രാജവ്യൂഹം 3 [നന്ദൻ] 981

“”ഓഹ് ശിവരാമേട്ടൻ കാണിച്ച പണിയെ കുറിച്ച് പറയുകയായിരുന്നു “” അമൃത വിഷമത്തോടെ പറഞ്ഞു 

 

“” അതൊക്കെ പോട്ടെന്നു.. നമുക്ക് ഉണ്ടാക്കാൻ പറ്റുന്നതൊക്കെയെ നഷ്ട പെട്ടിട്ടുള്ളു…കേട്ടിട്ടില്ലേ പണം ഇന്ന് വരും നാളെ പോകും… ബിസ്സിനെസ്സ് അങ്ങനാണ്.. എന്റെ അവസ്ഥ അറിയില്ലേ എല്ലാം പൊട്ടി പാളീസായി ദാ ഇവളെയും പിള്ളേരെയും കൊണ്ടു റെയിൽപാളത്തിൽ തല വെക്കാൻ പോയപ്പോൾ… അന്ന് രാത്രി ഈ അരവിന്ദനെ കണ്ടില്ലായിരുന്നേൽ ഇന്ന് ഞങ്ങൾ ഭിത്തിയേൽ ഇരുന്നേനെ.. ശിവരാമൻ ചെയ്തത് ഓർത്തു വിഷമിക്കണ്ട… നമ്മുടെ കല്യാണി കാന്താരിക് കൊടുത്ത വാക്ക് പാലിക്കാൻ പറ്റാത്തത് കൊണ്ടു എന്തൊക്കെ സംഭവിക്കും എന്നോർത്ത് മാത്രം ചിന്തിച്ചാൽ മതി… ” ചെറു ചിരിയോടെ ശങ്കർ പറഞ്ഞു.. 

 

“”പലപ്പോളും അരവിന്ദനും അത്ഭുത പെടാറുണ്ട് എങ്ങനെയാണ് ശങ്കർ ആദ്യം ബിസിനെസ്സിൽ പരാജയപ്പെട്ടതെന്നു.. കാരണം എത്ര സങ്കീർണമായ പ്രശ്നങ്ങളും നിസ്സാരമായി ഒരു പുഞ്ചിരിയോടെ ശങ്കർ പരിഹാരം കാണുമ്പോൾ.. ആ നൈപുണ്യത്തിനു മുന്നിൽ പലപ്പോളും അരവിന്ദൻ മനസ്സിൽ വണങ്ങാറുണ്ട്.. ബിസിനെസ്സിൽ കുറുക്കന്റെ ബുദ്ധിയാണ് ശങ്കറിനെന്ന്  ഓഫീസിലെ കൈമെൾ പറഞ്ഞത് അരവിന്ദൻ ഓർത്തു  “”

 

“” പിന്നെ അരവിന്ദാ നമ്മൾ ഒരുമിച്ച് ചെയ്ത ബിസിനസിലെ നഷ്ടവും ലാഭവും ഒക്കെ നമുക്ക് ഒരുമിച്ച് ഷെയർ ചെയ്യാഡോ… നഷ്ടം നികത്താൻ നിന്റെ ഷെയറിൽ നിന്നും എനിക്ക് തരാം എന്നു പറഞ്ഞതിലെ ഉള്ളു എനിക്ക് പരിഭവം “”

 

“” അതു ശങ്കരേട്ടാ.. പിന്നെ “”

 

“”ഒരു പിന്നെയും ഇല്ല.. നമ്മൾ ഒരുമിച്ച് തിരിച്ചു പിടിക്കും നഷ്ട്ടം വന്നതൊക്കെ. അല്ലേൽ നമ്മുടെ കിച്ചുവും കണ്ണനും അല്ലേ ഉള്ളത്…”” ശങ്കർ അരവിന്ദന്റെ പുറത്തൂടെ കയ്യിട്ടു ചേർത്തു പിടിച്ചു കൊണ്ട് പറഞ്ഞു.. 

 

“” ഇനി അതാണ് ആഗ്രഹം കുട്ടികളുടെ കീഴിൽ സ്റ്റാഫ്‌ ആയി വർക്ക്‌ ചെയ്യണം അല്ലേ ശങ്കരേട്ടാ “”

 

“”അതേ അതേ “” ശങ്കറും അതും പറഞ്ഞു ചിരിച്ചതും പുറത്തു ഒരു വാഹനം വന്നു നിൽക്കുന്ന ശബ്ദം കേട്ടു.. 

 

“”ദാ കുട്ടികൾ വന്നെന്നു തോന്നുന്നു ” പുറത്തേക് നോക്കി അമൃത പറഞ്ഞു.. 

 

“‘എന്തുപറ്റി വാനരസംഘം ഇന്ന് നേരത്തെ ഇങ്ങു പോന്നത്.. “””

 

ശങ്കർ ചിരിയോടെ ചോദിച്ചു..

 

“”അമ്മയുടെ ഓർഡർ ഉണ്ടായിരുന്നു അങ്കിളേ പെട്ടെന്ന് വന്നേക്കണം ഈ പെണ്ണിനേയും കൊണ്ട് കറങ്ങരുതെന്നു..”” കിഷോർ മറുപടി പറഞ്ഞു  

 

“”ആ അതു ശെരിയാ കുഞ്ഞു പിള്ളേരെ പിടിച്ചോണ്ട് പോകുന്നവർ ഇവിടൊക്കെ ഉണ്ടെന്ന കേട്ടിരിക്കുന്നെ അല്ലേ അരവിന്ദാ. “” 

 

“”അയ്യടാ അങ്കിളേ ഞാൻ കുഞ്ഞു കുട്ടിയൊന്നും അല്ല.. ദാ കണ്ടോ അമ്മയെക്കാളും  പൊക്കം ഉണ്ടെനിക്ക്.. “” അമൃതയുടെ അടുത്തേക് നീങ്ങി നിന്നു കൊണ്ടു കല്യാണി പറഞ്ഞു. 

 

“”അച്ഛ ചിരിക്കണ്ട അച്ഛയോടു ഞാൻ കൂട്ടില്ല.. ഞങ്ങളെ ഔട്ടിങ്ങിനു കൊണ്ടു പോകാന്നു പറഞ്ഞു പറ്റിച്ചതല്ലേ “” കല്യാണി അരവിന്ദനോട് പരിഭവിച്ചു. 

 

“”അല്ല അങ്കിളിന്റെ സമ്മാനം വേണ്ടേ കല്ലു “” റൂമിനുള്ളിലേക് കയറി പോവുക ആയിരുന്ന കല്യാണിയെ നോക്കി ശങ്കർ ചോദിച്ചു.. 

 

“”പിന്നെ വേണ്ടാതെ… “” കല്യാണി ഓടി ശങ്കറിനടുത്തേക് വന്നു..

 

ശങ്കർ പോക്കറ്റിൽ നിന്നും നീല നിറത്തിലുള്ള ഒരു ഡപ്പി എടുത്തു കല്യാണിയുടെ നേർക് നീട്ടി