രാജവ്യൂഹം 3 [നന്ദൻ] 981

അരവിന്ദന് എന്തോ കാര്യമായ ടെൻഷൻ ഉണ്ടെന്നു അമൃതയ്ക് മനസ്സിലായി… തന്റെ കയ്യിലിരുന്ന ചൂട് ചായ ടേബിളിന്റെ പുറത്തേക് വെച്ചു അമൃത അരവിന്ദന്റെ കാൽ ഭാഗത്തെക്ക്  ചെന്നു കാൽ പാദം കയ്യിലെടുത്തു.. ഇട്ടിരുന്ന സോക്സ് രണ്ടും അഴിച്ചെടുത്തു അമൃതയുടെ വിരൽ സ്പർശം ഏറ്റപ്പോൾ  അരവിന്ദൻ കണ്ണുകൾ തുറന്നു.. അമൃത എഴുന്നേറ്റു അരവിന്ദൻ ലൂസ് ആക്കി ഇട്ടിരുന്ന ടൈയും അഴിച്ചു മാറ്റി. 

 

“”എന്ത് പറ്റി അരവിന്ദേട്ടാ എന്ത് ടെൻഷൻ ആണെങ്കിലും എന്നോട് പറ “” അമൃത തന്റെ രണ്ടു കയ്യും അരവിന്ദിന്റെ കവിളുകളിൽ ചേർത്തു വെച്ചു പതിയെ മുഖം ഉയർത്തിക്കൊണ്ടു ചോദിച്ചു.  

 

“”അതു കമ്പനിയിലെ ചില പ്രശ്നങ്ങൾ ആണ് അമ്മു “”

 

“” പരിഹാരങ്ങൾ ഇല്ലാത്ത പ്രശ്നങ്ങൾ ഇല്ലല്ലോ ഏട്ടാ.. ഏട്ടനിപ്പോ ഈ ചായ കുടിക്കു “”

 

അമൃത ടേബിളിൽ ഇരുന്ന ചായ എടുത്തു അരവിന്ദിന്റെ കയ്യിലേക്ക്  കൊടുത്തു.. 

 

അയാൾ അതു ഊതി കുടിക്കുന്നതും നോക്കി അമൃത ബെഡിൽ അയാളുടെ അരികിലേക്കിരുന്നു.. 

 

“” കമ്പനിയുടെ കണക്കുകളിൽ ചില പൊരുത്തക്കേടുകൾ.. ലക്ഷക്കണക്കിന് രൂപയുടെ തിരിമറി നടന്നിട്ടുണ്ട്.. സപ്ലയഴ്സിന് കൊടുക്കേണ്ടുന്ന ക്യാഷ് കൊടുത്തിട്ടില്ല… കൂടാതെ നമ്മൾ അയക്കുന്ന കൊട്ടേഷനിൽ കുറച്ചു വേറെ ആരോ കോട്ട് ചെയ്യുന്നു. നമുക്ക് കിട്ടി കൊണ്ടിരുന്ന  ഓർഡറുകൾ വേറെ ഒരു കമ്പനിക്ക്  പോകുന്നു.. ഇതൊന്നും അല്ലാതെ മറ്റൊരു വലിയ പ്രശ്നം കൂടെ ഉണ്ടായി.. ഞാൻ നിന്നോട് പറയാതെ ഇരുന്നതാ.. ഞാൻ ഇന്നലെ പോയത് ബാംഗ്ലൂർ ആണ് “”

 

““അതെന്താ അരവിന്ദേട്ട.””

 

““നമ്മുടെ നൂഡിൽസിൽ മയക്കുമരുന്നിന്റെ അംശം എന്നൊരു വാർത്ത മലയാള പത്രങ്ങളിൽ വന്നിരുന്നു””

 

““അയ്യോ അതെങ്ങനെ..””

 

“”കർണാടകയിലെ കൊടും ക്രിമിനലായ രാക്കമ്മ എന്നൊരു ലേഡിയുടെ കമ്പനിയുമായി അളിയൻ കരാർ ഉണ്ടാക്കി.. അവർ നമ്മുടെ സാധനം എടുത്തു കൊണ്ട് റീ പാക്ക് ചെയ്യും അതിലെ മസ്സാല മുഴുവനായി മാറ്റി അവരുടെ മസാല ചേർക്കും… “”

 

“”എന്റെ ഈശ്വരാ..” അമൃത നെഞ്ചിൽ കൈ വെച്ചു 

 

“” അക്കൗണ്ട് കാര്യങ്ങളും നോക്കി കൊണ്ടിരുന്നത് ശിവേട്ടൻ അല്ലേ ” അമൃത സംശയത്തോടെ ചോദിച്ചു.. 

 

“”അതേ.. “”

 

“”എന്നിട്ട് അരവിന്ദേട്ടൻ ചോദിച്ചില്ലേ ഈ കാര്യങ്ങളെല്ലാം ശിവേട്ടനോട്.. “”

 

ശിവേട്ടൻ നാട്ടിലേക്കു പോയി എന്തോ അത്യാവശ്യം ഉണ്ടെന്നു പറഞ്ഞു 

 

“” ങേ എന്നിട്ടു ഞാൻ അറിഞ്ഞില്ല.. എന്നോട് പോലും പറഞ്ഞില്ലാലോ..നിങ്ങൾ ഒരുമിച്ചല്ലേ ഉച്ചക്ക് ഇവിടുന്നു പോയത്  “”

 

“”ഹ്മ്മ് ഓഫീസിൽ ചെന്ന പാടെ അത്യാവശ്യം ഉണ്ടെന്നു പറഞ്ഞു  പോയി… എന്താണെന്നു ചോദിച്ചപ്പോൾ വന്നിട്ട് പറയാം എന്നു പറഞ്ഞു “”

 

“”കമ്പനിയിലെ പൊരുത്തക്കേടുകൾ എങ്ങനെയാ അറിഞ്ഞേ….””

 

“”എനിക്ക് സംശയം ഉണ്ടായിരുന്നു അതു കൊണ്ടാണ് ഇപ്പോൾ ഒരു ഓഡിറ്റിംഗ് നടത്തിയത്.. പിന്നെ ശങ്കറിനെ അയച്ചത് നമുക്ക് സ്ഥിരം ഓർഡർ തന്നു കൊണ്ടിരുന്ന ഒരു കമ്പനിയുടെ എംഡി യെ കാണാൻ ആയിരുന്നു.. അവിടുന്നാണ് അറിഞ്ഞത് അവർ ഓർഡർ എല്ലാം മറ്റൊരു കമ്പനിക്കാണ് കൊടുക്കുന്നതെന്ന്.. “”