” ചായ കുടിച്ചിട്ടോ, അപ്പോൾ നിങ്ങൾ ഇന്നുതന്നെ തിരിച്ച് പോകുന്നുണ്ടോ? ”
” ഞങ്ങൾ കുറച്ചു കഴിഞ്ഞ് ഇറങ്ങും ”
” അപ്പോൾ ചേട്ടൻ വരാൻ നിൽക്കുന്നില്ലേ ”
” ഇല്ല മോളെ. ഞങ്ങൾ, ഗൗരിയെ കൊണ്ടുപോകാൻ വന്നതാണ്. നാലഞ്ചു ദിവസം മുടക്കാണല്ലോ ”
” ഓ……. അത് ശരിയാണല്ലോ ”
” പിള്ളേര് എന്തിയെ മോളെ? ”
” അവർ രണ്ടുപേരും കട്ടിലിൽ ഇരുന്ന് കളിച്ചു, അവിടെത്തന്നെ കിടന്നുറങ്ങി ”
പറഞ്ഞുകൊണ്ടിരിക്കുന്നത് അതിനിടയിൽ മോളുടെ ഫോൺ വന്നു.
” ഹലോ… എന്താ കളക്ടർ സാറേ പുറപ്പെട്ടില്ലേ? ”
” ഓ….. ഇന്നാണോ വരേണ്ടത്, ഞാൻ ആ കാര്യമങ്ങു മറന്നു. ഇനിയിപ്പോൾ നാളെ രാവിലെ എത്താം ”
” മാഡം, ജോലിത്തിരക്കിനിടയിൽ എന്റെ കാര്യം മറന്നു പോയെങ്കിൽ കുഴപ്പമില്ല ഞാൻ എന്റെ അച്ഛനെ വിളിച്ചോളാം. ഏതു പാതിരാത്രി ആയാലും അച്ഛൻ എന്നെ കൊണ്ടുപോകാൻ ഇവിടെ വരും ”
മോളെ ദേഷ്യം പിടിപ്പിക്കാൻ തന്നെ ഞാൻ തീരുമാനിച്ചു.
” ഒരു രാത്രിയിലെ കാര്യമല്ലേ, നാളെ രാവിലെ തന്നെ ഞാൻ അവിടെ എത്തിക്കോളാം ”
അപ്പോഴേക്കും മോള് കരയാനുള്ള തയ്യാറെടുപ്പ് ആയെന്ന് ഫോണിലൂടെയുള്ള സംസാരത്തിൽ നിന്നും മനസ്സിലായി.
” വേണ്ട ഇനി ഞാൻ ആരെയും വിളിച്ചു ശല്യം ചെയ്യില്ല. എന്റെ കാര്യം ഓർമ്മിക്കാത്ത ആളോട് ഇനി ഞാൻ സംസാരിക്കില്ല “
ഹലോ , ദാസേട്ടൻ നിങ്ങൾ ഇത് എവിടെയാണ്, ഒരു വിവരവുമില്ലല്ലോ?! അടുത്ത ഭാഗം എഴുതി തുടങ്ങിയോ?
അതോ …!? എന്തായാലും
മറുപടി നൽകുമെന്ന് പ്രതീക്ഷിക്കുന്നു ….❣️
സബ്‌മിറ്റ് ചെയ്യുന്നു. ❤️❤️❤️