ഭാഗ്യ സൂക്തം 03

Bhagya Sooktham Part 3 | Author : Eka-Danthy

[ Previous Part ]

തിരിച്ചുവരാം DCT യിലെ ഭാഗ്യശ്രീയുടെ വിലയിലേക്ക് … ഭാഗ്യയുടെ ഒരു പുതിയ പ്രഭാതം .

അലാറം അടിച്ച് എഴുന്നേറ്റു വരുമ്പോൾ തന്നെ കേൾക്കുന്നത് മാതാശ്രീയുടെ ശബ്ദമാണ്

“ അപ്പൂ ,എഴുന്നേൽക്കട ക്ളാസ് ഇല്ലേ ചെക്കാ . ഇങ്ങനെ പോത്ത് പോലെ കിടന്നുറങ്ങുയാൽ ഞാൻ ഈ ചട്ടുകം പഴുപ്പിച്ച് വെക്കും . ”

അമ്മയോട് മത്സരിച്ച് ജയിക്കാൻ പറ്റില്ല എന്ന തിരിച്ചറിവ് ഉള്ളതുകൊണ്ടോ , അമ്മ ചട്ടുകം പഴുപ്പിച്ച് വെക്കും എന്നത് വെറും വാക്കല്ല എന്ന യാഥാർത്യവുമായി പൊരുത്തപ്പെട്ടതു കൊണ്ടോ അപ്പു എഴുന്നേറ്റു എന്ന് തോന്നുന്നു .

ബ്രഷ് ചെയ്ത് മുഖം കഴുകി ഫ്രഷ് ആയി താഴെക്ക് എന്റെ കൂടെ സ്റ്റെയർ ഇറങ്ങുമ്പോൾ അവൻ പറഞ്ഞു .

“ഗുഡ് മോർണിംഗ് അമ്മൂസെ ”

“ഗുഡ്മോർണിംഗ് അപ്പൂസെ ” ഞാനും പറഞ്ഞു .

കിച്ചണിലേക്ക് ചെന്ന് ഞങ്ങൾ അമ്മയയോട് ഗുഡ് മോർണിംഗ് പറഞ്ഞു . അമ്മ ഞങ്ങൾക്ക് ഓരോ കപ്പ് ഗ്രീൻടീ തന്നു . അതും കുടിച്ച് കൊണ്ട് ഞാൻ സിറ്റ് ഔട്ടിലേക്ക് നടന്നു . അച്ഛനും , ഭാസ്കർ അങ്കിളും കാലത്തുതന്നെ എണീറ്റ് ഷട്ടിൽ കളിയ്ക്കാൻ പോയിട്ടുണ്ട് . റോട്ടറി ക്ലബിന്റെ ഒരു ഇൻഡോർ കോർട്ടിലേക്കാണ് , അച്ഛനും അങ്കിളും പിന്നെ കുറെ കളിക്കാരും ഒക്കെ ഉണ്ടാവും .റോട്ടറിയിൽ മെമ്പർഷിപ്പ് ഉള്ളവരോ ,മെമ്പർമാർക്ക് പകരം അവർ പറയുന്ന ആളുകളോ ഒക്കെ അവിടെ കളിക്കാം .

ഞാൻ പോർച്ചിന്റെസൈഡിൽ വെച്ചിട്ടുള്ള ഷെൽഫിൽ നിന്നും ഫിഷ് ഫീഡ് എടുത്ത് ഞങ്ങളുടെ ഗപ്പി കുളത്തിലേക്ക് നടന്നു . ഒരു ചെറിയ ആമ്പൽ കുളം ഉണ്ടായിരുന്നത് വൃത്തിയാക്കി ഗപ്പികളെ ഇട്ടിരിക്കുകയാണ് . അവർക്ക് തീറ്റ ഇട്ടുകൊടുത്ത് അതിനെ നെറ്റ് ഇട്ട് മൂടി . ഗെയ്റ്റിൽ വച്ച കവറിൽ നിന്ന് പാലിന്റെ പാക്കറ്റും പത്രവും എടുത്ത് ഞാൻ തിരികെ നടന്നു .

പത്രം സിറ്റ് ഔട്ടിലെ കോഫീ ടേബിളിൽ വെച്ച് പാൽ പാക്കറ്റുമായി ഞാൻ കിച്ചണിലെത്തി . അമ്മ ബ്രെക്ഫാസ്റ്റിനുള്ള പണികൾ നോക്കുന്നു . അപ്പു കുളിക്കാൻ പോയിട്ടുണ്ട് . ഞാൻ മെല്ലെ കിച്ചണിൽ തന്നെ ചുറ്റിപറ്റി നിന്നു .

” അമ്മുട്ടീ മോൾ പോയി കുളിച്ചെ ” എന്തെന്നറിയില്ല രാവിലെ തന്നെ അമ്മക്ക് നല്ല സ്നേഹം .പിന്നെ അത് കണ്ടില്ലെന്ന് നടിക്കാൻ പറ്റുമോ . ഞാൻ മെല്ലെ അവിടെനിന്ന് എസ്കേപ്പായി .

റൂമിലെത്തി കോളേജിലേക്കുള്ള ബാഗ് റെഡിയാക്കി ബുക്ക്സ് ഒക്കെ എടുത്ത് വെച്ച് . പിന്നെ ഇന്ന് ഇടാനുള്ള ഡ്രെസ്സും ഒരു ടവ്വലും എടുത്ത് കൊണ്ട് ഞാൻ ബാത്റൂമിലേക്ക് കയറി .

കുളിച്ചു കഴിഞ്ഞു ഡ്രസ്സ് ഒക്കെ മാറി ഞാൻ ഡ്രസിങ് ടേബിളിന്റെ മുന്നിൽ ഇരുന്ന് കണ്ണെഴുതി , ഒരു ചെറിയ പൊട്ടും തൊട്ടു . വല്യ മേക്കപ്പൊന്നും ചെയ്യാറില്ല . കെട്ടി ഒരുങ്ങി പോയിട്ട് ആരെ കാണിക്കാനാണ് ?

” അപ്പൊ നിന്റെ അനിസാറിനെ കാണിക്കണ്ടേ ? ” ദേ പിന്നേം മനസാഷ്കി .