അണ്ണന്മാർ ഭക്ഷണം കഴിക്കുന്നതിനിടയിൽ കഴിഞ്ഞ ദിവസങ്ങളിൽ ഇവിടെ നടന്ന തമാശകൾ പറഞ്ഞു ഞങ്ങൾ ചിരിച്ചുകൊണ്ടിരുന്നതിനിടയിൽ ഞാൻ കോട്ടേജിന്റെ ഭാഗത്തേക്ക് നോക്കിയപ്പോൾ അവിടെ താര ഞങ്ങളെയും നോക്കി നിൽക്കുന്നു. ഭക്ഷണം കഴിച്ച് ഞാൻ മുകളിൽ ചെല്ലുമ്പോഴും താര അവിടെത്തന്നെ ഉണ്ടായിരുന്നു. ഞാൻ ചോദിച്ചു
” എന്തേ കിടക്കുന്നില്ലേ? ”
” ചേട്ടൻ ഒരു തമാശക്കാരൻ ആണല്ലേ? പക്ഷേ, ഞാനിതുവരെ ഇങ്ങനെയൊന്നും ചിരിച്ചു കണ്ടിട്ടില്ല ”
” അങ്ങനെയൊന്നുമില്ല, ചിരിക്കാൻ ഉള്ള സന്ദർഭം വരുമ്പോൾ ചിരിക്കും ”
” ഞാൻ ചേട്ടനെ ആദ്യം കണ്ടപ്പോൾ മുതൽ ശ്രദ്ധിക്കുന്നതാണ് മുഖത്ത്, ഒരു വിഷാദ ഭാവം ”
” അത് താരക്ക് തോന്നുന്നതാണ്. എന്റെ മുഖത്ത് എന്തിന് വിഷാദം വരണം. എനിക്ക് മുതിർന്ന ഒരു മകളുണ്ട് ആള് ഉടനെ തന്നെ ഇവിടെ വരും. എന്റെ ബന്ധുക്കളെ ഒന്നും പരിചയപ്പെട്ടിട്ടില്ലല്ലോ, ഓരോരുത്തരെയായി സാവധാനം പരിചയപ്പെടാം ”
” എന്നിട്ടെന്തേ ഫാമിലിയെ കൂടെ കൂട്ടാത്തത് ”
” മോള് ഡിഗ്രി ഫൈനൽ ഇയറാണ്. മോൾക്ക് ക്ലാസ് ഉള്ളതുകൊണ്ട് ചേട്ടന്റെ വീട്ടിൽ നിന്നാണ് പോകുന്നത് ”
” മോള് വല്യച്ഛന്റെ വീട്ടിൽ നിന്നാണ് പോകുന്നതെങ്കിൽ ഭാര്യയെ കൂടെ കൂട്ടാത്തത് എന്തേ? ”
” മോളുടെ അമ്മ ഒരു ആക്സിഡന്റിൽ മരിച്ചു ”
” മോളുടെ അമ്മ മരിച്ചിട്ട് അധികം നാളായോ ”
” മോൾക്ക് 8 വയസ്സുള്ളപ്പോൾ മരിച്ചതാണ് “
ഹലോ , ദാസേട്ടൻ നിങ്ങൾ ഇത് എവിടെയാണ്, ഒരു വിവരവുമില്ലല്ലോ?! അടുത്ത ഭാഗം എഴുതി തുടങ്ങിയോ?
അതോ …!? എന്തായാലും
മറുപടി നൽകുമെന്ന് പ്രതീക്ഷിക്കുന്നു ….❣️
സബ്‌മിറ്റ് ചെയ്യുന്നു. ❤️❤️❤️