മഹാനദി 11 (ജ്വാല ), ക്ലൈമാക്സ്‌ 1627

പിന്നെയും ഞങ്ങൾ എന്തൊക്കെയോ സംസാരിച്ചു സമയം പോയി.,.,

രാത്രി ഇരുണ്ടു, സഹയാത്രികർ ഓരോരുത്തരായി ഉറങ്ങാൻ ഉള്ള തയ്യാറെടുപ്പിൽ ആണ്. അമ്മ ഭക്ഷണം കഴിഞ്ഞ് സീറ്റിലേക്ക് ചാരി ഇരുന്നു ഉറക്കം തൂങ്ങുന്നു, 

” അമ്മേ… അവിടെ കിടന്നോളു, സ്റ്റേഷൻ എത്താറാകുമ്പം ഞാൻ വിളിക്കാം. 

അമ്മയെ ഞാൻ സീറ്റിലേക്ക് കിടത്തി.,.,.ട്രെയിൻ ഇപ്പോഴും നല്ല വേഗതയിൽ ആണ്, ഞാനും ഒന്ന് കണ്ണ് അടച്ചു,.., ബൈണ്ടൂർ സ്റ്റേഷനിൽ ട്രെയിൻ എത്തുമ്പോൾ 2:15 കഴിഞ്ഞിരുന്നു 1:45 നു  എത്തേണ്ടത് ആണ് 

ഒരു ഓട്ടോ പിടിച്ചു ബസ്‌ സ്റ്റാന്‍ഡില്‍ എത്തി. അവിടെ നിന്ന്  കൊല്ലുര്‍ക്ക് ബസ്‌ ഉണ്ട്. ഏകദേശം ഒരു മണിക്കൂര്‍ കൊണ്ട് കൊല്ലൂര്‍ എത്താം. ഞങ്ങൾ നേരത്തെ തന്നെ മുറി ബുക്ക് ചെയ്തിരുന്നതിനാൽ ബുദ്ധിമുട്ട് ഒന്നും ഉണ്ടാകാതെ താമസവും ശരിയായി. 

രാവിലെ തന്നെ എഴുന്നേറ്റു കുളിച്ചു റെഡി ആയി കൊല്ലൂർ മൂകാംബിക ക്ഷേത്രത്തിലേക്ക്.

ഒരുപാട് ഐതിഹ്യങ്ങൾ പറഞ്ഞു കേട്ട. ഈ ക്ഷേത്ര സന്നിധിയിൽ എത്തിയപ്പോൾ എന്റെ മനസ്സിലും ഭക്തി നിറഞ്ഞു തുടങ്ങിയോ. അവധി ദിവസം ആയതുകൊണ്ട് നല്ല തിരക്ക് ക്യൂവിൽ ഞങ്ങളും സ്ഥാനം പിടിച്ചു. 

അമ്മേ മഹാമായേ ..എന്ന ഒറ്റധ്യാനം..മുന്നില്‍ ഒന്നും കാണുന്നില്ല ദേവി മാത്രം മനസ്സില്‍ ! വലിയൊരു ആരവതോട് കൂടി നട തുറക്കുന്ന  ശബ്ദം  കേള്‍ക്കാം!ഇടതടവില്ലാതെ മണി അടിച്ചുകൊണ്ടെയിരിക്കുന്നു.ക്യു നീങ്ങിത്തുടങ്ങി.അനേകമനേകം ദുഖഭാരങ്ങളും ഏന്തി  ഭക്തജനങ്ങള്‍ ദേവിയോട് സങ്കടം ഉണർത്തിക്കാന്‍ വേണ്ടി നില്‍ക്കുന്നു.

ക്യുവില്‍ നീങ്ങുമ്പോള്‍ ചുവര്‍ചിത്രങ്ങള്‍ കാണാം.അങ്ങിനെ നടയുടെ വാതില്‍ക്കല്‍ എത്തി.ക്യു രണ്ടായി പിരിഞ്ഞു.