രാജവ്യൂഹം 3 [നന്ദൻ] 981

“ഞാൻ ഇതിപ്പോ ഇട്ടിട്ട് വരാവേ.. ” ഓട്ടത്തിനിടയിൽ എന്തോ മറന്ന പോലെ തിരിഞ്ഞു നിന്നു പെരുവിരൽ ഉയർത്തി കാട്ടി ഒരു സിംബൽ കാണിച്ചു വീണ്ടും അവളുടെ മുറിയിലേക്കു ഓടി. 

 

കല്യാണിയുടെ പ്രവർത്തികൾ കണ്ടു എല്ലാവരും ചിരിച്ചു കൊണ്ടു നിക്കുകയായിരുന്നു.. 

 

“”നിങ്ങളെ മറന്നിട്ടില്ല കേട്ടോ.. “”

നീരജിന്റെയും നിധിന്റെയും അരികിലെത്തിയ അരവിന്ദ് അവരെ ചേർത്തു പിടിച്ചു. 

 

അരവിന്ദ് തന്റെ കയ്യിൽ ഉണ്ടായിരുന്ന അടുത്ത രണ്ടു ബോക്സ്‌ കൾ നീരജിനും നിതിനുമായി നൽകി.. രണ്ടിലും ഒരു പോലുള്ള വിലയേറിയ രണ്ടു വാച്ചുകൾ ആയിരുന്നു…

 

“”താങ്ക്യു അങ്കിൾ “” ബോക്സ്‌ വാങ്ങി കൊണ്ടു രണ്ടു പേരും നന്ദി പറഞ്ഞു.. 

 

“”ചുമ്മാ പൈസ കളയാൻ ഓരോ ഏർപ്പാടുകൾ “” ശിവരാമൻ പിറു പിറുത്തതു ശിവരാമന്റെ അടുത്ത് നിന്ന കിഷോർ വ്യക്തമായി കേട്ടു.. അവൻ തന്റെ അമ്മാവനെ ദേഷ്യത്തോടെ നോക്കി.. 

 

“”ശങ്കരേട്ടൻ വന്നില്ലേ അരവിന്ദേട്ടാ.. “”

അമൃത അന്വേഷിച്ചു. 

 

“”ഇല്ല  ഒരു ക്ലയന്റ് മീറ്റിംഗ് ഉണ്ടായിരുന്നു.. ഞാൻ ഇവിടില്ലാരുന്നല്ലോ അതോണ്ട് ശങ്കറിനെ വിട്ടു.. ആരെങ്കിലും പോയില്ലെങ്കിൽ ശെരിയാവില്ല അമ്മു.”” (അരവിന്ദൻ അമൃതയെ അമ്മു എന്നാണ് വിളിക്കാറ് )

 

“”ശിവേട്ടനെ വിട്ടാൽ മതിയരുന്നല്ലോ ഇന്നലെയും ബിസി ഇന്ന്നെങ്കിലും ഫ്രീ ആകും എന്നു വിചാരിച്ചിട്ടു…. കുട്ടികളുടെ റിസൾട്ട്‌ വന്നതല്ലേ അവർക്കു ആഗ്രഹം ഉണ്ടാവില്ലേ അവരുടെ അച്ഛന്റെ കൂടെ ഒരു ദിവസം സന്തോഷത്തോടെ ഇരിക്കാൻ.. “”

 

“” അങ്ങനെ വിട്ടു കളയാൻ പറ്റുന്ന ഓർഡർ അല്ല അമ്മു അതു “” അയാൾ തന്റെ മുറിയിലേക്കു നടക്കുന്നതിനിടയിൽ അമൃതയോടായി പറഞ്ഞു.

 

അരവിന്ദന്റെ മറുപടി ശിവരാമന് നാണക്കേടായിട്ടാണ് തോന്നിയത്.. അയാൾ പല്ലുകൾ ഇറുമ്മി.. 

 

“”അതേടി അമ്മു.. അളിയന് അല്ലേലും നമ്മളെക്കാൾ വിശ്വാസം വേറെ ആൾക്കാരെ ആണല്ലോ…”” പെങ്ങളുടെ മുന്നിൽ ചെറിയ വിഷമം അഭിനയിച്ചു ശിവരാമൻ. 

 

“” ഹേയ് ചേട്ടനങ്ങനെ ഉദ്ദേശിച്ചു പറഞ്ഞതൊന്നും അല്ല വെറുതെ എന്തിനാ എഴുതാപ്പുറം വായിക്കുന്നത് “”

 

“””വാ നമുക്ക് ഭക്ഷണം കഴിക്കാം “”അമൃത എല്ലാവരെയും ഊണ് കഴിക്കാൻ വിളിച്ചു. 

 

“”കൂട്ടുകാരന് സുന്ദരിയായ ഭാര്യ ഉണ്ടെങ്കിൽ കമ്പനി തന്നെ എഴുതി കൊടുക്കും ചില ഷണ്ഡന്മാർ “”

എല്ലാവരും ഊണ് മുറിയിലേക്കു നടന്നപ്പോൾ ശങ്കറിന്റെ ഭാര്യ ഗംഗ മാത്രം കേൾക്കാവുന്ന ശബ്ദത്തിൽ ശിവരാമൻ പരിഹാസ സ്വരത്തിൽ പറഞ്ഞു..

 

പരിഹാസത്തിൽ മുഖം മ്ലാനമായെങ്കിലും ഗംഗ അതേ താളത്തിൽ തന്നെ തിരിച്ചടിച്ചു 

“ചില എച്ചില് തിന്നു ജീവിക്കുന്ന ചാവാലി പട്ടികൾ ഉണ്ട്, തിന്നിട്ട്  ഉടമസ്ഥനെ തന്നെ കടിക്കുന്ന ഇനം,  തീട്ടം തിന്നുന്ന പട്ടിക്ക്  പായസം കൊടുക്കുന്നതാണ് തെറ്റ്  “”