രുദ്ര വീരസിംഹൻ -THE WARRIOR PRINCE [PONMINS] 252

കണ്ട സ്വപ്നത്തിന്റെ ഞെട്ടലിലും പേടിയിലും അലറി വിളിച്ചുകൊണ്ട് വാതിൽ വലിച്ചു തുറന്ന് മുറിയിൽ നിന്നുംഇറങ്ങി ഓടിയ ശ്രീഭദ്ര പെട്ടെന്ന് എന്തിലോ തടഞ്ഞു നിന്നു , ഒഴുകി ഇറങ്ങുന്ന കണ്ണീർ തുള്ളികളെവകവെക്കാതെ അവൾ മുഖം പൊക്കി നോക്കി , ഒരു ചെറു ചിരിയോടെ അവളെ ചേർത്തുപിടിച്ചു നിൽക്കുന്നമുത്തശ്ശനും തൊട്ടുപുറകിൽ നിൽക്കുന്ന അച്ഛനെയും കണ്ടതും “ മുത്തശ്ശാ “ എന്നലറി നിയന്ത്രണം വിട്ടവൾകരഞ്ഞു ,അദ്ദേഹം അവളെ തന്റെ നെഞ്ചിലേക്ക് ചേർത്ത് പിടിച്ചു സമാധാനിപ്പിച്ചു , അവളുടെ അച്ഛനുംഅവളുടെ തലയിൽ പതിയെ തലോടി

“ മുത്തശ്ശന്റെ കുട്ടി പേടിക്കണ്ടാട്ടൊ , ഒന്നും വരില്ല, ഞങ്ങൾ ഒക്കെ ഇല്ലേ ഇവിടെ ,,മ്മ്  “

അദ്ദേഹം അവളെ സമാധാനിപ്പിച്ചു , അച്ഛൻ അവളെ പതിയെ കൊണ്ടുപോയി കിടത്തി , അവൾ മുറിയിലേക്ക്കയറിയതും അയാൾ ഫോൺ എടുത്ത് നമ്പർ ഡയൽ ചെയ്ത് പതിയെ തന്റെ മുറിയിലേക്ക് കയറി .

—————————————————————-

അമ്പാട്ട് – കണ്ണൂർ

———————-

കണ്ണൂരിൽ ഒരു ഉൾനാടൻ പ്രദേശത്തെ പേരുകേട്ട തറവാടാണ് അമ്പാട്ട് തറവാട് , വലിയ 16 കേട്ട് തറവാടും മതിൽകെട്ടുകളും ഉള്ള ഇടം , തറവാടിന്റെ ഔട്ട് ഹൗസിനോട് ചേർന്ന് നിർമിച്ച ഒരു താൽകാലിക ഷെഡ്ഡ് പോലുള്ള ഒരുഇരുട്ട് മുറിയിൽ പഴയ അവശിഷ്ട്ടങ്ങൾ കൂട്ടിയിട്ട ആ മുറിയുടെ ഒരു മൂലയിൽ കണ്ണീരൊലിപ്പിച്ചു കാലുകൾചങ്ങലയാൽ ബന്ധിച്ച നിലയിൽ 27 വയസ്സോളം പ്രായമുള്ള ഒരു പെൺകുട്ടി അവശയായ നിലയിൽ കൂനി കൂടിഇരിക്കുന്നുണ്ട് , കണ്ട സ്വപ്നത്തിന്റെ ഞെട്ടലിനേക്കാൾ വിശപ്പിന്റെയും ദാഹത്തിന്റെയും വിളിയിൽ അവൾതീർത്തും അവശയാണ് , ഭയാനകരമായ ആ സ്വപ്നം എന്താണ് അതിന്റെ അർത്ഥമെന്നറിയാതെ ചിന്തിയിലാണ്അവൾ , പെട്ടെന്ന് ആ ഷെഡിന്റെ കതകിനരുവിൽ ഇരുട്ടിൽ ഒരു കാലടി ശബ്ദം കേട്ടതും അവളിലെ ഭയം ഏറി ,,, കാലിൽ ബന്ധിച്ചിരിക്കുന്ന ചങ്ങല ഉറഞ്ഞുള്ള മുറിവിന് പുറമെ ചൂരൽ കൊണ്ടും ബെൽറ്റ് കൊണ്ടുംദിവസങ്ങളായി ദിനചര്യപോലെ കിട്ടിക്കൊണ്ടിരിക്കുന്ന അടികൾക്ക് കണക്കില്ല , ആ കാലടി ശബ്ദംഅടുത്തുവരുന്നതിനനുസരിച്ചു അവളിൽ ഭയം നിറഞ്ഞു , വാതിൽ പതിയെ തുറക്കപ്പെട്ടു ഒരു കുഞ്ഞു മൊബൈൽവെട്ടം പ്രത്യക്ഷ്യപെട്ടു അത് അവൾക്കരികിലേക്ക് എത്തി , അടുത്തെത്തിയ വ്യക്തിയെ കണ്ട അവളിൽ ഒരുനിമിഷം ഭയത്തിൽ നിന്നും ഞെട്ടലിലേക്കും പിന്നീട് ആശ്വാസത്തിലേക്കും ഒരു ഞെടുവീർപ്പുണർന്നു , ഒരേനിമിഷം അവർ രണ്ടുപേരുടെയും കണ്ണുകൾ ഈറൻ അണിഞ്ഞു , അവർ രണ്ടുപേരും പൊട്ടിക്കരഞ്ഞുകൊണ്ട്‌കെട്ടിപ്പിടിച്ചു കരഞ്ഞു

“ മഹാ ,, സോറി ,,സോറി മുത്തേ ,, എനിക്ക് ,,എനിക്ക് ഒന്നും ചെയ്യാൻ കഴിഞ്ഞില്ലെടി ,,,, ആ വന്ന ആൾകരഞ്ഞുകൊണ്ട് അവളോട് പറഞ്ഞു

മഹാ : സാ .. സാരല്ല ,,, ഇതൊക്കെ എന്റെ വിധിയ ,,, അനുഭവിക്കേണ്ടത് ആവും ,, അല്ലേലും അച്ഛയും അമ്മയുംമുത്തശ്ശനും പോയെ പിന്നെ ഇതൊക്കെ സർവ്വ സാധാരണം അല്ലെ ,,, ഇതിലും വലുത് കഴിഞ്ഞിരിക്കുന്നു ,,,, ആസങ്കടങ്ങൾക്കിടയിലും അവൾ തന്റെ നോവ് മറച്ചു

“ മഹാ .. നീ ഈ ജ്യൂസും ബ്രെഡ്ഡും കഴിക്ക ,, 2-3   ദിവസായില്ലേ പച്ചവെള്ളം പോലും കഴിച്ചിട്ട് ,,, ഇത് വേഗംകഴിക്ക് ,, എന്നിട്ട് നമുക്ക് പോവാം ,,, വേം ,,,,,

മഹാ : കാശി ,വേണ്ട മോനെ , നീ ഇവിടുന്ന് പൊക്കോ , അവരാരേലും കണ്ടാൽ , നിന്നെയും എന്തേലും ചെയ്യും ,,,, അവൾ കരച്ചിലോടെ പറഞ്ഞു ,,

കാശി : മഹാ , നീ ഇത് വേഗം കഴിക്ക് , ഞാൻ എല്ലാം അറേഞ്ച് ചെയ്തിട്ടുണ്ട് , ഇവിടെ ഇപ്പൊ ആരും ഇല്ല , നീവെറുതെ സമയം കളയല്ലേ പ്ളീസ് ,, വേഗം കഴിക്ക ,,,, അവൻ ധൃതികൂട്ടിക്കൊണ്ട് പറഞ്ഞു

അവൻ എന്തെല്ലാമോ ഉറപ്പിച്ചിട്ടുണ്ടെന്ന് മനസ്സിലായതും അവന്റെ കയ്യിലെ ജ്യൂസും ബ്രെഡ്ഡും വാങ്ങി പെട്ടെന്ന്കഴിച്ചു അവൾ ,, ആ സമയം കൊണ്ട് അവളുടെ ചങ്ങലകൾ അവൻ അഴിച്ചു മാറ്റിയിരുന്നു ,, പതിയെ അവളെപിടിച്ചു നിർത്തി അവൻ പക്ഷേ അവൾ തളർച്ചയോടെ വീണുപോയി , പിന്നെ ഒട്ടും സമയം കളയാതെ അവളെഅവന്റെ തോളിലേക്ക് എടുത്ത് കിടത്തി ആ ഷെഡിൽ നിന്നും പുറത്തേക്ക് കടന്ന് പുറകുവശത്തെ തൊടിയിലെഇരുട്ടിലേക്ക് പാഞ്ഞു .