രുദ്ര വീരസിംഹൻ -THE WARRIOR PRINCE [PONMINS] 254

അതിനവൾ അയാളെ ഒന്ന് കൂർപ്പിച്ചു നോക്കി ,,

ആയിഷ : ഇന്ന് നമ്മൾ വേറെ സ്വപ്ന കണ്ടത് ,,, അവൾ വിഷമത്തോടെ പറഞ്ഞു

ഹാജ്ജിക്ക അവളെയും കൂട്ടി അയാളുടെ റൂമിലേക്ക് കയറി കൂടെ കൈജയും ,,അവളെ ബെഡിൽ ഇരുത്തിയശേഷം അവളോട് കാര്യം ചോദിച്ചറിഞ്ഞു , അവൾ വള്ളിപുള്ളി തെറ്റാതെ കണ്ട കാര്യങ്ങൾ എല്ലാം പറഞ്ഞുകൊടുത്തു ,

അയാൾ എല്ലാം കാര്യാ ഗൗരവത്തോടെ തന്നെ കേട്ടിരുന്നു , എല്ലാം കഴിഞ്ഞതും കുറച്ചു നേരം അയാൾചിന്തയിലാണ്ടു ,, പിന്നെ പതിയെ അവൾക് നേരെ തിരിഞ്ഞു

ഹാജ്ജിക്ക : മോളെ . നമ്മളൊരു കാര്യം അന്നോട്  ഇപ്പൊ ആവശ്യപ്പെടാൻ പോവാണ് ,അത് ജ്ജ് എനിക്ക് ഉറപ്പ്തരണം ,പറ്റോ ,,, അയാൾ ഗൗരവത്തോടെ തന്നെ ചോദിച്ചു

ആയിഷ : ഉപ്പുപ്പാക്ക് എന്നോട് എന്തും പറയാലോ ,,,അവൾ അയാളോട് പറഞ്ഞു

ഹാജ്ജിക്ക : അനക്ക് ഈ ലോകത്തു അള്ളാഹുവും റസൂലും കഴിഞ്ഞാൽ ഏറ്റവും ഇഷ്ടമുള്ളത് ഇപ്പോ ആരെയാ,,,, അയാൾ ചോദിച്ചു

ആയിഷ : ന്റെ ഉപ്പുപ്പാനേം കൈജുമ്മാനേം ,,, അവൾ ഒരു മടിയും ഇല്ലാതെ പറഞ്ഞു

ഹാജ്ജിക്ക : എന്ന ഞാൻ ഇനി ചോദിക്കുന്നത് നീ ഞങ്ങടെ തലയിൽ തൊട്ട് സത്യം ചെയ്ത് തരണം ,, ന്താ പറ്റോ,,,

ആയിഷ : പറ്റും ,,, അവൾ ഹജ്ജിക്കാടെ ചോദ്യം കേട്ട് ഒന്ന് ഞെട്ടി എങ്കിലും സമ്മതിച്ചു കൊടുത്തു

അയാൾ അവളുടെ ഒരു കൈ അയാളുടെ തലയിലും മറ്റേ കൈ കൈജാടെ തലയിലും വെച്ചു

ഹാജ്ജിക്ക : ന്റെ കുട്ടിക്ക് അറിയുന്നതാണ് ഈ കുടീലെ കാര്യങ്ങൾ ,,അന്നേ ഇവിടെള്ളോരെല്ലാം എങ്ങനെകാണുന്നത് എന്നും അണക്കറിയ ,, ഇവിടൊള്ളോരേ ഉള്ളിലിരിപ്പും അനക്കറിയ ,, പക്ഷേ , ഉപ്പുപ്പാടെ കുട്ടീടെനിക്കാഹ് ഉപ്പുപ്പാ പറയുന്ന ആളുമായിട്ടല്ലാതെ ന്റെ കുട്ടി  മരിക്കേണ്ടിവന്നാലും സമ്മതിക്കൂലാന്ന് ഞങ്ങടെരണ്ടാൾടേം തലയിൽ തൊട്ട് സത്യം ചെയ്യ് ,,,,

അയാൾ വൈകാരികമായി തന്നെ പറഞ്ഞു നിർത്തി ,,, അത് കേട്ട അവൾ അവരെ രണ്ടുപേരെയും ദയനീയമായിഒന്ന് നോക്കി ,

ആയിഷ : ഉപ്പുപ്പാക് അറിയുന്നതല്ലേ ഞാനൊരു അറക്കാൻ വെച്ചിരിക്കുന്ന മാടാണെന്ന് , അവരെ എങ്ങാൻഎതിർത്താൽ അവര് നിങ്ങളെ രണ്ടാളേം എന്തേലും ചെയ്താ ,, പിന്നെ ,,പിന്നെ ,,,ഞമ്മക്ക് എങ്ങനെമനസ്സമാധാനം ഉണ്ടാവാ ,,,,,അവൾ വിതുമ്പിക്കൊണ്ട് ചോദിച്ചു

ഹാജ്ജിക്ക : അന്നേ അങ്ങനെ ഒരുത്തനും അറക്കാൻ ഞമ്മള് കൊടുക്കൂല ,അനക്ക് നമ്മളോട് സ്നേഹണ്ടെങ്കിൽ  ഇജ്ജ് നമ്മൾ പറഞ്ഞത് സത്യം ചെയ്ത് താ ,,, പിന്നെ എന്താ വേണ്ടതെന്ന് ഞമ്മക്കറിയ ,,,, അയാൾ കുറച്ചുകടുപ്പിച്ചു തന്നെ പറഞ്ഞു

അത് കേട്ടതും വേറെ വഴിയില്ലാതെ അവൾ രണ്ടുപേരുടെ മേലിലും സത്യം ചെയ്ത് കൊടുത്തു , അത് അയാളിൽഒരു ആശ്വാസ പുഞ്ചിരി വിടർത്തി , എന്തോ ഒന്ന് നേടിയെടുത്ത പുഞ്ചിരി

ഹജ്ജിക്ക : ന്ന ന്റെ കുട്ടി പോയി കിടന്നോ , നാളെ ക്ലാസ് ഇല്ലെ

അവൾ പതിയെ തലയാട്ടിയ ശേഷം കൈജാടെ കൂടെ അവരുടെ മുറിയിലേക്ക് പോയി പതിയെ ഉറക്കത്തിലേക്ക്വീണു

————————————————————

ശ്രീലയം – ട്രിവാൻഡ്രം

—————————-