രാജവ്യൂഹം 3 [നന്ദൻ] 981

അമൃത തന്നെയാണ് ശിവരാമനോട് കാര്യം അവതരിപ്പിച്ചത്… ആദ്യം എതിർത്തെങ്കിലും ഭാര്യ ജയയുടെ സ്വർണ പണ്ടങ്ങൾ ഒന്നും പണയം വെക്കാൻ ഇല്ലാത്തതിനാലും അച്ഛൻ ഇടഞ്ഞു നിക്കുന്നതിനാലും തത്കാലം നാട് വിടുന്നതായൊരിക്കും നല്ലതെന്നു ശിവരാമന് മനസ്സിലായി അതുകൊണ്ട് വെകേഷൻ കഴിഞ്ഞു മുംബയിലേക് തിരിച്ചുവരാൻ നേരം ശിവരാമനും കൂടെ ഉണ്ടായിരുന്നു.. പതിയെ പതിയെ ഓരോ ഉത്തരവാദിത്വങ്ങൾ ഏല്പിച്ചു തുടങ്ങിയപ്പോൾ ശിവരാമൻ അതൊക്കെ കൃത്യമായി ചെയ്തു കൊണ്ടിരുന്നു.. പക്ഷെ അരവിന്ദൻ അറിയാതെ ശിവരാമന്റെ പുതിയ  കൂട്ടു കെട്ടുകൾ വളരുന്നത് അരവിന്ദൻ ശ്രദ്ധിച്ചിരുന്നില്ല.. 

 

♦️♦️♦️♦️♦️♦️♦️♦️♦️♦️♦️♦️♦️♦️

 

അതിനിടയിൽ കിഷോറും കല്യാണിയും മുറിയിലേക്കു കടന്നു വന്നത് കണ്ട  അമൃത അരവിന്ദന്റെ നെഞ്ചിൽ നിന്നും അകന്നു മാറി.. 

 

“”പോ മനുഷ്യാ നാണമില്ലാതെ “”അയാളെ ഉന്തിക്കൊണ്ട് അമൃത പറഞ്ഞു.. 

 

””അയ്യെടി എന്റെ നെഞ്ചിൽ പറ്റി ചേർന്നു കിടന്നിട്ടു ഇപ്പൊ പിള്ളേര് വന്നപ്പോ എന്റെ കുറ്റം അല്ലേ.. “”

 

“”ഈ മനുഷ്യനെ കൊണ്ടു തോറ്റു.. “”

അമൃതയുടെ പറച്ചിൽ കേട്ട കിഷോറും കല്യാണിയും അടക്കി ചിരിച്ചു… 

 

കുഞ്ഞു പിണക്കങ്ങളും വലിയ ഇണക്കവും കളികളും തമാശകളും ഒക്കെ കൊണ്ടു തീർത്ത സ്വപ്ന ലോകം ആയിരുന്നു അവർക്കു ദേവവിഹാർ.. പരിഭവങ്ങൾക്കൊന്നും സ്ഥാനമില്ലാത്ത സ്നേഹം ഒരു തൂവൽ സ്പർശമായി ഒരു നറു മണമായി ചുറ്റും വ്യാപിപ്പിക്കുന്ന അച്ഛനും അമ്മയും. കൂടിച്ചേരുമ്പോൾ ഇമ്പമുള്ള കുടുംബം അതിന്റെ അർത്ഥം ഒട്ടും ചോരാത്ത ദേവവിഹാർ…

 

“”മോൾക്കിഷ്ടയോ ചെയിൻ “”

കല്യാണിയുടെ കഴുത്തിലെ ചെയിൻ പിടിച്ചു നോക്കി അരവിന്ദ് ചോദിച്ചു. 

 

“”പിന്നേ ഇഷ്ടം ആവാതെ…'”

“” ഒരുപാട് ഇഷ്ടം ആയി.. “”

അച്ഛനെ ചുറ്റി പിടിച്ചു കൊണ്ടു കല്യാണി പറഞ്ഞു 

 

“”അച്ഛേ അച്ഛന്റെ ദേഹത്തു അമ്മയുടെ മണം.. “”

അരവിന്ദന്റെ നെഞ്ചിലേക് ചേർന്നു നിന്നുകൊണ്ട് അമൃതയെ നോക്കി ചിരിച്ചു കൊണ്ട്  കല്യാണി പറഞ്ഞു.. 

 

“”പോ പെണ്ണെ നിന്നു കൊഞ്ചാതെ “”

പരിഭവത്തോടെ അടുക്കളയിലേക്കു നടന്നു പോകുന്ന പോക്കിൽ അരവിന്ദനെ നോക്കി ചിറി കോട്ടാനും  അമൃത മറന്നില്ല.. 

 

അതു കണ്ട മൂവരും ചിരിച്ചു.. 

 

“””വൈകുന്നേരം വേഗം വരാൻ നോക്കാം വന്നാൽ നമുക്ക് ഔട്ടിങ്ങിനു പോകാം.. “”

ഓഫീസിലേക്ക് ഇറങ്ങുന്നതിനു മുൻപ് അരവിന്ദൻ അമൃതയോടായി പറഞ്ഞു.. 

 

“”ശങ്കരനും കൂടെ ഫ്രീ ആകുവാണെങ്കിലേ വരൂ കേട്ടോ “” ഗംഗയോടായി അരവിന്ദൻ കൂട്ടി ചേർത്തു..