രാജവ്യൂഹം 3 [നന്ദൻ] 981

“”എന്താ ബുദ്ധിമുട്ട് ഉണ്ടോ “”

 

“”ബുദ്ധിമുട്ടിന്റെ അല്ല അച്ഛാ.. “”

അരവിന്ദൻ സ്നേഹ നിധിയായ അച്ഛൻ ആണ്.. തന്റെ ഒരാഗ്രഹത്തിനും എതിര് നിക്കാത്ത ആഗ്രഹങ്ങൾ ഒക്കെ സാധിച്ചു തരുന്ന അച്ഛൻ.. പക്ഷെ അച്ഛൻ ഒരു തീരുമാനം എടുത്താൽ അതിൽ നിന്നും പിന്തിരിയാറും ഇല്ല.. തനിക്കു പറയാൻ കാരണങ്ങൾ ഒന്നുമില്ല പക്ഷെ പെട്ടെന്ന് അച്ഛൻ പറഞ്ഞപ്പോൾ.. വലിയൊരു ഉത്തരവാദിത്വം ഏല്പിക്ക പെട്ടപോലെ കിഷോറിന് തോന്നി.. അതു മനസ്സിലാക്കിയെന്ന പോലെ അരവിന്ദൻ തുടർന്നു 

 

“”ഉത്തരവാദിത്വം വലുതാണ് ഒരു പക്ഷെ നാളെ ഒറ്റക് വലിയൊരു പ്രശ്നത്തെ അഭുമുഖീകരിക്കേണ്ടി  വന്നാലും പതറാതിരിക്കാൻ ഒളിച്ചോടാതെ പ്രശ്നങ്ങളോട് യുദ്ധം ചെയ്തു തന്നെ പഠിക്കണം..  പിന്നെ എല്ലാ കാര്യത്തിലും  കാലത്തിനൊത്തു സഞ്ചരിക്കണം.. പുതിയ ടെക്നോളജിയും പുതിയ മാർക്കറ്റിംഗ് രീതികളും ഞങ്ങളെ പോലെ പഴയ ആൾക്കാരെക്കാൾ വഴങ്ങുക നിങ്ങൾ ചെറുപ്പക്കാർക്കാണ് എസ്റ്റാബ്ലിഷ്ഡ് ആയിരിക്കുന്ന ഒരു കമ്പനിയുടെ മാനേജർ ആവുന്നതിനേക്കാൾ സംതൃപ്തിയാണ് പുതിയ ഒരു കമ്പനിയെ വളർത്തി കൊണ്ടു വരിക എന്നത്.. എന്നു വെച്ചാൽ നമ്മുടെ കമ്പനി പുതിയത് എന്നല്ല.. പക്ഷെ നമ്മൾ വളരെ കുറച്ചു കസ്റ്റമേഴ്‌സിനെ മാത്രം ആശ്രയിച്ചു നിന്നിരുന്ന ഒരു കമ്പനിയാണ് അതു നഷ്ടപ്പെടുമ്പോൾ അതിന്റെതായ പ്രശ്നനങ്ങളും ഉണ്ട്‌ അതൊക്കെ പരിഹരിച്ചു നല്ലൊരു കമ്പനിയായി വളർത്തി കൊണ്ടു വരാൻ നിങ്ങൾക് കഴിയും. കഴിയണം. “”  അരവിന്ദൻ പറഞ്ഞു നിർത്തി. 

 

” അവൻ ഒന്നു ആലോചിക്കട്ടെ അരവിന്ദേട്ടാ.. “”

 

“” ആലോചിച്ചോളൂ.. ആലോചിക്കാൻ സമയവും ഉണ്ട്‌ പക്ഷെ ഉചിതമായ തീരുമാനങ്ങൾ ഉചിതമായ സമയത്തു എടുക്കണം എന്നു മാത്രം.. മോൻ പോയി കിടന്നോളു അച്ഛൻ പറഞ്ഞത് മറക്കണ്ട..””

 

കിഷോർ മുറിയിലേക്കു കയറി പുവുന്നതും നോക്കി  അരവിന്ദനും അമൃതയും സ്റ്റെയർ കെയ്‌സ് ഇറങ്ങി താഴേക്കു വന്നു.. 

 

“”എന്താ അരവിന്ദേട്ടാ ഇങ്ങനൊരു തീരുമാനം പെട്ടെന്ന്.. “”

 

മുറിയിലേക്കു കയറി കതക് ബോൾട് ഇടുന്നതിനിടയിൽ അമൃത ചോദിച്ചു 

 

“”പെട്ടെന്നല്ല അമ്മു ഞാനും ശങ്കരേട്ടനും  മുൻപേ തന്നെ സംസാരിച്ചിരുന്ന കാര്യം ആണ്.. കണ്ണന്റെ കോഴ്സ് കഴിഞ്ഞു വരാൻ വെയിറ്റ് ചെയ്യുക ആയിരുന്നു എന്നു മാത്രം. അവനും കൂടെ വന്നാൽ പിന്നെ ഞങ്ങൾ ഫ്രീ ആയി.. “‘

 

“”ഹോ അപ്പോളെങ്കിലും തിരക്കുകൾ ഇല്ലാത്ത അരവിന്ദേട്ടനെ എനിക്ക് കിട്ടുമല്ലോ…”” ഭിത്തിയുടെ അരികിലേക്കു കയറി കിടന്നു കൊണ്ട് അമൃത പറഞ്ഞു.. 

 

“”ഞാനിപ്പോളും ഫ്രീയാ… “” തിരിഞ്ഞു കിടന്നു അമൃതയെ കെട്ടി പിടിച്ചു കൊണ്ടു അരവിന്ദ് പറഞ്ഞു.. 

 

“”ഹ്മ്മ് ഫ്രീ പകൽ വെളിച്ചത്തിൽ ആളെ കാണാൻ കൂടി കിട്ടാറില്ല “”

 

“” ഈ സീറോ വാട്ട് ബൾബിന്റെ വെളിച്ചത്തിൽ ഇങ്ങനെ കിട്ടുന്നുണ്ടല്ലോ..” ചെറുചിരിയോടെ പറഞ്ഞ  അരവിന്ദന്റെ ചുണ്ടുകൾ അമൃതയുടെ നെറ്റിയിലൂടെ ഇഴഞ്ഞു അവളുടെ ചെഞ്ചോടികളെ സ്വന്തമാക്കിയിരുന്നു…ആനന്ദത്തിന്റെ നിർവൃതിയിൽ അലിഞ്ഞു അരവിന്ദന്റെ കൈക്കുള്ളിൽ അയാളുടെ നെഞ്ചിലേക് തല വെച്ചു അമൃത പതിയെ ഉറക്കത്തിലേക്കു വഴുതി വീണു. 

 

♦️♦️♦️♦️♦️♦️♦️♦️♦️♦️♦️♦️♦️♦️

 

“”എടാ ആര്യാ .. ഒന്നു വണ്ടി നിർത്താൻ പറ…  “”

 

“”എന്താടാ കോപ്പേ.. ” ആര്യൻ ദേഷ്യത്തിൽ തിരിഞ്ഞു നോക്കി. 

 

“എടാ എന്റെ പാസ്‌പോർട്ടും  സർട്ടിഫിക്കറ്റും  ഒക്കെ വെച്ച ബാഗ് എടുക്കാൻ മറന്നു പോയി.. “

 

“”മറന്നു പോവാതിരിക്കാൻ നീ  ടേബിളിൽ വെച്ച ബാഗോ “”