മഹാനദി 11 (ജ്വാല ), ക്ലൈമാക്സ്‌ 1631

ഹോ.,.,.അവളുടെ കണ്ണുകൾ എന്തൊരു തീക്ഷ്ണതയാണ്, എന്തോ ദുഃഖം തളം കെട്ടി നിൽക്കുന്നത് പോലെ… 

ജീപ്പ് പിന്നെയും കുലുങ്ങിക്കുലുങ്ങി മുന്നോട്ട് നീങ്ങി.,.,.ഏകദേശം ഒന്നരമണിക്കൂര്‍ കഴിഞ്ഞു ഞങ്ങൾ കുടജാദ്രി എത്തി. 

ശ്രീ ശങ്കരാചാര്യര്‍ തപമിരുന്ന പുണ്യ സ്ഥലം. 

മലമുകളിലാണ് ശങ്കരാചാര്യരുടെ സര്‍വ്വജ്ഞ പീഠമുള്ളത്. മഞ്ഞിൽക്കുളിച്ച് മനോഹരിയായ് നിൽക്കുന്ന മലമുകളിൽ നിന്നുള്ള ദൃശ്യം ഹൃദയഹാരിയാണ്.,. കുറച്ച് നടക്കേണ്ടി വരും, ഞാൻ ഊന്നു വടി എടുത്തു ജനനിക്ക് ഒപ്പം നടന്നു നീങ്ങി. 

ചില സ്ഥലങ്ങളിൽ എന്റെ ബാലൻസ് തെറ്റുന്നത് കണ്ടത് കൊണ്ടാകാം പലപ്പോഴും ജനനി സഹായത്തിനു എത്തി. മുകളിൽ എത്തിയപ്പോഴേക്കും ഞങ്ങൾ തളർന്നിരുന്നു. 

” ഏട്ടാ അവിടെ ഇരിക്കാം.,.,

ഒരു മൺതിട്ടയിൽ ഞങ്ങൾ ഇരുന്നു.,., ജനനി കൈയിലിരുന്ന ബാഗിൽ നിന്ന് വെള്ളം പകർന്നു എനിക്ക് തന്നു. നേർത്ത കാറ്റനു നല്ല തണുപ്പ് ഉണ്ടായിരുന്നു. ഞാൻ വെള്ളം മൊത്തി കുടിക്കുമ്പോൾ അവൾ രണ്ടു കഷണം ബിസ്‌ക്കറ്റ്  കൂടി തന്നു. 

” ആഹാ… ഫുൾ സെറ്റപ്പിൽ ആണോ നടപ്പ്,?  

” ഇവിടെ ഒന്നും കിട്ടില്ലെന്ന്‌ ആരോ പറഞ്ഞു , അപ്പോൾ ഒരു മുൻകരുതലിന്.,..,.,

അതും പറഞ്ഞു അവൾ ഒന്ന് പുഞ്ചിരിച്ചു.,., എന്നിട്ട് ചോദിച്ചു 

” ഏട്ടന്റെ കാലിന് എന്ത് പറ്റിയതാ? 

” ഒരു ആക്സിഡന്റ്, പിന്നിൽ നിന്ന് വന്ന ജീപ്പ് തട്ടിയിട്ട് പോയി…