രാജവ്യൂഹം 3 [നന്ദൻ] 981

“”അപ്പൊ പ്രതീക്ഷിക്കണ്ട എന്നല്ലേ അമൃതേ “”

ഗംഗ അമൃതയെ നോക്കി ചിരിച്ചു. 

 

അരവിന്ദനും ശിവരാമനും കയറിയ കാർ ഗേറ്റ് കടന്നു പോവുന്നതും നോക്കി അവർ സിറ്റ്ഔട്ടിൽ തന്നെ നിന്നു….

 

♦️♦️♦️♦️♦️♦️♦️♦️♦️♦️♦️♦️♦️♦️

 

നിധിന്റെ ഫോണിലെ ഗാലറിയിൽ ഉള്ള ഫോട്ടോസെല്ലാം  കിഷോറിന് കാണിച്ചു കൊടുക്കുകയായിരുന്നു നിധിൻ. 

 

ആഹാ ഇത്  ആര്യൻ അല്ലെ… ഒരു ഫോട്ടോയിലേക് ചൂണ്ടി കൊണ്ടു കിഷോർ ചോദിച്ചു. 

 

അതേ കിച്ചുവേട്ട ഇതാണ് ഞങ്ങടെ ചുള്ളൻ കണ്ണേട്ടൻ  

 

“”ആഹാ നല്ല ചുള്ളൻ ആയല്ലോ.. “”

രണ്ടു വിരൽ കൊണ്ടു സ്‌ക്രീനിലെ ഫോട്ടോ സൂം ചെയ്ത് കൊണ്ടു കിഷോർ പറഞ്ഞു.. 

 

“”ആഹാ ഞാൻ നോക്കട്ടെ “” ബാൽക്കണിയിൽ തൂക്കി ഇട്ടിരുന്ന ചൂരൽ കസേരയിൽ ഇരുന്നു ആടുകയായിരുന്ന കല്യാണി എണീറ്റു വന്നു നീരജിന്റെ തോളിൽ പിടിച്ചു കൊണ്ട് ഫോണിലേക്കു എത്തി നോക്കി..

 

അവൾ  ആ ഫോട്ടോയിലേക് തന്നെ നോക്കി.. നെറ്റിയിലേക് വീണ ചെമ്പൻ മുടികളും കട്ടി മീശയും കുറ്റി താടിയും ഉള്ള മുഖം…. അവൾ അറിയാതെ ഫോണിന് നേർക്കു കൈ നീട്ടി കിഷോറിന്റെ കയ്യിൽ നിന്നും ഫോൺ വാങ്ങി നോക്കി.. അവളുടെ ചുണ്ടിൽ ഒരു ചിരി വിടർന്നു.. 

 

“അതേ ഫോട്ടോ ആണ് ചേട്ടൻ തിരിച്ചു ചിരിക്കൂല ” നിധിൻ തമാശ ആയി പറഞ്ഞതും കിച്ചുവും നീരജും  കൂടെ ചിരിച്ചു.. 

 

“”ഓഹ് നിങ്ങടെ ഒരേട്ടൻ.. കുരങ്ങനെ പോലുണ്ട്.. ങ്ങും.. “” ഫോൺ നിധിന്റെ കയ്യിലേക് കൊടുത്തു കൊണ്ടു കല്യാണി തിരിഞ്ഞു നടന്നു. 

 

” അതേ കല്ലു.. ചേട്ടൻ വിളിക്കുമ്പോ പറയാട്ടോ നിങ്ങൾ രണ്ടും ഒരെ ഫേസ് കട്ട്‌ ആണെന്ന് പറഞ്ഞ കാര്യം.. “”

 

“”” ഡാ… “”ചൂരൽ കസേരയിൽ ഇരുന്ന കുഷ്യനും എടുത്തു കല്യാണി നിധിന്റെ പുറകെ ഓടി.. അവൾ അതു കൊണ്ടു വരുന്നത് കണ്ട നിധിൻ സ്റ്റെയർ കേസ് ഇറങ്ങി ഓടി .. 

 

“”യ്യോ ഈ പിള്ളേരുടെ ഒരു കാര്യം “”

 

നിധിൻ ഓടി ഗംഗയുടെ അടുത്തെത്തിയിരുന്നു  അപ്പോളേക്കും . . 

 

 “എന്തിനാടാ നീ കല്ലു മോളെ ഇട്ടോടിക്കുന്നതു. “”

 

“ആന്റിയമ്മേ അവൻ എന്നെ കുരങ്ങത്തി എന്നു വിളിച്ചു..””

 

കല്ലു ചിണുങ്ങി കൊണ്ട് ഗംഗയുടെ അടുത്തേക് വന്നു. 

 

“”നീ അങ്ങനെ വിളിച്ചോടാ.. “” ഗംഗ നിധിന്റെ ചെവിക്കു പിടിച്ചു കൊണ്ടു ചോദിച്ചു…

 

“”എന്റെ അമ്മേ…അവൾ അമ്മേടെ പുന്നാര മോനെ എന്താ വിളിച്ചേന്നു ചോദിച്ചേ. “”

 

“”നീ എന്താ കല്ലു വിളിച്ചേ.. “” എല്ലാം കണ്ടു കൊണ്ടു നിന്ന അമൃതയും അവിടേക്കു വന്നു..