മഹാനദി 11 (ജ്വാല ), ക്ലൈമാക്സ്‌ 1631

” ഞാൻ പഠിച്ചു കൊണ്ടിരിക്കുമ്പോൾ ഞങ്ങളുടെ സീനിയർ ആയ ഒരാൾ വന്നു എന്നെ പ്രൊപ്പോസ് ചെയ്തു. കാണാൻ സുന്ദരൻ, കട്ടിമീശക്കാരൻ, കോളേജിലെ ബുദ്ധി ജീവി, ഇഷ്ടമാകാതെ ഇരിക്കാൻ യാതൊരു കുറവും അവനില്ല, 

പക്ഷെ എന്റെ അച്ഛന് എന്നെ വലിയ പ്രതീക്ഷ ആയിരുന്നു, എനിക്ക് ഒരു ജേഷ്ഠൻ ഉണ്ടായിരുന്നു ബുദ്ദി കൂടിയത് ദൈവത്തിന് ഇഷ്ടമായില്ല എന്ന് തോന്നുന്നു കോളേജിൽ പഠിക്കുമ്പോൾ പെട്ടന്ന് മരിച്ചു ആരും അറിഞ്ഞിരുന്നില്ല തലയ്ക്കുളളിൽ വളർന്ന വലിയൊരു മുഴ.

അതിനു ശേഷം എല്ലാരും ഭയന്നു, എന്റെ മുകളിൽ പ്രതീക്ഷയുടെ കൂമ്പാരം ഉള്ളത് കൊണ്ട് ഒരിക്കലും അവനോട് യെസ് എന്ന് പറയാൻ മനസ്സു വന്നില്ല. പക്ഷെ ഞാൻ അവനോട് പറഞ്ഞു, 

തനിക്ക് ഒരു ജോലിയായി കുടുംബം പോറ്റാൻ കഴിവുണ്ടാകുന്ന അന്ന് വീട്ടിൽ വന്നു ചോദിക്കു, അല്ലാതെ മറ്റൊന്നും എനിക്ക് നൽകാൻ കഴിയില്ല. 

അനന്തമായി കാത്തുനിൽക്കാതെ വേഗം വരിക, അതു വരെ ഞാൻ കാത്തിരിക്കാം…. 

പിന്നെ ഞങ്ങൾ പരസ്പരം കാണുമ്പോൾ ഒന്ന് പുഞ്ചിരിക്കും എന്നൊഴിച്ചാൽ, ഒരു സംസാരം പോലും ഇല്ലായിരുന്നു. അവൻ കോളേജിൽ നിന്ന് ഇറങ്ങുന്നതിന്റെ അന്ന് വീണ്ടും എന്നെ കാണാൻ വന്നു. 

” ജനനി.,., ജോലി ആയാൽ ഞാൻ വരും കാത്തിരിക്കണം, 

അവന്റെ അഡ്രസ്സും, ടെലഫോൺ നമ്പറും തന്നു അവൻ പോയി. പിന്നെ ഞങ്ങൾ യാതൊരു കോൺടാക്റ്റും ഇല്ലായിരുന്നു, ഇടയ്ക്കിടെ എന്റെ സ്വപ്നങ്ങളിൽ അവൻ വന്നുപോകുമായിരുന്നു, കോളേജ് കാലഘട്ടത്തിൽ പ്രണയിക്കാതിരുന്നതിൽ അന്ന് ആദ്യമായി കുറ്റബോധം തോന്നി. കൃത്യമായി പറഞ്ഞാൽ ഒരു വർഷം കഴിഞ്ഞപ്പോൾ എനിക്ക് ഒരു കത്ത് വന്നു അവനു ജോലി ആയെന്നും ഇപ്പോൾ ഡാർജലിങ്ങിൽ  ആണെന്നും അടുത്ത മാസം നാട്ടിൽ വരുന്നുണ്ട് അപ്പോൾ ഒഫിഷ്യൽ ആയി  പെണ്ണുകാണാം വരാം എന്നും.