രാജവ്യൂഹം 3 [നന്ദൻ] 981

പിന്നീട് അമൃതക്ക്  വിവാഹ പ്രായമെത്തിയപ്പോൾ വന്ന ആലോചനകളെ എല്ലാം വേണ്ടെന്നു  വെക്കാൻ അരവിന്ദന്റെ ആ ഒരു വാക്കും രണ്ടാഴ്ച കൂടുമ്പോൾ അവളുടെ പേരിൽ എത്താറുണ്ടായിരുന്ന എഴുത്തുകളും   മാത്രം മതിയാരുന്നു..

 

കാത്തിരിപ്പു വെറുതെ ആയിരുന്നില്ല.. കോഴ്സ് കഴിഞ്ഞു ബോംബയിലേക്ക് വണ്ടി കയറിയ അരവിന്ദൻ തിരിച്ചു വരുമ്പോളേക്കും നല്ല ഒരു ജോലി സമ്പാദിച്ചിരുന്നു.. ആ ധൈര്യത്തിലാണ് അരവിന്ദൻ ശങ്കരമംഗലം കോവിലകത്തു പോയി പെണ്ണ് ചോദിച്ചതും.  ആട്ടി പുറത്താക്കും എന്നു പ്രതീക്ഷിച്ചിടത്തു വലിയ കാരണവരായിരുന്ന മാധവ മേനോൻ രണ്ടു കയ്യും നീട്ടി സ്വീകരിച്ചു അരവിന്ദനെ, അയാൾക്ക് മറ്റെന്തിനേക്കാളും വലുത് മകളുടെ സന്തോഷം ആയിരുന്നു.. ഒരു ആവശ്യം  മാത്രം അയാൾ പറഞ്ഞു.. തന്റെ മകൾ ഒരിക്കലും കരയാൻ ഇട വരരുത്…. 

 

“”എന്റെ  ജീവൻ പോകുന്നത് വരെ അവളെ കരയിപ്പിക്കില്ല”” അരവിന്ദിന്റെ ദൃഢതയുള്ള ആ വാക്ക് മാത്രം മതിയാരുന്നു മാധവ മേനോനു തന്റെ മകളെ അരവിന്ദന്റെ കൈ പിടിച്ചേല്പിക്കാൻ….

 

വിവാഹം കഴിഞ്ഞു അമൃതയെ കൂട്ടി ബോംബയിലേക് വന്നു. നാട്ടിൽ പറയത്തക്ക ബന്ധുക്കൾ ഒന്നും അരവിന്ദന് ഉണ്ടായിരുന്നില്ല… എല്ലാ വർഷവും വെക്കെഷന് നാട്ടിലേക്കു പോകും. അവിടെ ഒരു മാസം ചിലവഴിക്കും. അങ്ങനെ ഒരു വട്ടം പോയപ്പോളാആണ് സ്വത്തു ഭാഗം വെക്കുന്നതിനെ കുറിച്ച് ചർച്ച നടന്നത്…

 

കോവിലകത്തു അപ്പോൾ മാധവമേനോനും മൂത്ത മകൻ ശിവരാമനും അയാളുടെ ഭാര്യ ജയയും ആറു വയസുള്ള ശിവരാമന്റെ മകൻ ധ്യാനും 2 വയസ്സുള്ള  മകൾ ധന്യയും ആയിരുന്നു താമസിച്ചിരുന്നത്.. ശിവരാമൻ പല ബിസിനസ്സുകൾ ചെയ്തു പരാജയപെട്ടു ചീട്ടുകളിയും കള്ളുകുടിയും ഒക്കെ ആയി കോവിലകം സ്വത്തിന്റെ ഭാഗങ്ങൾ ഓരോന്നും വിറ്റു തുടങ്ങിയിരുന്നു.. 

 

“”പരമ്പരാഗതമായി വീടും അതിനോട് ചേർന്നുള്ള ഭാഗവും തലമുറയിലെ പെൺകുട്ടിക്കാണ്.. അതുകൊണ്ട്  അതു അമ്മുവിനു അവകാശപ്പെട്ടതാണ് സ്ഥലം തുല്യമായി വീതിക്കും “” മാധവ മേനോന്റെ തീരുമാനം അതായിരുന്നു ആ  തീരുമാനത്തോട് ശിവരാമന് എതിർപ്പായിരുന്നു.. അതയാൾ പരസ്യമായി പ്രകടമാക്കുകയും ചെയ്തു. 

 

“” അതെങ്ങനെ ശെരിയാവും അച്ഛാ കുടുംബം നോക്കുന്നത് ഞാൻ അല്ലേ, അമ്മയെ മരിക്കുന്നതു വരെ ഞാൻ നോക്കി, ഇനി അച്ഛനെയും നോക്കണം എന്നിട്ടും അവൾക്ക്  തുല്യാവകാശം എങ്ങനെ കൊടുക്കും.. പ്രാരാബ്ധവും വിഴുപ്പും ഞാൻ ചുമക്കണം.. എന്നിട്ട് “”

 

“”ബാക്കി കൂടെ പറയെടാ.. അച്ഛനും അമ്മയും വിഴുപ്പല്ലേ… നീയൊക്കെ ഇതല്ല ഇതിനപ്പുറവും പറയും…വളർത്തി വലുതാക്കി കഴിഞ്ഞാൽ പിന്നേ അച്ഛനും അമ്മയും ഒക്കെ ശവങ്ങളും വിഴുപ്പും.. ” മാധവമേനോൻ പുച്ഛത്തിൽ ഒന്ന് ചിരിച്ചു 

 

“”പിന്നേ നീ പറഞ്ഞല്ലോ തുല്യ അവകാശം എന്നു.. അങ്ങനെ തുല്യ അവകാശം കൊടുക്കണേൽ നീ വിറ്റു കളഞ്ഞത് കൂടെ നിന്റെ വീതത്തിൽ നിന്നും കുറക്കേണ്ടി വരും അങ്ങനെ എന്റെ മോൾക് വേണ്ട എന്നു പറഞ്ഞത് കൊണ്ടാ ഇപ്പൊ ബാക്കിയുള്ള വീതം തുല്യം ആയി വീതിക്കുന്നത് “”

 

മാധവ മേനോൻ തന്റെ തീരുമാനം പ്രഖ്യാപിച്ചപ്പോൾ  ശിവരാമൻ നിലത്തേക് അമർത്തി ചവിട്ടി ജയയെയും മക്കളെയും കൂട്ടി ഉള്ളിലേക്കു നടന്നു. 

 

“”ഞങ്ങൾക്ക്  എന്തിനാ അച്ഛാ വീട്, അളിയന് കൊടുത്തേക് “” വിദ്വേഷത്തിനോ  വഴക്കിനോ താല്പര്യം ഇല്ലാത്ത അരവിന്ദൻ അച്ഛനോട് പറഞ്ഞു. 

 

“” അതേ അച്ഛാ.. ശിവേട്ടനല്ലേ ഇവിടെ താമസിക്കുന്നത്….ശിവേട്ടന് കൊടുത്തേക് എനിക്കൊന്നും വേണ്ട.. എനിക്ക് അച്ഛൻ അതിലും വലിയ സ്വത്താണ് തന്നതു.. അതെന്റെ അരവിന്ദേട്ടൻ ആണ് “”

 

“” മോളെ അവനെ നിനക്കറിയാഞ്ഞിട്ട നിന്റെ ശിവേട്ടൻ ഒരുപാട് മാറി പോയി.. അവനിപ്പോ ഈ വീട് കിട്ടിയാൽ ഈ സ്ഥലം അവൻ വിറ്റു കളയുകയേ ഉള്ളു എന്റെ മരണ ശേഷം എന്താന്ന് വെച്ചാ ആയിക്കോ എനിക്ക് ഇവിടെ ഞാനുണ്ടാക്കിയ ഈ വീട്ടിൽ കിടന്നു മരിക്കണം എന്റെ ശാരദയുടെ അടുത്ത് ആറടി മണ്ണ് ആ അസ്ഥി തറയിലെ കത്തുന്ന നിലവിളക്കിനു അടുത്ത് മറ്റൊരു തിരി എനിക്കും വേണം..”” 

 

“എന്തിനാ അച്ഛാ ഇങ്ങനൊക്കെ പറയണേ.. അച്ഛനോട് ഞാൻ പറഞ്ഞതല്ലേ ഞങ്ങളുടെ കൂടെ ബോംബെയിലേക് വരാൻ “

 

“” അച്ഛാ ശിവേട്ടനെ എന്റെ കൂടെ ബോംബെയിലേക് കൊണ്ടു പോയാലോ എന്നാ ഞാൻ ആലോചിക്കുന്നേ ഇവിടെ ഈ കൂട്ടുകെട്ടുകൾ ഒക്കെ ആണ് ആളെ ചീത്ത ആകുന്നത്‌ അവിടെ ആവുമ്പോ ഓഫീസും ജോലിയുമൊക്കെ ആയാൽ ആള് ചിലപ്പോ മാറിയേക്കും. “” അരവിന്ദന്റെ ശബ്ദത്തിൽ അങ്ങനെ ഒരു വിശ്വാസം ഉണ്ടായിരുന്നു 

 

“”ആ എനിക്കറിയില്ല.. ” മാധവ മേനോൻ പ്രതീക്ഷ ഒന്നും ഇല്ലാത്ത തരത്തിൽ കൈ മലർത്തി.