മാന്ത്രികലോകം 15 [Cyril] 2139

ഞങ്ങളുടെ മനസില്‍ നേരിയ ഭയം പടർന്നു പിടിച്ചു. പക്ഷേ ഞങ്ങൾ അങ്ങനെ ശ്രമിക്കാൻ തന്നെ തീരുമാനിച്ചു.

“പക്ഷേ ഫ്രെൻ, പ്രകൃതി ശക്തിക്ക് മാത്രമല്ലേ ജീവനുള്ള എന്തിനും ആത്മാവിനെ കൊടുക്കാന്‍ കഴിയുക…?” ദനീർ നിരാശപ്പെട്ടു. ഞങ്ങളുടെ മുഖത്തും നിരാശ പടർന്നു.

ഞങ്ങൾ പത്ത് പേരുടെ കണ്ണുകളില്‍ സൂക്ഷിച്ചു നോക്കിക്കൊണ്ട് ഫ്രെൻ പറഞ്ഞു, “നിങ്ങള്‍ക്ക് ലഭിച്ച ഗോളത്തിൽ ആത്മാവും ഉണ്ടായിരുന്നു എന്നറിയുക.. അതിപ്പോ നിങ്ങളില്‍ നിന്നുപോലും മറഞ്ഞ് നില്‍ക്കുകയാണ്… നിങ്ങളുടെ ആയുധത്തിന് നിങ്ങളുടെ ജീവന്റെ അംശത്തെ പകര്‍ന്നു കൊടുക്കുമ്പോൾ ആ ആത്മാവ് നിങ്ങളുടെ ആയുധത്തിൽ പ്രവേശിക്കുകയും ജീവ ശക്തിയുമായി മാന്ത്രിക ബന്ധം സൃഷ്ടിക്കുകയും ചെയ്യും. അമ്മുവിനും സിദ്ധാര്‍ത്ഥനും ലഭിച്ച ആത്മാവുകള്‍ അവരുടെ ആയുധങ്ങളിൽ നേരത്തെ പ്രവേശിച്ച് മാന്ത്രിക ബന്ധം സൃഷ്ടിച്ചും കഴിഞ്ഞു…” ഫ്രെൻ വിശദീകരിച്ചു.

അവന്‍ പറഞ്ഞത് കേട്ട് ഞങ്ങളുടെ ചില സംശയങ്ങള്‍ മാറി… ചില ചോദ്യത്തിന്‌ ഉത്തരവും ലഭിച്ചു.

“ആദ്യമൊക്കെ അമ്മുവും സിദ്ധാര്‍ത്ഥിനും ഫലപ്രദമായി കുറെ യോദ്ധാക്കളെ കൊല്ലാൻ കഴിഞ്ഞുവെങ്കിലും പിന്നീട് ആ യോദ്ധാക്കള്‍ നിസ്സാരമായി അവരില്‍ നിന്നും ഒഴിഞ്ഞ് മാറാൻ തുടങ്ങി… ഇപ്പോൾ ഞങ്ങൾക്ക് അവരെ എങ്ങനെ കൊല്ലാന്‍ കഴിയും..?” ഹെമീറ സംശയത്തോടെ ചോദിച്ചു.

“കൊല്ലാനുള്ള മാര്‍ഗ്ഗം ഞാൻ പറഞ്ഞുകഴിഞ്ഞു… അതിനെ പ്രാവര്‍ത്തികമാക്കാനുള്ള മാര്‍ഗം നിങ്ങൾ കണ്ടെത്തുക… എനിക്ക് പോകാൻ സമയമായി…” അത്രയും പറഞ്ഞിട്ട് ഫ്രെൻ അപ്രത്യക്ഷനായി.

ഞങ്ങൾ നിരാശയോടെ അവന്‍ നിന്നിരുന്ന സ്ഥലത്ത്‌ തന്നെ നോക്കി നിന്നു.

പെട്ടന്ന് നിശ്ചലമായിരുന്ന സമയം പിന്നെയും പ്രവർത്തിക്കാൻ തുടങ്ങി… ഒഷേദ്രസിന്റെ യോദ്ധാക്കൾ ഞങ്ങളുടെ രക്ഷാവലയത്തെ ആക്രമിക്കാൻ തുടങ്ങി.

എനിക്കും സിദ്ധാര്‍ത്ഥിനും ആത്മാവുള്ള ആയുധങ്ങൾ ഉണ്ട്… അതുകൊണ്ട്‌ മറ്റുള്ള എട്ട് പേരാണ് അവരവരുടെ ആയുധത്തിന് അവരുടെ ജീവന്റെ അംശത്തെ പകര്‍ന്നു കൊടുത്തത്. ഉടനെ അവരുടെ ആത്മാവില്‍ അദൃശ്യമായി നിന്നിരുന്ന ആത്മാവുകള്‍ ആ ആയുധങ്ങളിൽ പ്രവേശിച്ച് മാന്ത്രിക ബന്ധം സൃഷ്ടിച്ചു.

“ഇനി നമ്മുടെ ഹൃദയങ്ങളിൽ ആ യോദ്ധാക്കളുടെ വാളുകൾ തുളച്ചുകയറാതെ നമുക്കെങ്ങനെ അവരെ നശിപ്പിക്കാന്‍ കഴിയുമെന്ന് ആലോചിക്കാം…” ജാസർ ചിരിച്ചുകൊണ്ട് പറഞ്ഞു.

“നമുക്ക് വേഗതയാണ് ഇവിടെ വേണ്ടത്.. അപ്പോ ആ യോദ്ധാക്കള്‍ ഒഴിഞ്ഞ് മാറും മുന്നേ നമുക്കവരെ കൊല്ലാന്‍ കഴിയും…” ജാസർ പറഞ്ഞു.

“വേഗത മാത്രം പോരെ.. നമുക്ക് ദൂരെ നിന്നുതന്നെ ഒരുപാട്‌ യോദ്ധാക്കളെ ഒരുമിച്ച് കൊല്ലാനുള്ള വിദ്യയാണ് മനസ്സിലാക്കേണ്ടത്…” അഖില്‍ തര്‍ക്കിച്ചു.

ഞങ്ങളുടെ ചർച്ച അങ്ങനെ തുടർന്നു. റാലേനും കൂട്ടരും കുറച്ചകലെ ഇരുന്നുകൊണ്ട് ഇതെല്ലാം നോക്കുകയായിരുന്നു. പക്ഷേ കുറെ കഴിഞ്ഞ് അവരുടെ നോട്ടം ഞങ്ങളില്‍ നിന്നും മാറ്റി അവരവരുടെ ചിന്തകളില്‍ ഏര്‍പ്പെട്ടു.