കാൾ സ്നേഹത്തോടെ ആണ് അനു നോക്കിയത്….

ഒരു ദിവസം മിലി മോളെ വളരെ വിഷമത്തോടെ കണ്ടു. ഞാൻ കാര്യം തിരക്കി. മിലി ഒന്നും പറഞ്ഞില്ല. എൻ്റെ കുറെ നേരത്തെ നിർബന്ധത്തിന് വഴങ്ങി മിലി കാര്യം പറയാൻ തുടങ്ങി.

“അത്.. പിന്നെ… ഏട്ടാ… എനിക്ക്… എൻ്റെ കോളജിലെ ഒരാളെ ഇഷ്ടം ആണ്.”

എനിക്ക് നല്ല രീതിയിൽ ദേഷ്യം വന്നു. പക്ഷേ ഞാൻ ഇതുവരെ മിലി മോളെ വഴക്ക് പറഞ്ഞിട്ടില്ല.

അവള് തുടർന്നു: “എട്ടനോടു പറയാത്ത ഒന്നും എൻ്റെ ജീവിതത്തിൽ ഇല്ല. ലിൻസ് എന്നാണ് അവൻ്റെ പേര്. നന്നായി പഠിക്കും. ഒരു പാവപ്പെട്ട വീട്ടിലെ ആണ്. എന്നെ വല്യ ഇഷ്ടമാണ്. എന്നോടൊരു തവണ പറഞ്ഞു. പിന്നെ എന്നെ അത് പറഞ്ഞു ശ ഒന്നും വന്നിട്ടില്ല. എങ്കിലും ഞാൻ ഇങ്ങോട്ട് പോയാലും അവൻ്റെ ഒരു നോക്കട്ടം കൂടുണ്ടായിരുന്നു. അങ്ങനെ ആണ് എനിക്കവനെ ഇഷ്ടമായത്.. ഞാൻ ഇതുവരെ അവനോടു തുറന്നു പറഞ്ഞിട്ടില്ല. ഏട്ടനോട് പറയാതെ പറയണ്ട എന്ന് കരുതി.. ചേട്ടൻ പറ ഞാൻ എന്ത് വേണം.. അവനെ മറക്കണോ.. അതോ സ്നേഹിക്കണോ?. ഏട്ടൻ പറയുന്നത് പോലെ ഞാൻ ചെയ്യും.”

ഞാൻ ഒന്നും മിണ്ടാതെ അവിടെ നിന്നും ഇറങ്ങി. നേരെ പോയത് അവനെ കാണാൻ ആയിരുന്നു. അതിനു മുന്നേ നാട്ടിലും വീട്ടിലും ഒക്കെ അന്വേഷിച്ചു. അവനെ പറ്റി നല്ല അഭിപ്രായം. അവനെ നേരിട്ട് കാണാനായി പോയി.