രാജവ്യൂഹം 3 [നന്ദൻ] 981

അതു കയ്യിൽ വാങ്ങി  അവൾ തുറന്നു നോക്കി.. ഡയമണ്ട് പതിപ്പിച്ച ഒരു പ്ലാറ്റിനം റിങ് ആയിരുന്നു അതു. 

 

“”താങ്ക്യു അങ്കിൾ”” അവൾ സന്തോഷത്തോടെ ശങ്കറിനെ നോക്കി.. 

 

“”ശെരിക്കു പഠിച്ചോണം…..കേട്ടല്ലോ. “” കല്യാണിയുടെ തോളത്തു തട്ടി കൊണ്ടു ശങ്കർ പറഞ്ഞു 

 

“”ഇങ്ങനെ സമ്മാനം ഒക്കെ കിട്ടുവാണേൽ എപ്പോ പഠിച്ചു എന്നു ചോദിച്ചാൽ മതി അങ്കിളേ.. “” കല്യാണി മോതിരം എടുത്തു തന്റെ കയ്യിലെ മോതിര വിരലിൽ ഇട്ടു ഭംഗി നോക്കി കൊണ്ട് പറഞ്ഞു.. 

 

കിഷോർ എല്ലാവർക്കും പുറത്തു നിന്നു ഭക്ഷണം വാങ്ങി കൊടുത്തത് കൊണ്ടു അവർക്കു വേറെ ഒന്നും വേണ്ടായിരുന്നു… ശങ്കറും ഫാമിലിയും പോയി കഴിഞ്ഞാണ് എല്ലാവരും ഓരോ റൂമിലേക്കു പോയത്.. കിഷോറും കല്യാണിയും മുകളിലത്തെ നിലയിൽ ആണ്. ഓപ്പോസിറ്റ് ആയിട്ടുള്ള റൂമുകളിൽ.. 

 

കട്ടിലിൽ ചാരിയിരിക്കുന്ന കിഷോറിന്റെ മടിയിലേക്കു കല്യാണി കിടക്കും… അവൻ അവളുടെ മുടിയിഴകളിലൂടെ പതിയെ മസ്സാജ് ചെയ്തു കൊടുക്കും അങ്ങനെ തന്നെ ഉറങ്ങുന്ന അവളെ ബെഡിലേക് കിടത്തി AC യും കുറച്ചു ഇട്ടിട്ടേ കിഷോർ തന്റെ റൂമിലേക്കു പോകാറുള്ളൂ..

 

പതിവ് പോലെ കിഷോറിന്റെ മടിയിൽ ആയിരുന്നു കല്ലു കിഷോർ തനിക്കു വന്ന വാട്സ്ആപ്പ് മെസ്സേജുകൾ പരിശോധിക്കുകയായിരുന്നു. 

 

“” കല്ലു ഉറങ്ങിയോ മോനെ “” ചോദിച്ചു കൊണ്ടു അരവിന്ദും  അമൃതയും കൂടെ മുറിക്കുള്ളിലേക് വന്നു. 

 

“”ങ്ങാ ഉറങ്ങി അമ്മേ.. “” മടിയിൽ കിടക്കുന്ന കല്ലുവിന്റെ കവിളിൽ തൊട്ടു നോക്കി കൊണ്ട്.. കിഷോർ പറഞ്ഞു.. അതിനു ശേഷം അവൻ അവളുടെ തല എടുത്തു തലയിണയിലേക് വെച്ചു കൊണ്ടു ബെഡിൽ നിന്നും പതിയെ എഴുന്നേറ്റു..

 ങ്ങും.. കല്യാണി ഉറക്കത്തിൽ പതിയെ കയ്യെടുത്തു തപ്പി നോക്കി. .

 

“”പാവം.. കിച്ചന്റെ മടിയിൽ കിടന്നുറങ്ങി ശീലിച്ചു പെണ്ണ്..”” ബെഡിൽ കിടന്ന ബ്ലാങ്കെറ്റ്  എടുത്തു കല്യാണിയെ പുതപ്പിച്ചു കൊണ്ടു അരവിന്ദ് പറഞ്ഞു 

 

“” ങ്ങും അച്ഛ നേരത്തെ വന്നാൽ പുറത്തു പോകാനും എന്തൊക്കെയോ വാങ്ങാനും പ്ലാൻ ഇട്ടിരുന്നതാ…അവൾ “” കിഷോർ പറഞ്ഞു. 

 

“” സാരമില്ല നമുക്ക് നാളെ പോകാം കേട്ടോ കാന്താരി.. “” കൊച്ചു കുട്ടികളെ പോലെ ഉറങ്ങുന്ന അവളുടെ മുഖത്തേക് നോക്കി അവളുടെ ശിരസ്സിലൂടെ പതിയെ തഴുകി കൊണ്ട് അരവിന്ദ് പറഞ്ഞു…

 

“‘കിച്ചു “

 

കല്യാണിയുടെ മുറിയുടെ പുറത്തിറങ്ങി തന്റെ റൂമിലേക്കു നടക്കുക ആയിരുന്ന കിഷോറിനെ അരവിന്ദൻ വിളിച്ചു. 

 

“എന്താ അച്ഛാ. ” കിഷോർ തിരിഞ്ഞു നിന്നു 

 

അരവിന്ദന്റെ മുഖത്തേക് നോക്കിയപ്പോൾ എന്തോ സീരിയസ് ആയ കാര്യം ആണ് പറയാൻ പോകുന്നതെന്ന് കിഷോറിന് തോന്നി. 

 

കിച്ചു നിന്റെ എംടെക് കഴിഞ്ഞല്ലോ എന്തായാലും നിന്റെ ഇഷ്ടം പോലെ ടെക്സ്റ്റൈൽ ടെക്നോളജിയിൽ. പക്ഷെ  നീ പറഞ്ഞ പോലെ ഏതെങ്കിലും കമ്പനിയിൽ വർക്ക്‌ ചെയ്തിട്ടു എക്സ്പീരിയൻസ് ആയിട്ട് നമ്മുടെ കമ്പനിയുടെ കാര്യം നോക്കാം എന്നത് വേണ്ട എന്നെനിക് തോന്നുന്നു.. കണ്ണനും കൂടെ വന്നിട്ട് നിങ്ങൾ കമ്പനിയുടെ കാര്യം നോക്കണം എന്നാണ് ഞങ്ങളുടെ തീരുമാനം.. 

 

“”അച്ഛാ അതു… “