രാജവ്യൂഹം 3 [നന്ദൻ] 981

“” എന്താ കല്ലു ഇതു.. നിനക്ക് അറിയുന്നതല്ലേ അച്ഛെടെ തിരക്കുകൾ..”” കല്ലു സെറ്റിയിലേക് ഇട്ട ഫോൺ കയ്യിലെടുത്തു പരിഭവിച്ചു നിൽക്കുന്ന കല്ലുവിനെ ചേർത്ത് പിടിച്ചു കൊണ്ടു കിഷോർ പറഞ്ഞു…

 

“”മോളൊരു കാര്യം ചെയ്.. റെഡിയായിട്ട് വാ, ചേട്ടൻ പുറത്തു കൊണ്ടു പോകാം..””

 

കല്ലുവിന്റെ മുഖം തെളിഞ്ഞു..

 

“”എന്നാൽ നമുക്ക് പാർക്കിൽ പോകാം ഏട്ടാ.. “”

 

“”ഹ്മ്മ് അപ്പുറതെ കുട്ടി കുരങ്ങന്മാരെ കൂടെ വിളിക്കട്ടെ ഏട്ടാ “”

 

വിളിചോ വിളിച്ചോ.. 

 

‘”‘അമ്മ വരുന്നുണ്ടോ അമ്മേ.. “”

 

“”ഹേയ് ഞാനൊന്നും ഇല്ല നിങ്ങള് പോയിട്ട് വാ.. രാത്രിയിൽ അധികം കറങ്ങും ഒന്നും വേണ്ട.. കൂടെ ഒരു പെൺകുട്ടിയ ഉള്ളതെന്ന് ഓർമ വേണം.. “”

 

‘”എന്റമ്മേ നമ്മൾ ബോംബെയിൽ ആണുള്ളത്.. അമ്മ ഇപ്പോളും ആ കുഗ്രാമത്തീന്നു ഇങ്ങു പോന്നിട്ടില്ലല്ലോ “”

 

“” ഹ്മ്മ് കുഗ്രാമം ആയാലും നഗരം ആയാലും പെണ്ണ് പെണ്ണ് തന്നെയാ സൂക്ഷിച്ചാൽ ദുഖിക്കണ്ട എന്നാ.. ” 

 

“” എന്റമ്മേ ഞങ്ങൾ പെട്ടെന്ന് വരാം അല്ലേൽ ഒരുത്തി ഇന്ന് കരച്ചിലും പിഴിച്ചിലും ആയിരിക്കും നല്ല ദിവസം  ആയിട്ട് വെറുതെ കരയിപ്പിക്കണ്ടല്ലോ “” 

 

“” ഹ്മ്മ് കെട്ടിച്ചു വിടണ്ട പെണ്ണാ..  എന്നും കണ്ണീരൊപ്പാൻ ചേട്ടൻ പോകുവോ “”

 

“” എന്റെ പെങ്ങളെ കരയിപ്പിക്കാത്ത ഒരുത്തന്റെ കൂടയേ അവളെ വിടുവൊള്ളൂ അപ്പോളോ അമ്മേ “”  

 

കിഷോർ പറഞ്ഞത് കേട്ട അമൃതയുടെ ചുണ്ടിൽ ഒരു ചിരി വിടർന്നു.. 

 

അല്ലെങ്കിലും കല്ലുവിന്റെ  കണ്ണൊന്നു നിറഞ്ഞാൽ സങ്കടം മുഴുവൻ കിഷോറിനാണ്.. കല്ലു എന്തിനെങ്കിലും പിണങ്ങി കിടന്നാൽ.. ഭക്ഷണം കഴിക്കാതെ കിടന്നാൽ കിഷോറും കഴിക്കില്ല.. അതു കല്ലുവിനും അറിയാം അതു കൊണ്ടു തന്നെ അവളുടെ പരിഭവങ്ങൾക്കു ആയുസ്സും കുറവാണു അവൾടെ ഏറ്റവും വലിയ കൂട്ടുകാരനും അവളുടെ കിച്ചു ഏട്ടൻ ആണ്.. അമൃത ഓർത്തു…

 

മുറിയിലേക്കു പോയ കല്യാണി ഒരു ജീൻസും ഒരു ടോപ്പും ധരിച്ചു അതിനു പുറത്തു ഒരു സ്ട്രഗ്ഗും ഇട്ടു പുറത്തേക് വന്നപ്പോളേക്കും ഡ്രസ്സ്‌ മാറി കിഷോറും പുറത്തേക് വന്നിരുന്നു.

 

അമൃത മകളെ തന്നെ നോക്കി… തന്റെ ഒപ്പം പൊക്കം വെച്ചിരിക്കുന്നു കല്ലു.. നേരിയ ചെമ്പൻ നിറമുള്ള മുടിയിഴകൾ ഇടതൂർന്നു  വളർന്നു നിതംബത്തെ മറക്കുന്നു.. മനോഹരിയാണ് തന്റെ മകൾ കവിളുകൾക്കു റോസാ ദളത്തിന്റെ നിറം വെച്ചിരിക്കുന്നു. ശില്പ ഭംഗിയുള്ള ശരീരത്തിൽ യൗവനം തുടിച്ചു നിക്കുന്നു.. കട മിഴിയിൽ സ്വപ്നങ്ങളുടെ തിളക്കം ഉണ്ടോ..??

 

“”എന്താ അമ്മേ ഇങ്ങനെ നോക്കുന്നത്..? ‘”

നിരയൊത്ത പല്ലുകൾ കാട്ടി ചിരിച്ചു കൊണ്ട് കല്യാണി ചോദിച്ചു..

 

‘”ഒന്നുല്ല മോളുടെ വളർച്ച കാണുകയായിരുന്നു അമ്മ…””കല്യാണിയുടെ നെറുകയിൽ ഒരുമ്മ കൊടുത്തു കൊണ്ട് അമൃത പറഞ്ഞു 

 

“”ഒന്ന് പോ അമ്മേ ഞാൻ വളർന്നൊന്നും ഇല്ല.. ഞാനിപ്പോളും കുഞ്ഞല്ലേ…”” കല്യാണിയും അമൃതയുടെ കവിളിൽ ഉമ്മ വെച്ചു…

 

“”എന്നേക്കാൾ സുന്ദരി എന്റെ അമ്മയാട്ടോ… “” കല്യാണി ചിരിയോടെ പറഞ്ഞു.. അവളുടെ ചിരിയിൽ അധരങ്ങളുടെയും മിഴികളുടെയും ഭംഗി കൂടുന്നത് അമൃത കണ്ടു.. പെൺകുട്ടികൾ ഒരു പ്രായം കഴിഞ്ഞാൽ ആരുടെയെങ്കിലും കൈ പിടിച്ചു ഏല്പിക്കുന്നത് വരെ ടെൻഷൻ ആണ്… ഇപ്പോൾ ആണെങ്കിൽ വല്ലാത്തൊരു കാലവും.. കല്ലുവിനെ ചേർത്ത് പിടിക്കുമ്പോൾ അമൃതയുടെ മനസ്സിൽ ഇതൊക്കെയായിരുന്നു ചിന്ത…

 

“”ഇതെന്താ.. സംഭവം.. “‘ അമൃത കല്ലുവിനെ കെട്ടിപിടിച്ചു നിക്കുന്നത് കണ്ട കിച്ചു കളിയാക്കി..

 

“”പോടാ… “” അമൃത കിച്ചുവിന്റെ കയ്യിൽ ഒരടി കൊടുത്തു…

 

“”അവന്മാരെ വിളിച്ചോ കല്ലു “”

 

“”വിളിച്ചു കിച്ചേട്ടാ.. “” മറുപടി പറഞ്ഞ കല്ലു കിഷോറിന്റെ കൂടെ ഹാളിലേക് നടന്നു