രാജവ്യൂഹം അധ്യായം 6

Author : നന്ദൻ

[ Previous Part ]

 

“”ഋഷി… സ്പീഡ് കൂട്ടു.. “”

 

“”എന്താ ആര്യൻ “”

 

“”എടാ സ്പീഡ് കൂട്ടാൻ… “”ആര്യന്റെ ഭാവം കണ്ട ഋഷി ആക്സിലേറ്ററിൽ കാൽ അമർത്തി..

 

പിന്നിൽ കുതിച്ചു വരുന്ന ലോറിയിൽ ആയിരുന്നു ആര്യന്റെ ശ്രദ്ധ.. ആര്യൻ നോക്കുന്നത് കണ്ടതും ഋഷിയും ശ്രദ്ധിച്ചു അവനും കണ്ടു പിന്നിൽ അസ്വാഭാവിക വേഗതയോടെ കുതിച്ചു വരുന്ന ലോറി 

 

“”ഋഷി ടേക്ക് ലെഫ്റ്റ് “” മുൻപിലുള്ള പോക്കറ്റ് റോഡിലേക്കു നോക്കി ആര്യൻ പറയുന്നതിന് മുൻപേ തന്നെ ഋഷി ഇടതേക് വെട്ടിച്ചു ആ പോക്കറ്റ് റോഡിലേക്കു കയറ്റിയിരുന്നു..

 

രണ്ടു സൈഡും മതിലുകൾ ഉള്ള ആ പോക്കറ്റ് റോഡ് കഷ്ടിച്ച് ഒരു കാറിനു കടന്നു പോകാനുള്ള വീതി മാത്രമേ ഉണ്ടായിരുന്നുള്ളു ഏകദേശം ഒരു അൻപതു മീറ്റർ ദൂരം വരേയ്ക്കും … മെയിൻ റോഡിൽ നിന്നും ആ റോഡിലേക്കു ഏതേലും വാഹനം പ്രവേശിച്ചു കഴിഞ്ഞാൽ എതിരെ വരുന്ന വാഹനം കുറച്ചു മാറ്റി സൈഡ് ഒതുക്കി നിർത്തേണ്ടി വരുന്ന തരത്തിൽ ഉള്ള ആ റോഡിലേക്കു കാർ പ്രവേശിച്ചതും അവരുടെ പിന്നിൽ കുതിച്ചെത്തിയ ലോറി മെയിൻ റോഡിൽ  ശബ്ദത്തോടെ ബ്രേക്കിട്ടു നിന്നു.. വലിയ ടയറുകൾ ടാർ റോഡിൽ ഉരഞ്ഞു കത്തിയ മണം അവിടെ വ്യാപിച്ചു…

 

കാർ സ്ലോ ചെയ്തു കൊണ്ടു ഋഷി ആര്യനെ നോക്കി… അവന് കണ്ണുകൾ കൊണ്ടു നിർദ്ദേശം കൊടുത്തതും ഋഷി കാർ ഒരു സൈടിലേക് ഒതുക്കി… 

 

“ദേവു ഒരു മിനിറ്റ് ഞങ്ങൾ ഇപ്പൊ വരാം.. ” ഡോർ തുറന്നു പുറത്തേക് ഇറങ്ങുമ്പോൾ ആര്യൻ കല്യാണിയെ നോക്കി പറഞ്ഞു.. 

ഒരു സൈഡിൽ കൂടെ ആര്യനും മറു സൈഡിൽ കൂടെ ഋഷിയും കാറിനു പുറത്തേക് ഇറങ്ങി.. 

 

ലോറിയിൽ ഇരുന്ന രണ്ടു പേരും  കാറിൽ നിന്നും ഇറങ്ങുന്ന ഋഷിയെയും ആര്യനെയും കണ്ടു പരസ്പരം ഒന്ന് നോക്കി ഒരു പുച്ഛ ചിരി ചിരിച്ചു.. അപ്പോളാണ് ഡ്രൈവിംഗ് സീറ്റിൽ ഇരുന്നവന്റെ ഫോൺ റിങ് ചെയ്തതു അയാൾ പോക്കറ്റിൽ നിന്നും ഫോൺ എടുത്തു ചെവിയോട് ചേർത്തു..